வட்டார வளர்ச்சி அலுவலகம்

வட்டார வளர்ச்சி அலுவலகம் (Block Development Office) என்பது இந்தியாவின், தமிழ்நாட்டில், முன்னூற்று எண்பத்தைந்து ஊராட்சி ஒன்றியங்களின் கீழ் உள்ள 12,524 ஊராட்சி மன்றங்களில் உள்ள கிராம மக்களின் கல்வி, மருத்துவம், சுகாதாரம், போக்குவரத்து வசதிகள், வேலைவாய்ப்பு மற்றும் மகளிர், தலித் மற்றும் பழங்குடி மக்களின் சமூக பொருளாதார வளர்ச்சிக்கு உதவும் பொருட்டு, இந்திய அரசு மற்றும் தமிழ்நாடு அரசுகளின் சமூக நலத் திட்டங்களை திட்டங்களை கிராமங்களில் நடைமுறைப்படுத்தவும். அரசுகள் வழங்கும் நிதிகள் மற்றும் மானியங்களை கையாள்வதற்கும், தமிழ்நாடு ஊரக வளர்ச்சி மற்றும் ஊராட்சித் துறை மற்றும் மாவட்ட ஆட்சித் தலைவர் ஆகியவர்களின் வழிகாட்டுதல்களின் படியும் வட்டார அளவில் செயல்படுகிறது.

மத்திய, மாநில அரசுகளின் ஊரக வளர்ச்சி திட்டங்களை மாவட்ட அளவிலான மாவட்ட ஊரக வளர்ச்சி முகமையின் திட்ட இயக்குனர் கண்காணிப்பார்.

அலுவலர்கள்

வட்டார வளர்ச்சி அலுவலகத்தில் பணிபுரியம் அதிகாரிகளின் விவரம்

1. வட்டார வளர்ச்சி அலுவலர் (Block Development Officer)
2. துணை வட்டார வளர்ச்சி அலுவலர் (நிர்வாகம்)
3. துணை வட்டார வளர்ச்சி அலுவலர் (ஊராட்சிகள்)
4. துணை வட்டார வளர்ச்சி அலுவலர் (கணக்குகள்)
5. விரிவாக்க அலுவலர் (ஊராட்சி)
6. விரிவாக்க அலுவலர் (சமூகக் கல்வி விரிவாக்கம் மற்றும் மக்கள் தொடர்பு)
7. விரிவாக்க அலுவலர் (நிர்வாகம்)]
8. விரிவாக்க அலுவலர்கள் (கணக்குகள்)

இதனையும் காண்க

• கிராம ஊராட்சி
• தமிழக ஊராட்சி ஒன்றியங்களின் பட்டியல்

வெளி இணைப்புகள்

• மக்கள் உரிமையும் அரசின் கடைமையும், ஊரக வளர்ச்சி மற்றும் ஊராட்சித் துறை