வத்தித்திறன்
| வத்தித்திறன் Candlepower | |
|---|---|
 வத்தித்திறன் ஒரு மெழுகுவர்த்தியிலிருந்து வெளிப்படும் ஒளியை அடிப்படையாகக் கொண்டது | |
| பொது தகவல் | |
| அலகு முறைமை | பன்னாட்டுத் தரநிலை (காலாவதியானது) |
| அலகு பயன்படும் இடம் | ஒளிச்செறிவு |
| குறியீடு | cp |
| அலகு மாற்றங்கள் | |
| 1 cp இல் ... | ... சமன் ... |
| அனைத்துலக முறை அலகுகள் | 1 கேண்டெலா (இன்றைய வரையறை) |
வத்தித்திறன் அல்லது மெழுகுதிரித்திறன் (candlepower, சுருக்கம்: cp அல்லது CP) என்பது ஒளிச்செறிவை அளவிடும் ஓர் அலகு ஆகும். மெழுகுவர்த்தி ஒன்றின் குறிப்பிட்ட அளவு அல்லது அதன் கூறுகளினால் வெளிப்படும் ஒளியுடன் தொடர்புடைய ஒளிச்செறிவை இது வெளிப்படுத்துகிறது. ஒரு வத்தித்திறன் 0.981 கேண்டெலாக்களுக்கு சமம். இன்றைய பயன்பாட்டில், வத்தித்திறன் என்பது சில சமயங்களில் கேண்டெலா இற்கு ஒத்த பொருளாக பயன்படுத்தப்படுகிறது.[1]
வரலாறு[தொகு]
வத்தித்திறன் என்ற சொல் முதலில் ஐக்கிய இராச்சியத்தில், 1860 இன் பெருநகர எரிவாயுச் சட்டம் மூலம் வரையறுக்கப்பட்டது, 1⁄6 பவுண்டுகள் (76 கிராம்) எடையுள்ள ஒரு தூய இசுப்பெர்மாசெட்டி மெழுகுவர்த்தியால் (திமிங்கலத்தலை எண்ணெய்க்கொழுப்பினால் செய்யப்படும் மெழுகு) உற்பத்தி செய்யப்படும் ஒளி, ஒரு மணி நேரத்திற்கு 120 தானியங்கள் (7.8 கிராம்) என்ற விகிதத்தில் எரிகிறது. இந்த எண்ணெய்க் கொழுப்பினால் தரம் வாய்ந்த மெழுகுதிரிகள் முன்னர் உற்பத்தி செய்யப்பட்டன.
இங்கிலாந்து வத்தித்திறனை ஒரு அலகாக நிறுவிய நேரத்தில், பிரான்சில் தர ஒளியானது கார்செல் அடுப்பின் ஒளிச்செறிவை அடிப்படையாகக் கொண்டது. ஒரு குறிப்பிட்ட விகிதத்தில் சுத்தமான கொல்சா எண்ணெய் (பிராசிகா கேம்பெஸ்ட்ரிஸ் தாவரத்தின் விதையிலிருந்து பெறப்பட்டது) எரியும் விளக்கிலிருந்து வெளிப்படும் வெளிச்சம் என்று அவர்கள் அலகை வரையறுத்தனர். பத்து நிலையான மெழுகுவர்த்திகள் ஒரு கார்செல் அடுப்பிற்குச் சமம்.
1921 ஆம் ஆண்டில், CIE எனக் குறிப்பிடப்படும் ஒளிக்கான பன்னாட்டு ஆணையம், பன்னாட்டு மெழுகுவர்த்தியை ஒரு கார்பன் இழை ஒளிரும் விளக்கின் அடிப்படையில் மறுவரையறை செய்தது. 1937 ஆம் ஆண்டில், மெழுகுவர்த்தி மீண்டும் மறுவரையறை செய்யப்பட்டது - திரவ பிளாட்டினத்தின் உறைபனி புள்ளியில் ஒரு கரும்பொருளின் ஒளிச்செறிவு, ஒரு சதுர சென்டிமீட்டருக்கு 58.9 பன்னாட்டு மெழுகுவர்த்திகளுக்கு சமம்.
1948 இல், அனைத்துலக முறை அலகுகள் (SI) வத்தித்திறனுக்காக கேண்டெலா என்ற அலகை அறிமுகப்படுத்தியது. ஒரு வத்தித்திறன் அலகு கிட்டத்தட்ட 0.981 கேண்டெலா ஆகும். பொதுவாக இன்றைய பயன்பாட்டில், ஒரு வத்தித்திறன் இப்போது நேரடியாக (1:1) கேண்டெலாக்களின் எண்ணிக்கைக்கு சமமாகிறது.[1]
இவற்றையும் பார்க்க[தொகு]
மேற்கோள்கள்[தொகு]
- ↑ 1.0 1.1 "Candlepower - Definition". Merriam-Webster Dictionary. பார்க்கப்பட்ட நாள் 15 February 2015.
வெளி இணைப்புகள்[தொகு]
- Rowlett, Russ (2001-07-13). "How Many? A Dictionary of Units of Measurement". University of North Carolina at Chapel Hill. பார்க்கப்பட்ட நாள் 2007-07-10.
- International candle at Sizes.com Last revised: 27 June 2007. Accessed July 2007
- Candle History - Candlepower 2003 Bob Sherman at Craftcave. Accessed July 2007.
- Brief History Of Lighting 2004 by The Wolfstone Group. Accessed July 2007.
- A History of Light and Lighting by Bill Williams Edition: 2.3 - (2005) Accessed July 2007.
- Coaton, J. R. (February 2002). "The genesis of incandescent lamp - manufacture". Engineering Science and Education Journal (IEEE) 11: 21. doi:10.1049/esej:20020103. https://ieeexplore.ieee.org/document/990586. பார்த்த நாள்: 2007-07-10. "Measurement of the candlepower of lamps".
- Cottington, Ian E. (February 1986). "Platinum and the Standard of Light - A Selective Review Of Proposals Which Led To An International Unit Of Luminous Intensity" (PDF). Platinum Metals Review. pp. 30, (2). பார்க்கப்பட்ட நாள் 2007-07-10.
Metropolitan Gas Act of 1860