உள்ளடக்கத்துக்குச் செல்

சினைப்பை நோய்க்குறி

கட்டற்ற கலைக்களஞ்சியமான விக்கிப்பீடியாவில் இருந்து.
சினைப்பை நோய்க்குறி
மகளிர் நோய் மருத்துவவியல்
சிறப்புGynecology
அறிகுறிகள்முறையற்ற மாதவிடாய் காலம், அதிகப்படியான உதிரப்போக்கு,அதிகப்படியான முடி வளர்தல், மலட்டுத்தன்மை[1]
கால அளவுஅதிக காலம்[2]
சூழிடர் காரணிகள்உடற்பருமன், உடற்பயிற்சி இல்லாமல் இருப்பது[3]

சினைப்பை நோய்க்குறி (Polycystic ovary syndrome)(PCOS) என்பது பெண்களுக்கு ஆண்ட்ரோஜன் எனப்படும் ஆண்தன்மைச் சுரப்பி அதிகரிப்பதன் காரணமாக ஏற்படும் ஒரு கூட்டு நோய் அறிகுறியாகும்.[4][5] ஒழுங்கற்ற மாதவிடாய் அல்லது மாதவிடாய் இல்லாமலிருத்தல், அதிகமான குருதிப்போக்கு, உடலிலும் முகத்திலும் அதிகமான முடிவளர்ச்சி, முகப்பரு, இடுப்பெலும்பு வலி, மலட்டுத்தன்மை, சில தோல் பகுதிகள் மட்டும் கெட்டியாகவும் கருத்தும் மிருதுவாகக் காணப்படுதல் ஆகியன இதன் அறிகுறிகளாகும்.[1] மேலும் இதனோடு நீரிழிவு நோய், உடற் பருமன் இதய நோய் , உறங்கும்போது மூச்சு விடுதலில் மாற்றம், சீரற்ற மனநிலை, கருப்பை அகப்படலப் புற்றுநோய் ஆகியவையும் இதனோடு தொடர்புடையனவாகும்..[4]

மீயொலிச் சோதனை மூலம் படமாக்கப்பட்ட சினைப்பை நோய்க்குறி

சினைப்பை நோய்கள் மரபுவழி, சூழல் என இரண்டும் இணைந்த கூட்டுக்காரணிகளால் ஏற்படுகின்றன.[6][7][8] உடற்பருமன், போதுமான உடற்பயிற்சியின்மை, குடும்பத்தில் முன்பு எவருக்கேனும் இது காணப்பட்டிருத்தல் ஆகியவை இந்நோய்க்குறி பாதிப்பதற்கான அபாய காரணிகளாகும்.[3] ஆண்ட்ரோஜன் அளவு அதிகரித்திருத்தல், சினைமுட்டை வராமலிருத்தல், சினைப்பையில் கட்டிகள் தோன்றுதல் ஆகிய இவற்றில் ஏதேனும் இரண்டினைக் கொண்டு சினைப்பை நோய்க்குறி கண்டறியப்படுகிறது.[4] கட்டிகள் மீயொலிச் சோதனை மூலம் கண்டறியப்படலாம்.[9] மேலும் அண்ணீரகச் சுரப்பிக் கோளாறு, தைராய்டு சுரப்புக் குறை,மிகை பால்சுரப்புக் கோளாறு ஆகியவை இருந்தாலும் மேற்கண்ட அதே அறிகுறிகள் தோன்றும்.[9]

சினைப்பை நோய்க்குறிக்கான தீர்வு எதுவுமில்லை.[2] உடற்பயிற்சி, எடைக்குறைப்பு ஆகிய சில வாழ்க்கைமுறை மாற்றங்கள் இதற்கான சிகிச்சையாகக் கருதப்படுகிறது.[10][11] கருத்தடை மாத்திரைகள் சில நேரங்களில் சரியான மாதவிடாய் சுழற்சி, மிகை முடிவளர்ச்சி, முகப்பரு ஆகியவற்றின் ஒழுங்கமைப்பை மேம்படுத்த உதவலாம்.[12] மெட்பார்மின், எதிர்- ஆண்ட்ரோஜென் ஆகியவை உதவக்கூடும்.[12] முகப்பரு சிகிச்சை, முடி நீக்கு சிகிச்சை ஆகியவையும் வழக்கமாகப் பயன்படுத்தப்படுகிறது.[12] கருத்தரித்தலை மேம்படுத்துவதற்கான முயற்சிகளுக்கு எடைக்குறைப்பு,மெட்பார்மின் அல்லது குளோம்பிபைன் ஆகியவை நல்ல பயனைத் தரும்.[13] சினைப்பை நோய்க்குறி காரணமாய் மலட்டுத்தன்மை ஏற்பட்டோருக்கு மற்ற சிகிச்சைகள் பலனளிக்காத போது செயற்கைமுறைக் கருவூட்டல் மிகுந்த பயன் தருகிறது.[13]

