கதிர்வீச்சுமானி
கதிர்வீச்சுமானி (radiometer) அல்லது ரோண்ட்கனோமானி (roentgenometer) என்பது மின்காந்தக் கதிர்வீச்சின் அளவை அளவிடுவதற்கான ஒரு கருவியாகும். பொதுவாக, கதிர்வீச்சுமானி என்பது அகச்சிவப்புக் கதிர்வீச்சுக் கண்டறியும் கருவி அல்லது புற ஊதாக் கதிர்களைக் கண்டறியும் கருவியாகும்.[1] நுண்ணலை கதிர்வீச்சுமானிகள் நுண்ணலை அலைநீளத்தில் இயங்குகின்றன.
கதிர்வீச்சுமானி என்ற சொல் மின்காந்தக் கதிர்வீச்சை (எ.கா. ஒளி) அளவிடும் எந்த ஒரு கருவியையும் குறிக்கும் அதே வேளையில், குறிப்பாக 1873 ஆம் ஆண்டில் கண்டுபிடிக்கப்பட்ட குரூக்சு கதிர்வீச்சுமானி என்ற கருவியைக் குறிக்கவே இது பயன்படுத்தப்படுகிறது. இக்கருவியில் சுழலிகளின் (இதன் தகடுகள் ஒரு பக்கம் இருட்டாகவும், மறுபுறம் ஒளியாகவும் இருக்கும்) ஒரு பகுதி வெற்றிடத்தில் ஒளி வெளிப்படும் போது சுழலும். கருப்பு முகங்களில் உறிஞ்சப்பட்ட ஒளியின் உந்தத்தினால் கதிர்வீச்சுமானியை செயல்பட வைக்கிறது என்பது ஒரு பொதுவான நம்பிக்கை. இது தொடக்கத்தில் குரூக்சாலும் நம்பப்பட்டது. இருப்பினும், இது உண்மையாக இருந்தால், கதிர்வீச்சுமானி கருப்பு அல்லாத முகங்களிலிருந்து விலகிச் செல்லும், ஏனெனில் அந்த முகங்களில் இருந்து குதிக்கும் ஒளியணுக்கள் கருப்பு முகங்களில் உறிஞ்சப்படும் ஒளியணுக்களை விட அதிக வேகத்தை அளிக்கின்றன. ஒளியணுக்கள் முகங்களில் கதிர்வீச்சு அழுத்தத்தை செலுத்துகின்றன, ஆனால் அந்த சக்திகள் மற்ற விளைவுகளால் தடைப்படுத்தப்படுகின்றன. தற்போது ஏற்றுக்கொள்ளப்பட்ட விளக்கம், சரியான அளவிலான வெற்றிடத்தைக் கொண்டிருப்பதைச் சார்ந்துள்ளது, அத்துடன் ஒளியணுக்களின் நேரடி விளைவைக் காட்டிலும் வெப்ப பரிமாற்றத்துடன் இது தொடர்புடையது.[2][3]
நிக்கோல்சின் கதிர்வீச்சுமானி ஒளியணு அழுத்தத்தை நிரூபிக்கிறது.[4] இது குரூக்சு கதிர்வீச்சுமானியை விட அதிக உணர்திறன் கொண்டதுடன், இது ஒரு முழுமையான வெற்றிடத்தில் இயங்குகிறது, அதேசமயம் குரூக்சு கதிர்வீச்சுமானியின் செயல்பாட்டிற்கு ஒரு நிறைவற்ற வெற்றிடம் தேவைப்படுகிறது.
நுண்மின்னியக்க அமைப்பு (MEMS) கதிர்வீச்சுமானி நிக்கோல்சு, குரூக்சு கொள்கைகளின்படி செயல்பட முடியும், அத்துடன் அலைநீளம் மற்றும் துகள் ஆற்றல் மட்டங்களின் பரந்த நிறமாலையில் செயல்பட முடியும்.[5]
இவற்றையும் பார்க்க[தொகு]
மேற்கோள்கள்[தொகு]
- ↑ Sensing, Konica Minolta. "What is the difference between radiometers, spectrometers, and spectroradiometers?" இம் மூலத்தில் இருந்து 2014-02-03 அன்று. பரணிடப்பட்டது.. https://web.archive.org/web/20140203020939/http://sensing.konicaminolta.us/2013/11/what-is-the-difference-between-radiometers-spectrometers-and-spectroradiometers/.
- ↑ "How does a light-mill work?" இம் மூலத்தில் இருந்து 2014-09-23 அன்று. பரணிடப்பட்டது.. https://web.archive.org/web/20140923145446/http://math.ucr.edu/home/baez/physics/General/LightMill/light-mill.html.
- ↑ "Light-Mills discussion; The n-Category Cafe" இம் மூலத்தில் இருந்து 30 August 2017 அன்று. பரணிடப்பட்டது.. https://web.archive.org/web/20170830112020/https://golem.ph.utexas.edu/category/2008/07/light_mills.html.
- ↑ Lee, Dillon (2008). "A Celebration of the Legacy of Physics at Dartmouth". Dartmouth Undergraduate Journal of Science (Dartmouth College). http://dujs.dartmouth.edu/spring-2008-10th-anniversary-edition/what-else-has-happened-a-celebration-of-the-legacy-of-physics-at-dartmouth.
- ↑ [1] பரணிடப்பட்டது 2018-08-01 at the வந்தவழி இயந்திரம் MEMS Radiometer United States Patent 7,495,199
வெளி இணைப்புகள்[தொகு]
- https://www.youtube.com/watch?v=teEhoUB-FQE&list=UUXrJjdDeqLgGjJbP1sMnH8A Short video pertinent to the topic.
