அல்பானி மருத்துவ நிறுவனப் பரிசு

மருத்துவம் மற்றும் உயிரியல் மருத்துவ ஆராய்ச்சிக்கான அல்பானி மருத்துவ நிறுவனப் பரிசு^[1] (Albany Medical Center Prize in Medicine and Biomedical Research) என்பது மருத்துவம் மற்றும் உயிரியல் மருத்துவ ஆராய்ச்சியில் அமெரிக்காவின் இரண்டாவது மிக உயர்ந்த மதிப்புள்ள பரிசாகும். இது அல்பானி மருத்துவ நிறுவனத்தால் வழங்கப்படுகிறது. உலகெங்கிலும் உள்ள மருத்துவத்திற்கான பரிசுகளில், அல்பானி மருத்துவ நிறுவனப் பரிசு நான்காவது மிகவும் உயரிய விருதாகும் (உயிர் அறிவியலுக்கான $3 மில்லியன் திருப்புமுனை பரிசு, மருத்துவத்திற்கான $1.2 மில்லியன் நோபல் பரிசு மற்றும் வாழ்க்கை அறிவியல் மற்றும் மருத்துவத்திற்கான $1 மில்லியன் ஷா பரிசுக்குப் பிறகு).^[2]

இந்தப் பரிசு ஆண்டுதோறும் வழங்கப்படும். இதன் மதிப்பு $500,000 டாலர் ஆகும். இந்தப் பரிசு மருத்துவர் அல்லது விஞ்ஞானி அல்லது குழுவிற்கு வழங்கப்படுகிறது. இவர்களின் மேம்பட்ட நோயாளி பராமரிப்பு, மருத்துவ சுகாதார பராமரிப்பு மற்றும் மருத்துவ ஆராய்ச்சியில் குறிப்பிடத்தக்க முன்னேற்றத்திற்குப் பங்காற்றியவர்களுக்கு இப்பரிசு வழங்கப்படுகிறது.

இந்தப் பரிசு இதன் நிறுவனர், மறைந்த மோரிசு "மார்டி" சில்வர்மேனின் சிறப்பு திட்டமாகும். மார்ச் 2001-ல் அல்பானி, நியூயார்கில் நடந்த தொடக்க விருது வழங்கும் விழாவில், சில்வர்மேன் பாரம்பரியமாக மெழுகுவர்த்தி ஒன்றை ஏற்றித் தொடங்கிவைத்தார். இப்பரிசு காலம் காலமாக நூறு ஆண்டுகளாகத் தொடர வேண்டும் என்பது இவரின் விருப்பம். ஒவ்வொரு வருடமும் மெழுகுவர்த்தியை ஏற்றி விருது பெறுபவரைக் கௌரவிப்பதாக சில்வர்மேனின் வாக்குறுதி இருந்தது.