அபூர்வி சண்டேலா
 | ||||||||||||||
| தனிநபர் தகவல் | ||||||||||||||
|---|---|---|---|---|---|---|---|---|---|---|---|---|---|---|
| தேசியம் | இந்தியர் | |||||||||||||
| பிறப்பு | 4 சனவரி 1993 செய்ப்பூர், இந்தியா | |||||||||||||
| உயரம் | 156 cm (5 அடி 1 அங்) | |||||||||||||
| விளையாட்டு | ||||||||||||||
| நாடு | இந்தியா | |||||||||||||
| விளையாட்டு | குறி பார்த்துச் சுடுதல் | |||||||||||||
| நிகழ்வு(கள்) | 10 மீ காற்றுத் துப்பாக்கி | |||||||||||||
பதக்கத் தகவல்கள்
| ||||||||||||||
| 26 ஜூலை 2014 இற்றைப்படுத்தியது. | ||||||||||||||
அபூர்வி சண்டேலா (Apurvi Singh Chandela) இந்தியாவைச் சேர்ந்த ஒரு துப்பாக்கி சுடும் வீராங்கனையாவார். 1993 ஆம் ஆண்டு சனவரி மாதம் 4 ஆம் தேதி இவர் பிறந்தார்.
10 மீ காற்றழுத்த துப்பாக்கி சுடும் போட்டி நிகழ்வில் இந்தியாவின் சார்பாக இவர் போட்டியிட்டு வருகிறார். 2014 ஆம் ஆண்டு கிளாசுக்கோவில் நடைபெற்ற பொதுநலவாய விளையாட்டுகளில் தங்கப் பதக்கத்தை வென்றுள்ளார்.[1] 2019 ஆம் ஆண்டு பிப்ரவரியில் நடைபெற்ற உலகக்கோப்பை துப்பாக்கி சுடுதல் போட்டியில் 10 மீட்டர் காற்றழுத்தத் துப்பாக்கி சுடும் பிரிவில் வெற்றி பெற்று தங்கப் பதக்கம் வென்றார்.[2] 2016 ஆம் ஆண்டு இந்திய அரசு அபூர்விக்கு அர்ச்சுனா விருதை வழங்கி சிறப்பித்தது.
வாழ்க்கைக் குறிப்பு[தொகு]
இராசத்தான் மாநிலத்தின் தலைநகரமான செய்ப்பூரில் அபூர்வி பிறந்தார். இவருடைய குடும்பம் விளையாட்டைப் பின்னணியாக கொண்ட ஒரு குடும்பமாகும். தாய் பிந்து சண்டேலா ஓர் கூடைப்பந்து வீராங்கனையாவார்.[3] தந்தை குல்தீப் சிங் சண்டேலா தீவிரமான விளையாட்டு ஆர்வம் கொண்டிருந்தார்.
விளையாட்டு பத்திரிகையாளராக வேண்டும் என்ற நம்பிக்கை கொண்டிருந்த அபூர்வி, 2008-ஆம் ஆண்டு பீகிங் ஒலிம்பிக்கில் இந்தியாவை சேர்ந்த அபினவ் பிந்த்ரா தங்கப் பதக்கம் வென்றதைப் பார்த்து ஈர்க்கப்பட்டு துப்பாக்கி சுடுதல் மீது ஆர்வம் கொண்டார். குடும்பத்தினர் உதவியுடன் பயிற்சிகள் மேற்கொள்ளத் தொடங்கினார்.[4]
தொழில்முறை சாதனைகள்[தொகு]
- 2009 ஆம் ஆண்டு நடைபெற்ற அகில இந்திய துப்பாக்கி சுடும் போட்டியில் சண்டேலா வெற்றி பெற்று முதலிடம் பிடித்தார். மேலும் 2012 ஆம் ஆண்டு புது தில்லியில் நடைபெற்ற மூத்தோர் தேசிய துப்பாக்கி சுடும் போட்டியில் சாம்பியன் பட்டம் பெற்றார். 2012- 2019 ஆம் ஆண்டுகளில் தொடர்ந்து ஆறு முறை தேசிய அளவிலான இத்தகைய போட்டிகளில் வெற்றிகளைப் பதிவு செய்தார்.[5]
- 2015 ஆம் ஆண்டு தென் கொரியாவின் சாங்வோன் மற்றும் செருமனியின் மூனிச் நகரங்களில் நடைபெற்ற பன்னாட்டு துப்பாக்கி சுடுவோர் கூட்டமைப்பின் துப்பாக்கி சுடும் போட்டிகளில் 10மீ காற்றழுத்த துப்பாக்கி சுடுதல் பிரிவில் முறையே மூன்று மற்றும் இரண்டாம் இடங்களைப் பிடித்தார்.
