எட்வின் அர்னால்டு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்


சர் எட்வின் அர்னால்டு

தொழில் ஊடகவியலாளர், இதழாசிரியர், கவிஞர்
நாடு இங்கிலாந்து
கல்வி ஆக்சுபோர்டு பல்கலைக்கழகக் கல்லூரி
கையொப்பம் Signature of Edwin Arnold.jpg

சர் எட்வின் அர்னால்டு (Sir Edwin Arnold) (10 சூன் 1832 – 24 மார்ச் 1904) ஆங்கிலக் கவிஞர், ஊடகவியலாளர் மற்றும் இதழாசியர் எனும் பன்முகங்கொண்ட இங்கிலாந்து நாட்டவர் ஆவார். கௌதம புத்தரின் வரலாற்றை ஆசியாவின் ஜோதி எனும் பெயரில் நூல் எழுதியமைக்காக உலக முழுவதும் அறியப்பட்டவர்.[1]

வரலாறு[தொகு]

இங்கிலாந்து நாட்டு ஆங்கிலேயரான எட்வின் அர்னால்டு, ஆக்சுபோர்டு பல்கலைக்கழகக் கல்லூரியில் படித்தவர். பின்னர் 1856இல் இந்தியாவில் உள்ள புனே சமசுகிருத மொழிக் கல்லூரியின் முதல்வராக ஏழு ஆண்டுகள் பணி புரிந்தார்.

பின்னர் இங்கிலாந்து திரும்பிய எட்வின் அர்னால்டு, 1861இல் த டெயிலி டெலிகிராப் நாளிதழில் ஊடகவியலாளராகச் சேர்ந்து, அந்நாளிதழின் தலைமை ஆசிரியராகப் பதவி உயர்வு பெற்று 40 ஆண்டுகளுக்கு மேல் பணிபுரிந்தார்.[2] கௌதம புத்தரின் வாழ்க்கை குறித்து இவர் எழுதிய உலகப் பெற்ற படைப்பான ஆசியாவின் ஜோதி அல்லது பெருந்துறவு எனும் கவிதை நூல், இந்தி மற்றும் பிற உலக மொழிகளில் மொழி பெயர்க்கப்பட்டது. [3] இவரது ஆசியாவின் ஜோதி நூல் மூலம், மேற்கு உலக மக்கள் புத்தரின் தத்துவங்களை முதன் முதலாக அறிந்து கொள்ள முடிந்தது.

இந்நூலை தேசிக விநாயகம் பிள்ளை, தமிழில் ஆசிய ஜோதி எனும் பெயரில் மொழி பெயர்த்து வெளியிட்டுள்ளார்.

பிற படைப்புகள்[தொகு]

சர் எட்வின் அர்னால்டுவின் கல்லறை, இலண்டன்
  • உலகின் ஜோதி (The Light of the World – 1891)
  • இந்தியக் கவிதைகளின் கவிதை (Indian Song of Songs -1875)
  • நம்பிக்கையின் முத்துக்கள் (Pearls of the Faith - 1883)
  • வானுலக கவிதை (The Song Celestial - 1885)
  • சடியுடன் தோட்டத்தில் (With Sadi in the Garden - (1888)
  • போத்திபாரின் மனைவி (Potiphar's Wife - 1892)
  • ஜப்பானியனின் மனைவி (The Japanese Wife - 1893)
  • இந்தியக் கவிதைகள் ("Indian Poetry" - 1904)

மொழிபெயர்ப்பு நூல்கள்[தொகு]

மேற்கோள்கள்[தொகு]

  1. Sir Edwin Arnold த நியூயார்க் டைம்ஸ், 25 March 1904
  2. Notices of 'The Light of Asia' www.phx-ult-lodge.org.
  3. The Oxford Companion to English Literature, 6th Edition. Edited by Margaret Drabble, Oxford University Press, 2000 Pp 42
  4. Arnold, Sir Edwin (2005). Bhagavad-Gita : or The song celestial : translated from the Sanskrit text. Stilwell, KS: Digireads.com Publishing. ISBN 1420926012. https://books.google.com/books/about/Bhagavad_Gita.html?id=WnSkmAEACAAJ. 

வெளி இணைப்புகள்[தொகு]

"https://ta.wikipedia.org/w/index.php?title=எட்வின்_அர்னால்டு&oldid=2151910" இருந்து மீள்விக்கப்பட்டது