தியூ தீவு

தியூ தீவு દમણ અને દીવ Div / Dio
தீவு
தியூ தீவு
ஆள்கூறுகள்: 20°42′53.9″N 70°59′26.1″E
நாடு	இந்தியா
ஒன்றியப் பகுதி	தமனும் தியூவும்
மாவட்டம்	தியூ
அரசு
• வகை	பஞ்சாயத்து
பரப்பளவு
• மொத்தம்	38.8 km2 (15.0 sq mi)
ஏற்றம்	8 m (26 ft)
மக்கள்தொகை (2015)
• மொத்தம்	44,215
• அடர்த்தி	1,100/km2 (3,000/sq mi)
நேர வலயம்	IST (ஒசநே+5:30)
இணையதளம்	www.diu.gov.in

தியூ (Diu) என்பது குஜராத்தின் கத்தியாவார் தீபகற்பத்தின் தெற்கு கடற்கரையிலிருக்கும் ஓர் தீவாகும். இது பிரதான நிலப்பகுதியிலிருந்து ஒரு இயற்கையான நீரோடையால் பிரிக்கப்படுகிறது. இது 40 கிமீ² என்ற பரப்பளவைக் கொண்டுள்ளது. 2001 மக்கள் தொகை கணக்கெடுப்படி இதன் மக்கள் தொகை 44,110 என்ற அளவில் உள்ளது.

இது தியூ மாவட்டத்தைச் சேர்ந்தது. தியூ தலைப்பகுதியின் கிழக்கே 5 கி.மீ தொலைவில் அமைந்துள்ளது. தியூ என்பது ஒன்றிய பிரதேசமான தமன் மற்றும் தியயூவின் ஒரு பகுதியாகும். தமன் மற்றும் தியூ இரண்டும் ஒரே நாடாளுமன்ற உறுப்பினரைப் பகிர்ந்து கொள்கிறன.

தியூ மற்றும் தியூ கோட்டை தீவில் அமைந்துள்ளது. உள்நாட்டு விமான நிலையமான தியூ விமான நிலையமும் இங்குள்ளது.

தியூ கோட்டை

தியூ கோட்டை, தியூ

தியூ கோட்டை, இந்தியாவின் மேற்கு கடற்கரையில் தியூ என்ற ஒன்றியப் பிரதேசத்தில் அமைந்துள்ளது. இது இந்திய அரசால் நிர்வகிக்கப்படுகிறது. தியூ தீவின் காலனித்துவ ஆட்சியின் போது போர்த்துகீசியர்களால் இந்த கோட்டை கட்டப்பட்டது. கோட்டையின் மேற்கே தியூ நகரம் அமைந்துள்ளது. முகலாயப் பேரரசரான உமாயூன் இந்த பிராந்தியத்தை இணைக்க போர் நடத்தியபோது, குஜராத் சுல்தான் மற்றும் போர்த்துகீசியர்கள் பகதூர் ஷா உருவாக்கிய பாதுகாப்பு கூட்டணிக்குப் பின்னர் 1535 ஆம் ஆண்டில் இந்த கோட்டை கட்டப்பட்டது. 1541 இல் செய்யப்பட்ட சில சேர்த்தல்கள் மற்றும் கோட்டை பல ஆண்டுகளாக 1546 வரை பலப்படுத்தப்பட்டது. போர்த்துகீசியர்கள் 1537 முதல் (அவர்கள் கோட்டையையும், தியூ நகரத்தையும் முழுமையாகக் கைப்பற்றிய ஆண்டிலிருந்து) 1961 வரை இந்த நிலப்பரப்பை ஆண்டனர். இந்திய அரசாங்கத்தால் தொடங்கப்பட்ட கோவா படையெடுப்பு என்ற இராணுவ நடவடிக்கையின் போது 1961 டிசம்பரில் (1947 இல் இந்தியா ஒரு சுதந்திர நாடாக மாறினாலும்) அவர்கள் வெளியேற வேண்டிய கட்டாயம் ஏற்பட்டது. அதன்பிறகு தியூ இந்தியாவை மையமாக நிர்வகிக்கும் ஒன்றிய பிரதேசமாக இணைத்தது.

இந்த பிரம்மாண்டமான, நன்கு பாதுகாக்கப்பட்ட போர்த்துகீசிய கோட்டை அதன் இரட்டை அகழியுடன் ஒரு காலத்தில் அசைக்க முடியாததாக இருந்திருக்க வேண்டும். ஆனால் பல ஆண்டுகளாக கடல் அரிப்பு மற்றும் புறக்கணிப்பு அதன் மெதுவான சரிவுக்கு வழிவகுக்கிறது. கலங்கரை விளக்கம் தியூவின் மிக உயர்ந்த இடமாகும். இதில் பல சிறிய தேவாலயங்கள் உள்ளன.