இராம. சுந்தரம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

இராம. சுந்தரம் ( 1 ஏப்ரல் 1938- 8 மார்ச் 2021) என்பவர் ஒரு தமிழறிஞர், எழுத்தாளராவார். இவர் தஞ்சாவூர் தமிழ்ப் பல்கலைக்கழக அறிவியல் தமிழ் மற்றும் தமிழ் வளர்ச்சித் துறைத் தலைவராகவும், அனைத்திந்திய அறிவியல் தமிழ் கழகத் தலைவராகவும் பணியாற்றியவராவார்.[1]

வாழ்க்கை[தொகு]

இராம. சுந்தரம் தமிழ்நாட்டின், இராமநாதபுரம் மாவட்டம் (இன்றைய சிவகங்கை மாவட்டம் அலவாக்கோட்டையில் 1938 ஏப்பில் முதல் நாளில் பிறாந்தார். நாட்டரசன் கோட்டையில் பள்ளிக்கல்வியை பயின்றார் மதுரை தியாகராசர் கல்லூரி, அண்ணாமலைப் பல்கலைக் கழகம் ஆகியவற்றில் தமிழ் பயின்று முனைவர் வ. அய். சுப்பிரமணியத்திடம் ஆய்வு மாணவராக இருந்து முனைவர் பட்டம் பெற்றவர். இவர் போலந்து நாட்டின் வார்சா பல்கலைக் கழகத்தில் முதல் தமிழ் விரிவுரையாளராக ஏழு ஆண்டுகள் பணியாற்றினார். அப்போது போலிஷ் மொழியில் புலமை பெற்றார். திருக்குறளை அந்த மொழியில் மொழிபெயர்க்கும் பணியில் ஈடுபட்டிருந்த அந்நாட்டு அறிஞரான கெம்பார்ஸ்கி என்பவருக்கு அதில் உதவிகள் செய்தார்.[2] பின்னர் சிதம்பரம் அண்ணாமலை பல்கலைக்கழகத்தில் இணைப் பேராசிரியராக பணியாற்றிய இவர், 1981 முதல் தஞ்சாவூர் தமிழ்ப் பல்கலைக்கழகத்தில் தமிழ் வளர்ச்சித் துறை இயக்குநராகவும், 1987 முதல் அறிவியல் தமிழ் மற்றும் தமிழ்வளர்ச்சித் துறை பேராசிரியராகவும், 1997 முதல் முதுநிலை பேராசிரியராகவும் பணியாற்றி 1998-ம் ஆண்டில் ஓய்வுபெற்றார். மேலும்

இவர் பத்துக்கும் மேற்பட்ட நூல்களை எழுதியும், 35க்கும் மேற்பட்ட நூல்களை பதிப்பாசிரியராக இருந்து வெளியிட்டுள்ளார். பல்வேறு அறிவியல் நூல்களை தமிழில் மொழிபெயர்த்துள்ளார். இவர் வயது மூப்பின் காரணமாக தஞ்சாவூரில் 2021 மார்ச் எட்டாம் நாள் இறந்தார்.

எழுதிய நூல்கள்[தொகு]

  • தமிழ் வளர்க்கும் அறிவியல்[3]
  • தகவல்கள்,காவியம்,பொக்கிஷம்,தகவல்கள்
  • உங்களுக்குப் பயன்படும் நீதி நூல்களின் சாரம்
  • கவலைகளை மறக்க நாம் அன்றாடம் செய்யவேண்டியவை
  • வாழ்வின் பல்வேறு சிக்கல்களிலிருந்து விடுபடுவது எப்பது?
  • ஆங்கிலச் தொற்களுக்கான பல்பொருள் அகராதி
  • ஆங்கில உச்சரிப்பு அகராதி[4]
  • ஆங்கிலத்தில் நாம் செய்யும் தவறுகளும் அவற்றைத் தவிர்க்கும் முறைகளும்
  • விலங்கினங்களைப் பற்றிய வியத்தகு செய்திகள்[5]
  • பேராசிரியர் வையாபுரிப்பிள்ளை (இந்திய இலக்கிய சிற்பிகள் வரிசையில் சாகித்திய அகதெமி வெளியீடு)[6]
  • தமிழக அறிவியல் வரலாறு
  • அறிவியல் தமிழ் வெளியீடுகள் (நூலடைவு)

பதிப்பாசிரியராக[தொகு]

  • இயற்பியல், வேதியியல், கணிதவியல் கலைச்சொற்கள்[7]
  • பொறியியல் - தொழில்நுட்பவியல் கலைச்சொற்கள்
  • அறிவியல் கலைச்சொல்லகராதி: வேளாண்மையியல், மண்ணறிவியல் (தமிழ் பல்கலைக்கழக வெளியீடு)[8]

மொழிபெயர்ப்புகள்[தொகு]

குறிப்புகள்[தொகு]

"https://ta.wikipedia.org/w/index.php?title=இராம._சுந்தரம்&oldid=3119308" இருந்து மீள்விக்கப்பட்டது