கேளடி சென்னம்மா
| கேளடி சென்னம்மா | |
|---|---|
| பிறப்பு | சென்னம்மா |
| இறப்பு | 1696 |
| அறியப்படுவது | முகலாய பேரரசர் ஔரங்கசீப்பிற்கு எதிராக போர் செய்தவர். |
| வாழ்க்கைத் துணை | சோமசேகர நாயக்கர் |
கேளடி சென்னம்மா (Keladi Chennamma) கர்நாடகாவில் உள்ள கேளடி சாம்ராஜ்யத்தின் ராணியாக இருந்தார். இவர் கர்நாடகாவின் குந்தாப்பூர் பகுதியில் பிறந்தார். இவர் லிங்காயத்தா சமூகத்தைச் சேர்ந்தவர். சென்னம்மா 1667 இல் மன்னர் சோமசேகர நாயக்கரை மணந்தார். 1677 இல் சோமசேகர நாயக்கரின் மரணத்திற்குப் பிறகு, சென்னம்மா கேளடி நாயக்க வம்சத்தின் நிர்வாகத்தை திறமையாகக் கையாண்டார். அவரது 25 ஆண்டுகால ஆட்சியின் போது, இந்தியாவின் கர்நாடகாவின் சாகராவில் அமைந்துள்ள கேளடி இராச்சியத்தில் உள்ள தனது இராணுவ தளத்திலிருந்து ஔரங்கசீப் தலைமையிலான முகலாய இராணுவத்தின் முன்னேற்றத்தை அவர் முறியடித்தார். அவர் தனது நெருங்கிய உறவினர்களில் ஒருவரான பசவப்ப நாயக்கரை தத்தெடுத்தார். இவர் மிளகு மற்றும் அரிசி போன்ற பொருட்களை உள்ளடக்கிய போர்த்துகீசியர்களுடன் ஒரு வர்த்தக ஒப்பந்தத்தையும் செய்தார். தற்போது இருக்கும் சன்னகிரி இவரது பெயரால் அழைக்கப்படுகிறது.
மிர்ஜான், ஹொன்னாவரா, சந்திரவரா மற்றும் கல்யாண்புரா ஆகிய இடங்களில் தேவாலயங்களை நிறுவ போர்த்துகீசியர்களுக்கு அனுமதி அளித்தார். [1] கர்நாடக மாநிலத்தில், இவர் ராணி சென்னபைராதேவி, அப்பாக்கா ராணி, கிட்டூர் சென்னம்மா, பெலவாடி மல்லம்மா மற்றும் ஒனகே ஓபவ்வா ஆகியோருடன் சேர்ந்து முதன்மையான பெண் போர்வீரராகவும் தேசபக்தராகவும் கொண்டாடப்படுகிறார். [2]
அவுரங்கசீப்பின் தாக்குதல்[தொகு]
முகலாயப் பேரரசர் ஔரங்கசீப்பிடம் இருந்து தப்பியோடிய சிவாஜியின் மகன் ராஜாராம் சத்ரபதிக்கு இவர் அடைக்கலம் அளித்தார் [3] இவரது அமைச்சரவையுடனான சந்திப்புக்குப் பிறகு ராஜாராமை மரியாதையுடன் நடத்தினாள், [4] ஆனால் அவுரங்கசீப் சென்னம்மாவைத் தாக்கினார். அதைத் தொடர்ந்து நடந்த போரில், கேளடி சென்னம்மா தனது ராஜ்யத்திற்கு முகலாய அச்சுறுத்தலை எதிர்த்துப் போராடினார், மேலும் முகலாயர்களுடனான போர் ஒரு ஒப்பந்தத்தில் முடிந்தது. [5] கேளடி ராஜ்ஜியத்தின் துணை அதிகாரியான சுவாதியின் சதாசிவாவும் நிதியுதவி செய்ததன் மூலம் ராஜாராமுக்கு உதவினார். அநேகமாக[4] மைசூர் ஆட்சியாளர்களிடமும் பின்னர் ஆங்கிலேயர்களிடமும் தன்னாட்சியை இழந்ததாக கேளடி பேரரசு இருக்கலாம் என்று கருதப்படுகிறது. இவரது அமைச்சரவை விஜயநகரத்தின் தளபதியின் வழித்தோன்றலான திம்மண்ண நாயக்கரின் தலைமையில் இருந்தது.
மரபு[தொகு]
பெலவாடி மல்லம்மா, ராணி அப்பக்கா, ஒனகே ஓபவ்வா மற்றும் கிட்டூர் சென்னம்மா ஆகியோருடன் கன்னடப் பெண்களின் வீரத்தின் உருவகமாக இவர் கருதப்படுகிறார்.
சென்னம்மா மிகவும் நல்லொழுக்கமுள்ள, பக்தியுள்ள பெண் என்றும், இவரது காலத்தின் நடைமுறை நிர்வாகி என்றும் அறியப்பட்டார்.
பிரபலமான கலாச்சாரத்தில்[தொகு]
- கேளடி சென்னம்மா (தொலைக்காட்சித் தொடர்), சுவர்ணா டிவியில் ஒளிபரப்பாகும் கன்னட மொழி வரலாற்றுத் தொடராக உள்ளது. [6]
சான்றுகள்[தொகு]
- ↑ Kudva, Venkataraya Narayan (1972). History of the Dakshinatya Saraswats. Madras: Samyukta Gowda Saraswata Sabha. பக். 112. https://books.google.com/books?id=x0NuAAAAMAAJ&q=mangalore.
- ↑ M G Agrawal (2008). Freedom Fighters of India (in Four Volumes). Isha Books. https://www.google.com/books/edition/Freedom_Fighters_of_India_in_Four_Volume/vnJ0MwbAsEAC.
- ↑ Krishnamurthy, Radha (1995). Sivatattva Ratnakara of Keladi Basavaraja: a cultural study. Keladi, Karnataka: Keladi Museum and Historical Research Bureau. பக். 6,115. https://books.google.com/books?id=8uNtAAAAMAAJ&q=rajaram.
- ↑ 4.0 4.1 Dixit, Giri S (1981). Studies in Keladi History: Seminar Papers. Bangalore: Mythic Society. பக். 4,5,115. https://books.google.com/books?id=lHgOAQAAIAAJ&q=Rajaram.
- ↑ "1671-96 Rani Regnant Chennamma of Keladi (or Bednur) (India)". Worldwise guide to women in leadership. http://www.guide2womenleaders.com/womeninpower/Womeninpower1670.htm.
- ↑ "Kannada Tv Serials Keladi Chennamma" (in en). http://www.nettv4u.com/about/Kannada/tv-serials/keladi-chennamma.