வி. பி. கணேசன்

வி. பி. கணேசன் இலங்கையில் ஜனநாயகத் தொழிலாளர் காங்கிரஸ் (ஜ. தொ. க) என்ற மலையகத் தொழிற்சங்கத்தின் தலைவராக இருந்தவர். தமிழகத்தில் அரசியல் தலைவர்களுக்கு திரைப்படத் தொடர்பு இருந்ததைப் போல தொழிற்சங்க அரசியலில் இருந்து திரைப்படத் துறைக்கு வந்தவர். இலங்கையில் மூன்று தமிழ்த்திரைப்படங்களை தொடர்ந்து தயாரித்தவர். மூன்றிலும் இவரே கதாநாயகனாக நடித்தார். தென்னிந்திய திரைப்படங்களின் சாயலில் அமைந்த இந்த மூன்று திரைப்படங்களில் "புதிய காற்று", "நான் உங்கள் தோழன்" என்பன பெருத்த வெற்றியைப் பெற்றன. மூன்றாவது படமான 'நாடு போற்ற வாழ்க" சமகாலத்தில் "அஞ்சான" என்ற பெயரில் சிங்களத் திரைப்படமாகவும் உருவாகியது. கொழும்பு மாவட்டப் பாராளுமன்ற உறுப்பினரான பிரபா கணேசன், முன்னாள் பாராளுமன்ற உறுப்பினரான் மனோ கணேசன் ஆகியோர் இவருடைய பிள்ளைகளாவார்.

வெளி இணைப்புக்கள்

• - வி.பி. கணேசன் ஞாபகார்த்தப் பேரவை