சேக் அப்துல்லா
சேக் அப்துல்லா | |
|---|---|
 | |
| 3வது சம்மு காசுமீர் முதல்வர் | |
| பதவியில் 25 பெப்ரவரி 1975 – 26 மார்ச் and 1977 | |
| முன்னையவர் | சையத் மீர் காசிம் |
| பின்னவர் | ஆளுநரின் ஆட்சி |
| பதவியில் 9 சூலை 1977 – 8 செப்டம்பர் 1982 | |
| முன்னையவர் | ஆளுநரின் ஆட்சி |
| பின்னவர் | பாரூக் அப்துல்லா |
| 2வது சம்மு காசுமீர் பிரதமர் | |
| பதவியில் 5 மார்ச் 1948 – 9 ஆகத்து 1953 | |
| முன்னையவர் | மெகர் சந்த் மகசன் |
| பின்னவர் | பக்சி குலாம் மொகமது |
| தனிப்பட்ட விவரங்கள் | |
| பிறப்பு | 5 திசம்பர் 1905[1] சௌரா, காஷ்மீர், பிரித்தானிய இந்தியா |
| இறப்பு | 8 செப்டம்பர் 1982 (அகவை 76)[1] சிறிநகர், காசுமீர் |
| அரசியல் கட்சி | ஜம்மு காஷ்மீர் தேசிய மாநாட்டு கட்சி |
| துணைவர் | பேகம் அக்பர் ஜகான் அப்துல்லா |
| பிள்ளைகள் | பாரூக் அப்துல்லா |
| முன்னாள் மாணவர் | இசுலாமியாக் கல்லூரி, இலாகூர் அலிகார் முஸ்லிம் பல்கலைக்கழகம்[2] |
| சமயம் | இசுலாம் |
சேக் முஹம்மது அப்துல்லா (Sheikh Mohammed Abdullah, 5 திசம்பர் 1905 – 8 செப்டம்பர் 1982) இந்தியாவின் வடகோடி மாநிலமான சம்மு காசுமீர் அரசியலில் முதன்மை பங்களித்த இந்திய அரசியல்வாதி ஆவார். "சேர்-இ-காசுமீர்" (காசுமீரின் சிங்கம்) என்ற பட்டப்பெயர் சூட்டிக்கொண்ட அப்துல்லா தேசிய மாநாட்டு கட்சி நிறுவிய தலைவரும் மூன்று முறை சம்மு காசுமீர் முதல்வராக பணியாற்றியவருமாவார். மகாராசா ஹரி சிங்கின் ஆட்சிக்கு எதிராக குரலெழுப்பி காசுமீரில் தன்னாட்சி ஏற்பட போராடினார்.
1947ஆம் ஆண்டில் சம்மு காசுமீர் இந்தியாவுடன் இணைக்கப்பட்டபோது இம்மாநில பிரதமராக பொறுப்பில் இருந்தார்.[3] ஆகத்து 8, 1953இல் பிரதமர் பதவியிலிருந்து விலக்கப்பட்டு பக்சி குலாம் மொகமது புதிய பிரதமராக நியமிக்கப்பட்டார். அப்துல்லா சிறை செய்யப்பட்டு மாநிலத்தை விட்டு வெளியேற்றப்பட்டார். தமிழகத்தின் கொடைக்கானல் மலைத்தலத்தில் காவலில் வைக்கப்பட்டிருந்தார். 1965இல் ‘சதர்-ஏ-ரியாசத்’திற்கு மாற்றாக ஆளுநரையும் ‘பிரதமருக்கு’ மாற்றாக முதல்வரையும் பயன்படுத்த அரசியலமைப்பு சட்டம் திருத்தப்பட்டது.[4] 1974ஆம் ஆண்டில் இந்திரா காந்தியுடன் ஏற்பட்ட உடன்பாட்டின்படி மீண்டும் மாநிலத்தின் முதலமைச்சராகப் பொறுப்பேற்றார். செப்டம்பர் 8, 1982இல் தமது மரணம் வரை தொடர்ந்து முதல்வராக நீடித்தார்.
மேற்சான்றுகள்
[தொகு]- ↑ 1.0 1.1 Hoiberg, Dale H. (2010) p 22-23
- ↑ Tej K. Tikoo (19 சூலை 2012). Kashmir: Its Aborigines and Their Exodus. Lancer Publishers. pp. 185–. ISBN 978-1-935501-34-3. Retrieved 26 பெப்ரவரி 2013.
- ↑ Lamb, Alastair. The Myth of Indian Claim to Jammu and Kashmir: A Reappraisal. World Kashmir Freedom Movement.
- ↑ Noorani, A.G. (2011). Article 370 : a constitutional history of Jammu and Kashmir (1. publ. ed.). New Delhi: Oxford University Press. ISBN 9780198074083.