கே. அப்பாவு பிள்ளை

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
கே. அப்பாவு பிள்ளை
தனிநபர் தகவல்
பிறப்பு ஏப்ரல் 15, 1911(1911-04-15)
ஓசூர், சென்னை மாகாணம், பிரித்தானியாவின் இந்தியப் பேரரசு
இறப்பு 1 அக்டோபர் 1973(1973-10-01) (அகவை 62)
ஓசூர், இந்தியா
அரசியல் கட்சி இந்திய தேசிய காங்கிரசு
வாழ்க்கை துணைவர்(கள்) பொன்னம்மாள் அப்பாவு பிள்ளை
பிள்ளைகள் கே. ஏ. மனோகரன்
• கே. ஏ. ஜோதிபிரகாஷ்

கே. அப்பாவு பிள்ளை (ஏப்ரல் 15, 1911 - அக்டோபர் 1,1973 ) ஒரு இந்திய அரசியல்வாதி மற்றும் ஓசூரின் முன்னாள் சட்டமன்ற உறுப்பினர் ஆவார்.[1] கே. அப்பாவு பிள்ளை பிரபலமாக கே.ஏ.பி (K.A.P) என்று அழைக்கப்படுவார். முந்தைய சேலம் மாவட்டத்தில் ஒரு இலட்சியவாதியாகவும் மற்றும் தொலைநோக்கு பார்வை கொண்டவராகவும் திகழ்ந்தார் குறிப்பாக ஓசூர் நகரில். கே.அப்பாவு பிள்ளை பிரிட்டிஷ் ஆட்சியின் போது (1943) 30 ஆண்டுகளாக தொடர்ந்து ஓசூர் பஞ்சாயத்துத் தலைவராக தேர்ந்தெடுக்கப்பட்டார். ஓசூர் தொகுதியிற்கான 1957 மாநில சட்டமன்றத் தேர்தலில் வென்ற அவர், ஓசூரில் சிப்காட்டை நிறுவுவதில் முக்கிய பங்கு வகித்தார்.

ஓசூரில் ஒரு நடுத்தர குடும்பத்தில் பிறந்த கே.அப்பாவு பிள்ளை, அங்குள்ள மாவட்ட வாரிய உயர்நிலைப் பள்ளியில் கல்வி கற்று பின்னாளில் அந்த தொகுதிக்கே சட்டமன்ற உறுப்பினரானார், சேலம் மத்திய கூட்டுறவு வங்கியின் நிர்வாக இயக்குனராகவும் மற்றும் தர்மபுரி மத்திய கூட்டுறவு வங்கியின் இயக்குனராகவும் அங்கம் வகித்துள்ளார். [2]

ஆரம்பகால வாழ்க்கை மற்றும் குடும்பம்[தொகு]

நடுத்தர குடும்பத்தில் பிறந்த இவர் தனது உயர்நிலைக் கல்வியை ஒசூரிலுள்ள சேலம் மாவட்டத்திற்கு உட்பட்ட நகராண்மைக் கழகப் பள்ளியில் பயின்றார் . இவருடைய பெற்றோர் இவரால் முயலும் அளவுக்கு கல்வி அளிக்க ஆர்வத்துடன் இருந்தனர் . ஆனால் இவரது தந்தையார் அவர்கள் ஒசூரில் பரவிய பிளேக் நோயால் நோய்வாய்ப்பட்டு இறந்தார் . அதன் பின்பு தமது சகோதரியால் அன்புடன் வளர்க்கப்பட்டார் . இவரை ஆளாக்கிய பெருமை முழுவதும் அவரது சகோதரியயையே சாரும் .

1945 - ஆம் ஆண்டு திரு.கே.அப்பாவுப்பிள்ளை அவர்களுக்கும் பொன்னம்மாள் அவர்களுக்கும் ஓசூரில் திருமணம் நடைபெற்றது .

சுதந்திரப் போராட்டம்[தொகு]