சினைப்பை நோய்க்குறி 18 முதல் 44 வயதுக்குட்பட்ட பெண்களுக்கிடையே தோன்றும் பொதுவான அகச்சுரப்பித் தொகுதிக் குறைபாடாகும்.[14] இந்த வயதுள்ள பெண்களுக்கு அறிகுறிகள் எவ்வாறு வகைப்படுத்தப்படுன்றன என்பதைப் பொறுத்து சுமார் இரண்டு விழுக்காடு முதல் இருபது விழுக்காடு வரையான பெண்கள் பாதிப்படைகிறார்கள்.[3][15] சினைப்பை நோய்க்குறியின் முதன்மையான விளைவுகளில் ஒன்று மலட்டுத்தன்மையாகும் [4] 1721 இல் இத்தாலியில் தற்பொழுது சினைப்பை நோய்க்குறி என விவரிக்கப்படும் இந்நோய்க்குறி இருப்பதனைக் கண்டறிந்ததாக குறிப்புகள் காணப்படுகின்றன.[16]

அறிகுறிகள்

[தொகு]

கீழ்க்காண்பவை சினைப்பை நோய்க்குறியின் பொதுவான அறிகுறிகளாகும்.

  • ஒழுங்கற்ற மாதவிடாய்: சினைப்பை நோய்க்குறியானது ஆண்டிற்கு ஒன்பதுக்கும் குறைவான மாதவிடாய் அல்லது மாதவிடாய் வராமை, மூன்று அல்லது அதற்கு மேற்பட்ட காலத்திற்கு மாதவிடாய் வராமை, பிற மாதவிடாய்க் கோளாறுகள் ஆகியவற்றைத் தோற்றுவிக்கிறது.[14]
  • மலட்டுத்தன்மை: பொதுவாக குறைவான சினைமுட்டை வெளிவருதல்.(சினைமுட்டைப் பற்றாக்குறை)[14]
  • ஆண் தன்மை மிகுந்து காணப்படுதல்: முகப்பருக்கள், உடலில் ஆண்களைப் போன்று (மார்பு, முகவாய் ஆகியவற்றில்) முடிவளர்ச்சி ஆகியன இதன் பொதுவான அறிகுறிகளாகும்.ஆனால் இதனால் மாதவிடாய் மிகைப்பு, முடி இழப்பு, ஆகிய அறிகுறிகளும் உருவாகக்கூடும்.[14][17] சினைப்பை நோய்க்குறியால் பாதிக்கப்பட்ட சுமார் மூன்றிலொரு பங்கு பெண்களுக்கு ஆண் தன்மை மிகுந்து காணப்படுவதாக ஐக்கிய அமெரிக்காவின் தேசிய குழந்தைகள் நலம் மற்றும் மனிதவளத்துறை ஆய்வொன்று (1990)) தெரிவிக்கிறது [18]
  • வளர்சிதை மாற்ற நோய்க்குறி: இது உடற்பருமன், இன்சுலின் எதிர்ப்பு ஆகியவற்றுடன் தொடர்புடைய ஒரு நோய்க்குறியாகும்.இதனோடும் சினைப்பை நோய்க்குறி தொடர்புடையதாகும்.[14] சினைப்பை நோய்க்குறி பாதிக்கப்பட்ட பெண்களுக்கு இன்சுலின் நீர்மம், இன்சுலின் எதிர்ப்பு, ஹோமோசிஸ்டீன் ஆகியவற்றின் அளவு அதிகரித்துக் காணப்படும்.[19]

பிற இனத்தவர்களை விட ஆசிய இனத்தவர்களுக்கு சினைப்பை நோய்க்குறியின் காரணமாக உடலில் முடி வளர்ச்சியடைதல் குறைவாகவே காணப்படுகிறது.[20]

