உருசிய அதிபரின் புத்தாண்டு உரை
உருசிய அதிபரின் புத்தாண்டு உரை (New Year Address by the President of Russia) என்பது உருசிய குடிமக்களுக்குக் குடியரசுத் தலைவரால் வழங்கப்படும் ஒரு பாரம்பரிய உரையாகும். மேலும் பொதுவாக இந்த உரையானது உருசியத் தொலைக்காட்சியில் ஒளிபரப்பப்படுகிறது.
வரலாறு
[தொகு]
உருசியாவில், ஜனாதிபதியின் உரையைக் காண நள்ளிரவுக்கு முன் தயாராக இருப்பது பாரம்பரியமாகிவிட்டது.[1]அதிபர் கிரெம்லினிலிருந்து புத்தாண்டு உரையை நிகழ்த்துவார். நள்ளிரவில் கிரெம்லின் கடிகாரம் ஒலிப்பதற்கு சில நிமிடங்களுக்கு முன்பு உருசிய நாட்டுப்பண் இசைக்கப்படுகிறது.[2] இந்த உரை ஆண்டின் முக்கிய நிகழ்வுகளைத் தொகுத்து, வரவிருக்கும் நிகழ்வுக்கான வாய்ப்புகளைப் பற்றி விவாதிக்கிறது. அரசியல் பார்வைகளைப் பொருட்படுத்தாமல், பெரும்பாலான உருசியர்களால் பாரம்பரியமாக இந்நிகழ்வு கடைப்பிடிக்கப்படுகிறது.[3]
நாட்டில் உள்ள 11 நேர மண்டலங்களில் ஒவ்வொன்றிலும் இந்த உரை ஒலிபரப்பப்படுகிறது.[4] இதன் காரணமாக, திசம்பர் 31 பிற்பகலில் மேற்கு உருசியாவில் உரையின் காணொலி இணையத்தில் கிடைக்கிறது.[1]
இரண்டாம் உலகப் போரின் போது சோவியத் அரசாங்கம் நாட்டின் நிலையைப் பற்றிய உரையை ஒளிபரப்பியதிலிருந்து இந்நிகழ்வு 1941க்கு முந்தியதாக உள்ளது. கொர்பச்சேவ் 1990-ல் ஒரு உரையை நிகழ்த்தினார். 1990கள் "அமெரிக்காவும் சோவியத் ஒன்றியமும் நெருக்கமாக இருக்கும் ஒரு தசாப்தமாக இருக்கும்" என்று கூறினார்.[5]
போரிஸ் யெல்ட்சின் தனது புத்தாண்டு உரைகளின் போது அரசியல் பேசுவதைத் தவிர்த்து, குடும்ப விழுமியங்கள் மற்றும் விடுமுறை உணர்வுகளைப் பற்றிப் பேசுவதை விரும்பினார். தனது 1996 உரையைப் பொருளாதார சீர்திருத்தங்களை ஊக்குவிக்க யெல்ட்சின் பயன்படுத்தினார்.[6] யெல்ட்சின் தனது புத்தாண்டு உரையின் போது 31 திசம்பர் 1999 அன்று செய்தார். 2013-ல் இரண்டு வெவ்வேறு உரைகள் ஒளிபரப்பப்பட்டன: முதலாவது தூரக் கிழக்கில் மட்டுமே ஒலிபரப்பப்பட்டது. அதே சமயம் நாட்டின் மற்ற பகுதிகளுக்கான புதிய ஒளிபரப்பில் திசம்பர் 2013 வோல்கோகிராட் குண்டுவெடிப்புகள் குறித்த செய்திகள் குறிப்பிடப்பட்டுள்ளன.
திசம்பர் 31, 2020 அன்று விளாடிமிர் புடினின் உரை இந்த வரிசையில் மிக நீண்ட உரையாக இருந்துள்ளது. இந்த உரை 6 நிமிடங்கள் நீடித்தது (ஒலியும் கீதமும் சேர்க்கப்படவில்லை). திசம்பர் 31, 2021 அன்று, இந்த சாதனை மீண்டும் முறியடிக்கப்பட்டது. இந்த முறை 6 நிமிடங்கள் 22 வினாடிகள் நீடித்தது. திசம்பர் 31, 2022 அன்று, புடின் தனது புத்தாண்டு உரையை உருசியக் கூட்டரசின் ஆயுதப் படைகளின் பின்னணியில் வழங்கினார். இவர் "உருசிய கூட்டமைப்பின் புதிய பிராந்தியங்களில் எங்கள் மக்களின் பாதுகாப்பு" என்று குறிப்பிட்டார் மற்றும் இந்த உரை 9 நிமிடங்கள் நீடித்தது. 2023ஆம் ஆண்டு பிப்ரவரி மாதம் உக்ரைனில் நடந்த சண்டையின் போது புடினுக்குப் பின்னால் நின்று கொண்டிருந்த படைவீரர்களில் ஒருவர் பின்னர் கொல்லப்பட்டார்.
மேற்கோள்கள்
[தொகு]- ↑ 1.0 1.1 "New Years and Christmas in Russia has its own merry way". Prospekt Magazine. 23 December 2016. http://www.prospektmag.com/2016/12/5478/.
- ↑ "10 facts about the Kremlin Clock, Russia’s New Year symbol". Russia Beyond The Headlines. 31 December 2016. https://www.rbth.com/arts/2016/12/31/10-facts-about-the-kremlin-clock-russias-new-year-symbol_659788.
- ↑ "Survival guide: How to survive New Year, Russian-style". Russia Beyond The Headlines. 29 December 2016. https://www.rbth.com/arts/2016/12/20/survival-guide-how-to-survive-new-year-russian-style_663723.
- ↑ "Vladimir Putin Congratulates Russians, Reveals New Year 'Secret'". NDTV.com. http://www.ndtv.com/world-news/vladimir-putin-congratulates-russians-reveals-new-year-secret-1643870.
- ↑ "Gorbachev's New Year Toast Hopeful for '90s". http://articles.latimes.com/1990-01-02/news/mn-172_1_soviet-union. பார்த்த நாள்: 7 June 2017.
- ↑ . 1 January 1996.
வெளி இணைப்புகள்
[தொகு]
பொதுவகத்தில் உருசிய அதிபரின் புத்தாண்டு உரை தொடர்பாக ஊடகக் கோப்புகள் உள்ளன.