ஆங்கிலேயர் ஆட்சிக்கு எதிராக நாடு முழுவதும் சுதந்திரப் போராட்டங்கள் நடைபெற்றவண்ணம் இருந்தன. இந்தப் பேராட்டங்கள் திரு.கே.அப்பாவு பிள்ளை ஓர் இளைய சுதந்திரப் போராட்ட வீரராகவும், சமூகத் தொண்டராகவும் மாற்றின. அந்நேரத்தில் ஆங்கிலேயருக்கு எதிரான சுதந்திரப் போராட்ட வீரர்கள் பலரும் ஆங்கிலேயரால் கைது செய்யப்பட்டு சிறையில் அடைக்கப்பட்டனர். அச்சமயம் சுதந்திரப் போராட்ட இளம் வீரரான திரு.கே.அப்பாவு பிள்ளை சிறையில் அடைக்கப்பட்ட சுதந்திரப் போராட்ட வீரர்களுக்குத் தேவையான உணவுப் பொருட்களை ரகசியமாகக் கொடுத்து உதவினார். மேலும் வெளியிலிருந்த சுதந்திரப் போராட்ட வீரர்களிடமிருந்து செய்திகளைப் பெற்று ரகசியமாக சிறையில் இருந்த சுதந்திரப் போராட்ட வீரர்களுக்கும் தெரிவித்தும் சுதந்திரப் போராட்டத்தில் தீவிரமாக ஈடுபட்டார். இத்தகைய சுதந்திரப் போராட்டச் செயல்கள் தொடர்ந்து நடைபெற்று வந்தன. இச்செயல்கள் ஓசூர் மற்றும் தேன்கனிக்கோட்டை பகுதி மக்களின் ஒத்துழைப்பையும் பாராட்டையும் பெற்றுத்தந்தன.[சான்று தேவை]

உள்ளாட்சித் தேர்தலில் பங்கேற்பு[தொகு]

இந்த நிலையில் 1943ஆம் ஆண்டு உள்ளாட்சித் தேர்தல் வந்தது. அந்தத் தேர்தலில் நின்று போட்டியிடும்படி அவருடைய நண்பர்களும் பொதுமக்களும் திரு . கே. அப்பாவு பிள்ளை அவர்களை பெரிதும் வேண்டி வற்புறுத்தினர்.[சான்று தேவை] அவர்களின் வேண்டுகோளின்படி திரு.கே.ஏ.பி அவர்கள் உள்ளாட்சித் தேர்தலில் நின்று போட்டியிட்டார். போட்டியில் அவர் ஓசூர் பஞ்சாயத்து போர்டு தவைராகத் தேர்ந்தெடுக்கப்பட்டார் தொடர்ந்து 30 ஆண்டுகள் எவ்வித இடைவெளியும் இல்லாமல் ஓசூர் பஞ்சாயத்து போர்டு தலைவராகப் பணியாற்றி, தனது பணியைத் தொடர்ந்து அவர் இறுதி நாளான 01 . 10 . 1972 வரை மக்களின் நலனுக்காகப் பணியாற்றினார்.

ஓசூரில் கௌவரப்பள்ளி அணைக்கட்டு கட்ட முயற்சி[தொகு]

திரு . கே . அப்பாவு பிள்ளை அவர்கள் ஓசூர் ஊராட்சி ஒன்றியத் தலைவராக இருந்த காலத்தில் கௌவரப்பல்லி அணைக்கட்டு கட்ட பெரிதும் முயற்சி செய்தார். அதன் விளைவாக இன்று கௌவரப்பள்ளி அணைக்கட்டு கட்டி முடிக்கப்பட்டு பல்லாயிரக்கணக்கான ஏக்கர் நிலங்களுக்கு நீர்ப்பாசன வசதி ஏற்பட்டுள்ளது. இந்த நீர்ப்பாசன வசதியால் விவசாயம் செழிப்புற்று விவசாயிகளும், பொதுமக்களும் பெரிதும் பயனடைந்து வருகின்றனர். ஓசூருக்கு குடிநீர் வசதியும் கௌவரப்பள்ளி அணையிலிருந்து கிடைக்கிறது.

திரு . கே . ஏ . பி அவர்களின் பதவிக் குறிப்புகள்[தொகு]

1 . இவர் 1932 - ஆம் ஆண்டு காங்கிரஸ கட்சியில் சேர்ந்து தனது அரசியல் வாழ்க்கையைத் துவக்கினார்.

2 . இவர் தமிழ்நாடு காங்கிரஸ் கமிட்டியில் உறுப்பினராகவும் , ஓசூர் தாலுகா காங்கிரஸ் கமிட்டியின் தலைவராகவும் 10 ஆண்டுகள் காங்கிரஸ் கட்சிக்காகப் பணியாற்றினார்.


3 . ஓசூர் டவுன் பஞ்சாயத்துத் தலைவராக முதன் முதலாக 1942 - ஆம் ஆண்டு தோந்தெடுக்கப்பட்டார் . அதன்பின் தொடாந்து ஓசூர் டவுன் பஞ்சாயத்துத் தலைவராகவே இறுதிக்காலம் வரை இருந்தார்.


