தாமி

குரங்கொன்று தாமி எடுத்தபோது

தாமி தமிழ்:தம்படம் அல்லது செல்ஃபி (selfie) என்பது எண்ணிமப் புகைப்படக் கருவி மூலமாகவோ அல்லது புகைப்படக்கருவியுடன் கூடிய செல்லிடத் தொலைபேசி மூலமாகவோ தன்னைத் தானே புகைப்படம் எடுத்து கொள்வதை குறிக்கும் ஒரு சொல்லாகும். தாமியானது ஃபேஸ்புக், கூகுள்+, இன்ஸ்ட்டாகிராம், டுவிட்டர் போன்ற சமூக வலைத்தளங்களில் நல்ல வரவேற்பு பெற்றுள்ளது. பெருவாரியான தாமிகள் புகைப்படக் கருவியினை முகத்தை நோக்கி முழங்கை அளவுநீட்டி பிடித்தவாறோ அல்லது கண்ணாடியினை நோக்கிப் பிடித்தவாறோ எடுக்கப்படுகின்றன.

புதிய ஆங்கிலச் சொல்லான "செல்பி" (selfie) என்ற வார்த்தையை, ஆக்சுபோர்டு அகராதிகள் 2013 ஆண்டுக்கான சொல்லாகத் தேர்ந்தெடுத்துள்ளது.

விபரீதம்

இதன் மோகத்தால் பலர் மோசமான விளைவுகளைச் சந்திக்க நேரிடுகிறது. தமிழ் நாட்டில் அமைந்துள்ள கொல்லிமலையின் முகட்டிலிருந்து தன்னை தாமி எடுத்த மாணவன் தவறிவிழுத்து மரணம் அடந்தான்.