கோலோவின்-சிவ்ட்சேவ் அட்டவணை
கோலோவின் சிவ்ட்சேவ் அட்டவணை (Golovin–Sivtsev table)(உருசியம்: Таблица Головина-Сивцева) பார்வைத் திறனைப் பரிசோதிப்பதற்கான ஒரு தரப்படுத்தப்பட்ட அட்டவணை ஆகும். இதனை 1923-ல் சோவியத் கண் மருத்துவர்களான செர்ஜி கோலோவின் மற்றும் டி. ஏ. சிவ்ட்சேவ் ஆகியோர் உருவாக்கினர்.[1] சோவியத் ஒன்றியத்தில், இது இந்த வகையில் மிகவும் பொதுவான அட்டவணையாகும். மேலும் இது 2008ஆம் ஆண்டிற்குப் பின் பல நாடுகளில் பரவலாகப் பயன்பாட்டில் உள்ளது.[2]
இந்த அட்டவணையில் இரண்டு பகுதிகள் உள்ளன. ஒவ்வொன்றிலும் 12 வரிசைகள் உள்ளன. இதில் பார்வை கூர்மை மதிப்பு 0.1 மற்றும் 2.0 இடையானதாக உள்ளது.[3] இடது பகுதியில் சிரில்லிக் எழுத்துக்கள் Ш, Б, М, Н, К, Ы, மற்றும் И தொடர்ச்சியான வரிசையில் உள்ளது. அட்டவணையின் வலது பகுதி லேண்டால்ட் சி குறியீடுகளின் வரிசையைக் கொண்டுள்ளது. ஒவ்வொரு எழுத்தின் அகலமும் அதன் உயரத்திற்குச் சமம், மற்றும் வரையறைகள் நிலையானவை.1⁄5ஒட்டுமொத்த அளவின் இடைவெளிகளுடையன.
மதிப்பு D, ஒவ்வொரு வரிசையின் இடதுபுறத்திலும் சுட்டிக்காட்டப்பட்டுள்ளது. 1.0 பார்வைக் கூர்மை கொண்ட ஒரு நபர் தொடர்புடைய வரிசையைப் படிக்கக்கூடிய தூரத்தை மீட்டரில் கொடுக்கிறது. மதிப்பு V, வலதுபுறத்தில் சுட்டிக்காட்டப்பட்டுள்ளது. 5 மீட்டர் தூரத்திலிருந்து வரிசையைப் படிக்கத் தேவையான குறைந்தபட்ச பார்வைக் கூர்மையை அளிக்கிறது. முதல் வரிசையில் 70 மிமீ அளவு (V = 0.1) குறியீடுகள் உள்ளன. இரண்டாவது வரிசை, 35 மிமீ எனவும் கீழ் உள்ள மூன்றாவது வரிசை, 7 மிமீ (V = 1.0) எனவும் அதனை அடுத்தது 3.5 மிமீ (V = 2.0) எனவும் குறிக்கின்றது.
1 ஆர்க்மினிட் கோணத்தில் கருப்பு மற்றும் வெள்ளை வடிவத்தை அடையாளம் காண்பது 1.0 பார்வைக் கூர்மையாகக் கருதப்படுகிறது, இது 3.44 மீ தூரத்திற்கு 1 மிமீ ஆகும். 7 மிமீ அளவுள்ள ஒரு எழுத்து 1.4 மிமீ மாதிரி இடைவெளிகளைக் கொண்டுள்ளது, எனவே 5 மீ பார்வை தூரத்திற்கு மேல் அது சுமார் 1 கோணத்துளி கோணத்தைக் கொடுக்கிறது (atan(0.007/5/5)≈0.963').
மேற்கோள்கள்[தொகு]
- ↑ (in உருசிய மொழி) Refraction and acuity பரணிடப்பட்டது 2012-04-21 at the வந்தவழி இயந்திரம்
- ↑ (in உருசிய மொழி) Golovin–Sivtsev table for determining the visual acuity பரணிடப்பட்டது 2008-06-05 at the வந்தவழி இயந்திரம்
- ↑ (in உருசிய மொழி) Some information on Golovin–Sivtsev table பரணிடப்பட்டது 2008-12-01 at the வந்தவழி இயந்திரம் — that website as a whole doesn't seem to be reliable, but it seems to present reliable information on Golovin-Sivtsev table dimensions