அணுக்கரு உலை விபத்து இழப்பீடு சட்ட முன்வரைவு

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

அணுக்கரு உலை விபத்திற்கான குடியியல் இழப்பீடு மசோதா (The Civil Liability for Nuclear Damage)அல்லது அணுக்கரு உலை விபத்து இழப்பீடு மசோதா அமெரிக்க வணிகநிறுவனங்கள் இந்தியாவில் அணுக்கரு உலைகளை நிறுவ வழிவகுக்கும் வகையில் இந்திய அரசால் 2008 ஆண்டு கையொப்பமிட்ட இந்திய அமெரிக்க குடிசார் அணுவாற்றல் உடன்பாட்டிற்கிணங்க நாடாளுமன்றத்தில் கொண்டுவந்துள்ள மசோதாவாகும். இந்தியாவில் அணுக்கரு உலைகள் அமைக்கும் அமெரிக்க வணிக நிறுவனங்கள் தங்கள் மாநிலங்களில் காப்பீடு பெற இந்த சட்டம் தேவையாகும். இந்த மசோதா சட்டமான பிறகு இந்தியா குடிசார் அணுக்கரு நிலையங்களில் விபத்து இழப்பீடு குறித்த பன்னாட்டு மரபு அங்கத்தினராகக் கருதப்படும்.அணு உலை விபத்து இழப்பீடு மசோதா, எதிர்கட்சியான பாரதிய ஜனதா கட்சியின் ஆதரவுடன் மக்களவையில் 26 செப்டம்பர் 2010 அன்று நிறைவேறியது.[1]

அணுக்கரு உலை விபத்து இழப்பீடு மசோதா தொடர்பாக பாரதிய ஜனதா கட்சி மற்றும் இடதுசாரி கட்சிகள் கடும் எதிர்ப்பு எழுப்பி வந்தன. அதில் உள்ள சில முக்கிய அம்சங்களுக்கு கடும் எதிர்ப்பு தெரிவித்து அவற்றை நீக்க வேண்டும் எனவும் வலியுறுத்தி வந்தன. இதனால் மசோதாவை நிறைவேற்றுவதில் இழுபறி ஏற்பட்டது.[2] இதையடுத்து மசோதாவை நிறைவேற்ற வழிசெய்யும் வகையில் அரசு மசோதாவில் 18 திருத்தங்களை மேற்கொண்டது.

முக்கியத் திருத்தமாக, அணு விபத்து ஏற்பட்டால், விபத்து இழப்பீடாக ரூ. 500 கோடியாக தரப்பட வேண்டும் என முன்பு மசோதாவில் குறப்பிடப்பட்டிருந்தது. பின்னர் அது ரூ. 1500 கோடியாக அதிகரிக்கப்பட்டு மசோதா தாக்கல் செய்யப்பட்டது. அணு தீண்டாமையிலிருந்து இந்தியா முழுமையாக விலகி வரவும் உலகநாடுகளுடன் இந்தியா மிகவும் பெரிய அளவில் அணு வர்த்தகத்தில் ஈடுபடவும் இந்த மசோதா உதவும் என்று இந்தியப் பிரதமர் மன்மோகன் சிங் வாதிட்டார்.

இந்த மசோதாவின் அடுத்த கட்டமாக அணுவாற்றல் சட்டம் 1962 திருத்தப்பட்டு இந்திய அணுக்கரு மின்னாற்றல் உற்பத்தியில் தனியார்துறை பங்கேற்க அனுமதிக்கப்பட வேண்டும்.

வெளியிணைப்புகள்[தொகு]

Highlights of the Civil Liability for Nuclear Damage Bill, 2010

Nuclear Power and Civil Liability

Bill as passed by Lok Sabha (Amendments marked on the original Bill)

மேற்கோள்கள்[தொகு]