மேற்கோள்கள்

[தொகு]
  1. ↑ 1.0 1.1 "What are the symptoms of PCOS?". www.nichd.nih.gov. Archived from the original (05/23/2013) on 3 March 2015. பார்க்கப்பட்ட நாள் 13 March 2015.
  2. ↑ 2.0 2.1 "Is there a cure for PCOS?". US Department of Health and Human Services, National Institutes of Health. 2013-05-23. Archived from the original on 5 April 2015. பார்க்கப்பட்ட நாள் 13 March 2015.
  3. ↑ 3.0 3.1 3.2 "How many people are affected or at risk for PCOS?". www.nichd.nih.gov. 2013-05-23. Archived from the original on 4 March 2015. பார்க்கப்பட்ட நாள் 13 March 2015.
  4. ↑ 4.0 4.1 4.2 4.3 "Polycystic Ovary Syndrome (PCOS): Condition Information". www.nichd.nih.gov/. 2013-05-23. Archived from the original on 4 March 2015. பார்க்கப்பட்ட நாள் 13 March 2015.
  5. ↑ "Polycystic ovary syndrome (PCOS) fact sheet". Women's Health. December 23, 2014. Archived from the original on 12 August 2016. பார்க்கப்பட்ட நாள் 11 August 2016. {{cite web}}: Unknown parameter |= ignored (help)
  6. ↑ "Genetic, hormonal and metabolic aspects of PCOS: an update". Reproductive Biology and Endocrinology : RB&E 14 (1): 38. 2016. doi:10.1186/s12958-016-0173-x. பப்மெட்:27423183. 
  7. ↑ Diamanti-Kandarakis E, Kandarakis H, (2006). "The role of genes and environment in the etiology of PCOS". Endocrine 30 (1): 19–26. doi:10.1385/ENDO:30:1:19. பப்மெட்:17185788. 
  8. ↑ "Scientific Statement on the Diagnostic Criteria, Epidemiology, Pathophysiology, and Molecular Genetics of Polycystic Ovary Syndrome". Endocrine Reviews 36 (5): 487–525. 2015. doi:10.1210/er.2015-1018. பப்மெட்:26426951. 
  9. ↑ 9.0 9.1 "How do health care providers diagnose PCOS?". www.nichd.nih.gov/. 2013-05-23. Archived from the original on 2 April 2015. பார்க்கப்பட்ட நாள் 13 March 2015.
  10. ↑ "Metabolic Syndrome: Polycystic Ovary Syndrome". FP Essentials 435: 30–42. 2015. பப்மெட்:26280343. 
  11. ↑ "Androgens in polycystic ovary syndrome: the role of exercise and diet". Seminars in Reproductive Medicine 27 (4): 306–15. 2009. doi:10.1055/s-0029-1225258. பப்மெட்:19530064. 
  12. ↑ 12.0 12.1 12.2 National Institutes of Health (NIH) (2014-07-14). "Treatments to Relieve Symptoms of PCOS". Archived from the original on 2 April 2015. பார்க்கப்பட்ட நாள் 13 March 2015.
  13. ↑ 13.0 13.1 National Institutes of Health (NIH) (2014-07-14). "Treatments for Infertility Resulting from PCOS". Archived from the original on 2 April 2015. பார்க்கப்பட்ட நாள் 13 March 2015.
  14. ↑ 14.0 14.1 14.2 14.3 14.4 Teede H, Deeks A, Moran L (2010). "Polycystic ovary syndrome: a complex condition with psychological, reproductive and metabolic manifestations that impacts on health across the lifespan". BMC Med 8 (1): 41. doi:10.1186/1741-7015-8-41. பப்மெட்:20591140. 
  15. ↑ editor, Lubna Pal, (2013). "Diagnostic Criteria and Epidemiology of PCOS". Polycystic Ovary Syndrome Current and Emerging Concepts. Dordrecht: Springer. p. 7. பன்னாட்டுத் தரப்புத்தக எண் 9781461483946. Archived from the original on 2017-09-10. {{cite book}}: |last1= has generic name (help)CS1 maint: extra punctuation (link) CS1 maint: multiple names: authors list (link)
  16. ↑ Kovacs, Gabor T.; Norman, Robert (2007-02-22). Polycystic Ovary Syndrome. Cambridge University Press. p. 4. பன்னாட்டுத் தரப்புத்தக எண் 9781139462037. Archived from the original on 16 June 2013. பார்க்கப்பட்ட நாள் 29 March 2013.
  17. ↑ Christine Cortet-Rudelli; Didier Dewailly (Sep 21, 2006). "Diagnosis of Hyperandrogenism in Female Adolescents". Hyperandrogenism in Adolescent Girls. Armenian Health Network, Health.am. Archived from the original on 2007-09-30. பார்க்கப்பட்ட நாள் 2006-11-21.
  18. ↑ "Prevalence of hyperandrogenemia in the polycystic ovary syndrome diagnosed by the National Institutes of Health 1990 criteria". Fertil. Steril. 93 (6): 1938–41. 2010. doi:10.1016/j.fertnstert.2008.12.138. பப்மெட்:19249030. 
  19. ↑ "The effect of serum and intrafollicular insulin resistance parameters and homocysteine levels of nonobese, nonhyperandrogenemic polycystic ovary syndrome patients on in vitro fertilization outcome". Fertil. Steril. 93 (6): 1864–9. 2010. doi:10.1016/j.fertnstert.2008.12.024. பப்மெட்:19171332. 
  20. ↑ "Does ethnicity influence the prevalence of adrenal hyperandrogenism and insulin resistance in polycystic ovary syndrome?". Am. J. Obstet. Gynecol. 167 (6): 1807–12. 1992. doi:10.1016/0002-9378(92)91779-a. பப்மெட்:1471702. https://archive.org/details/sim_american-journal-of-obstetrics-and-gynecology_1992-12_167_6/page/1807. 
"https://ta.wikipedia.org/w/index.php?title=சினைப்பை_நோய்க்குறி&oldid=3679458" இலிருந்து மீள்விக்கப்பட்டது