- 2018 ஆம் ஆண்டு நடைபெற்ற பொதுநலவாய விளையாட்டுப் போட்டிகளில் அபூர்வி சண்டேலா வெண்கலப் பதக்கம் வென்றார்.
- 2019 ஆம் ஆண்டு சீனாவில் நடைபெற்ற பன்னாட்டு துப்பாக்கி சுடுவோர் கூட்டமைப்பின் துப்பாக்கி சுடும் போட்டிகளில் இரண்டாம் இடமும் ரியோ ஒலிம்பிக்கில் போட்டியிட தகுதியும் பெற்றார்.[6] [7]
- டோக்கியோ நகரில் நடைபெற உள்ள ஒலிம்பிக் போட்டிகளில் விளையாட அபூர்வி தேர்ந்தெடுக்கப்பட்டுள்ளார்.
- ஆத்திரியாவில் 2020 ஆம் ஆண்டு நடைபெற்ற மேடோன் காப் என்ற தனியார் துப்பாக்கிசுடும் போட்டியில் அபூர்வி தங்கப் பதக்கம் பெற்றார்.
மேற்கோள்கள்[தொகு]
- ↑ "Women's 10 metre air rifle Finals". glasgow2014.com. 26 July 2014 இம் மூலத்தில் இருந்து 29 ஜூலை 2014 அன்று. பரணிடப்பட்டது.. https://web.archive.org/web/20140729132100/http://results.glasgow2014.com/event/shooting/shw101101/10m_air_rifle_womens_finals.html. பார்த்த நாள்: 26 July 2014.
- ↑ "தங்கம் வென்றார் சண்டேலா". தினமலர். 23 பெப்ரவரி 2019. https://sports.dinamalar.com/2019/02/1550917341/ChandelaclaimsgoldISSFWorldCup.html. பார்த்த நாள்: 23 பெப்ரவரி 2019.
- ↑ "अपूर्वी चंदेला: ओलंपिक में जीत के लिए तैयार" (in hi). BBC News हिंदी. https://www.bbc.com/hindi/sport-55962771.
- ↑ "துப்பாக்கியே துணை: ஒலிம்பிக்சில் பிரகாசிக்க காத்திருக்கும் அபூர்வி சண்டேலா" (in ta). https://www.bbc.com/tamil/india-55966457.
- ↑ "Indian Shooter Apurvi Chandela on Winning Gold at ISSF World Cup | The Quint - YouTube". https://www.youtube.com/watch?v=slgSzMAVvsE.
- ↑ "Rio Olympics 2016: Jitu Rai finishes 8th in 10m Air Pistol; Apurvi Chandela, Ayonika Paul out in qualifiers". First Post. 7 August 2016. Retrieved 8 August 2016.
- ↑ "Apurvi Chandela Biography, Records and Age". https://www.olympicchannel.com/en/athletes/detail/apurvi-chandela/.
"Apurvi Chandela, the girl with the golden date". SportsCafe.in. https://sportscafe.in/articles/shooting/2016/jan/08/apurvi-chandela-the-girl-with-the-golden-trigger. பார்த்த நாள்: 30 May 2016.