விக்கிப்பீடியா:உங்களுக்குத் தெரியுமா/காப்பகம்
கட்டற்ற கலைக்களஞ்சியமான விக்கிப்பீடியாவில் இருந்து.
< விக்கிப்பீடியா:உங்களுக்குத் தெரியுமா(விக்கிப்பீடியா:உங்களுக்குத் தெரியுமா காப்பகம் இலிருந்து வழிமாற்றப்பட்டது)
இப்பகுதியிலுள்ளவை அண்மையில் உருவாக்கப்பட்ட புதிய கட்டுரைகளும் விரிவாக்கப்பட்ட குறுங்கட்டுரைகளும் ஆகும். இவை விக்கிப்பீடியாவின் முதற்பக்க உள்ளடக்கத்தின் ஒரு பிரிவான உங்களுக்குத் தெரியுமா? என்ற பகுதியில் காட்சிப்படுத்தப்பட்டவை. நீங்களும் முதற்பக்கத்தில் காட்சிப்படுத்துவதற்கான புதிய பக்கங்களைப் பரிந்துரைக்கலாம். (காப்பகமானது காட்சிப்படுத்தப்பட்டதன் அடிப்படையில் ஆண்டு வாரியாக அடுக்கப்பட்டுள்ளது.)
பொருளடக்கம் |
[தொகு] இம்மாதத்தில் காட்சிப்படுத்தப்பட்டவை
[தொகு] மே 30, 2012
- உலகின் மிகச் சிறிய ஓந்தி மடகாசுக்கர் அரியோந்தி(படம்) என்பதுதான். இதன் நீளம் 29 மில்லிமீட்டர் மட்டுமே.
- பச்சை அறிக்கை என்பது சட்டம் இயற்றும் முன் விவாதிப்பதற்காகவும், வெள்ளை அறிக்கை என்பது விவாதிக்கப்பட்ட முடிவான கொள்கை சட்டம் ஆவதற்கு முன்னும் வரும் அறிக்கைகளாகும்.
- பண்பலை என்பது வானொலி தொழில்நுட்பத்தில், சைகைகளை ஊர்தி அலையின் அதிர்வெண்ணில் மாற்றங்களாக ஏற்றி அலைபரப்பப்படும் மின்காந்த அலைகள் ஆகும்.
- பொருளாதார அல்லது சமூகக் கொள்கைகளில் அரசின் கட்டுப்பாடுகளைத் தளர்த்தல் தாராளமயமாக்கல் எனப்படும்.
- வடிவமைப்பாளர் குழந்தை என்பது நவீன தொழில்நுட்பங்களைப் பயன்படுத்தி மரபணு அமைவு செயற்கையாக மாற்றப்பட்டு பிறக்கும் குழந்தை ஆகும்.
[தொகு] மே 23, 2012
- தென்னக இரயில்வே (படத்தில் எண் 7) விடுதலை பெற்ற இந்தியாவில் இந்திய இரயில்வேயின் 16 மண்டலங்களில் முதலில் உருவாக்கப்பட்ட மண்டலம்.
- சுராசிக் காலம் என்பது 20 கோடி ஆண்டுகளுக்கு முன்தொடங்கி 14.4 கோடி ஆண்டுகளுக்கு முன் வரையான தொன்மா என்ற டைனாசோர்களின் வல்லாட்சிக் காலத்தை குறிக்கும்.
- முதலாம் குலோத்துங்கச் சோழன் ஆண் வழியில் சாளுக்கிய மரபைச் சேர்ந்தவனாகையால் அவனும் அவனது வழி வந்தவர்களும் சாளுக்கிய சோழர் என அழைக்கப்படுகின்றனர்.
- இரட்டை நகரங்கள் என்பது மானிடத் தொடர்பு மற்றும் கலாச்சார ஒற்றுமை உருவாகும் நோக்கில் சேர்க்கப்பட்ட வெவ்வேறு நாட்டில் உள்ள நகரங்கள் ஆகும்.
- முதுகுநாணி என்பன விலங்கினங்களில் முதுகெலும்பிகள் உட்பட அதனோடு நெருங்கிய தொடர்புடைய முதுகெலும்பில்லா உயிரினங்களையும் உள்ளடக்கிய ஒரு பெரும்பிரிவு.
[தொகு] மே 16, 2012
- உலகத்தில் உபயோகத்திலுள்ள பழமையான அணைகளுள் ஒன்றான கல்லணை கல்லும் களிமண்ணும் கொண்டு கட்டப்பட்டது.
- தமிழ்நாட்டில் 20 ஆம் நூற்றாண்டிற்கு முற்பட்ட 60 சமணர் கோயில்கள் உள்ளன.
- உருய் உலோப்பசு சதுரங்க விளையாட்டில் புகழ்பெற்ற ஒரு முன்னகர்வு உத்தியாகும்.
- விண்வெளிப் போட்டி என்பது சோவியத் ஒன்றியத்திற்கும், ஐக்கிய அமெரிக்காவிற்கும் இடையே விண்வெளிப் பயணத்தில் தங்கள் ஆதிக்கத்தை நிலைநாட்ட நடைபெற்ற போட்டி.
- தற்போதுள்ள தமிழ் நிகண்டுகளில் எட்டாம் நூற்றாண்டில் இயற்றப்பட்ட திவாகர நிகண்டு காலத்தால் முந்தியது.
[தொகு] மே 9, 2012
- பண்டைக் கால வாணிபத்துக்கு உதவிய 6500 கிலோமீட்டர் நீளமான பட்டுப் பாதை (படம்) 2300 ஆண்டுகள் பழைமையானது.
- வேசரம் இந்திய இந்துக் கோயிற் கட்டடக் கலைப்பாணிகளில் ஒன்று.
- கம்போடியாவிலுள்ள அங்கூர் வாட் கோயில் வளாகத்தைக் கட்டியவர் இரண்டாம் சூரியவர்மன்.
- சீசர் விருது பிரான்சு நாட்டுத் திரைப்படத்துறையின் தேசிய விருதாகும்.
- வெண்மைப் புரட்சி என்பது இந்தியாவின் தேசிய பால்பண்ணை மேம்பாட்டு கழகம் 1970 ல் ஆரம்பித்த கிராமப்புற மேம்பாட்டு திட்டம்.
[தொகு] மே 2, 2012
- இளவட்டக்கல்லைத் (படம்) தலைக்கு மேல் தூக்கிக் காட்டும் இளைஞருக்கு தம் பெண்களை மணமுடித்துத் தரும் வழக்கம் தமிழகத்தில் இருந்தது.
- இந்தியத் தேர்தல்களில் பதிவான செல்லுபடியாகும் வாக்குகளில் ஆறில் ஒரு பங்கு பெற இயலாமல் தோற்கும் வேட்பாளர்கள், தங்கள் வைப்புத்தொகையை இழப்பர்.
- முதல் நிலை ஆள்களப் பெயர் என்பது இணையத்தில் நிருவாக அதிகாரம், கட்டுப்பாடு போன்வற்றை வரையறுக்கும் முகமாக உருவாக்கப்பட்ட பின்னொட்டு சரம் ஆகும்.
- உதகமண்டலம் பிரித்தானிய இந்தியாவின் சென்னை மாகாணத்தின் கோடைகாலத் தலைநகர்.
- மாண்டரின், எசுப்பானியம், ஆங்கிலம் ஆகியவை முறையே உலகத்தில் அதிகம் நபர்கள் பேசும் முதல் மூன்று மொழிகளாக உள்ளன.