4 . 1947 - ஆம் ஆண்டு முதல் சேலம் மாவட்ட நகராண்மைக்குழு செயற்குழு கமிட்டியில் உறுப்பினராக இருந்தார் . சேலம் மாவட்ட மத்தியக் கூட்டுறவு வங்கியிலும் உறுப்பினராகவும் இருந்தார்.

5 . 1948ல் ஓசூரில் ஓசூர் கூட்டுறவு வீடு கட்டும் சங்கத்தைத் துவக்கினா 1948ல் துவக்கப்பட்ட இச்சங்கத்தின் தலைவராக துவக்க நாள் முதல் தனது வாழ்நாள் இறுதிவரை இருந்தார்.

6 . 1957 - ஆம் ஆண்டு தமிழ்நாட்டில் நடைபெற்ற சட்டமன்றத்தேர்தலில் போட்டியிட்டு ஓசூர் சட்டமன்ற உறுப்பினராக பெரும்பான்மை மக்களால் தேர்ந்தெடுக்கப்பட்டார். இவர் ஓசூர் சட்டமன்ற உறுப்பினராக 1957 முதல் 1962 வரை இருந்து இச்சட்டமன்ற தொகுதிக்கு ஆற்றிய தொண்டுகள் எண்ணற்றவை.


7 . இவர் ஓசூர் பஞ்சாயத்து யூனியன் தலைவராக 1965ஆம் ஆண்டு முதல் 1970 - ஆம் ஆண்டுவரை இருந்து பணிகளாற்றினார்.

8 . 1965 முதல் 1970 வரை தர்மபுரி மாவட்ட மத்திய கூட்டுறவு வங்கி இயக்குநராக இருந்தார்.

9 . இவர் சென்னை மாவட்ட நில வளர்ச்சி வங்கி இயக்குநராகவும் இருந்தார்.

கே.அப்பாவு பிள்ளை காலவரிசை[தொகு]

இறுதி நாட்கள்[தொகு]

திரு . கே . அப்பாவு பிள்ளை அவர்கள் 1971 ஆம் ஆண்டு நடைபெற்ற ஊராட்சி ஒன்றிய தலைவர் தேர்தலில் போட்டியிட்டு தோல்வி அடைந்தார். அதனால் மிகுந்த மன உளைச்சலுக்கு ஆளானார். 01 . 10 . 1973 அன்று ஓசூரில் உள்ள அவரது இல்லத்தில் இயற்கை எய்தினார். அனைத்து ஓசூர் பகுதி மக்களும் அவருக்கு இறுதி மரியாதை அளிக்கும் வகையில் இவ்வூரிலுள்ள கடைகள், பள்ளிகள், அலுவலகங்கள் அனைத்திற்கும் விடுமுறை விடப்பட்டன. தெருக்களில் எல்லாம் மக்கள் கடல் அலையெனத் திரண்டனர். அவரது இறுதி யாத்திரையில் ஓசூர் மற்றும் தேன்கனிக்கோட்டை பகுதி மக்கள் கலந்துகொண்டு மரியாதை செலுத்தினர் .

அமரர் கே . அப்பாவுபிள்ளை பேருந்து நிலையம்[தொகு]

ஒசூர் பேரூராட்சியாக இருந்த காலத்தில் 1980களின் துவக்கத்தில் இந்த இடத்தில் பேருந்து நிலையம் கட்டப்பட்டு, ஒசூர் முன்னாள் சட்டமன்ற உறுப்பினரும், பேரூராட்சித் தலைவரான கே. அப்பாவு பிள்ளை அவர்களின் பெயர் வைக்கப்பட்டது. பேருந்து நிலையம் அமைந்துள்ள சாலை நான்கு வழி சாலையானதாலும் பேருந்து நிலையம் காலவாட்டத்தில் சேதமான காரணத்தால் இதே இடத்தில் புதியதாக பேருந்து நிலையத்தை 6. 80 கோடி செலவில் அமைக்க திட்டமிடப்பட்டு 2007 ஆகத்து 31 அன்று அடிக்கல் நாட்டப்பட்டு, 10.5 கோடி செலவில் பணிகள் முடிக்கப்பட்டு 2010 சூலை 18 அன்று மு. க. ஸ்டாலினால் திறக்கப்பட்டது. இந்த பேருந்து நிலையத்துக்கும் அப்பாவு பிள்ளை பெயரே வைக்கப்பட்டது.

மகன்தந்தைக் காற்றும் உதவி[தொகு]

மேற்கோள்கள்[தொகு]

வெளி இணைப்புகள்[தொகு]

"https://ta.wikipedia.org/w/index.php?title=கே._அப்பாவு_பிள்ளை&oldid=2886008" இருந்து மீள்விக்கப்பட்டது