மலேசிய இஸ்லாமிய கட்சி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்


மலேசிய இஸ்லாமிய கட்சி
பாஸ்
Pan-Islamic Malaysian Party
Parti Islam Se-Malaysia
ڤرتي اسلام س-مليسيا
PAS logo.svg
ஆலோசகர் நிக் அப்துல் அசீஸ் நிக் மாட்
தலைவர் அப்துல் ஹாடி அவாங்
துணை தலைவர் முகமட் சாபு
பொது செயலாளர் முஸ்தாபா அலி
தொடக்கம் ஏப்ரல் 4, 1939
தலைமையகம் கோலாலம்பூர், மலேசியா
அதிகாரபூர்வ ஏடு ஹராக்கா நாளிதழ்
இளைஞர் அணி பாஸ் இளைஞர் அணி
அதிகாரப் பட்ச அரசியல்
நிலைப்பாடு/
கொள்கை
இஸ்லாமியம்,
இஸ்லாமிய ஜனநாயகம்,
சமயப் பழைமைவாதம்
தேசியக்கூட்டு பாரிசான் நேசனல் (1974–78)
ஐக்கிய உம்மா அணி (1989–1996)
மாற்று முன்னணி (1999–2004)
பாக்காத்தான் ராக்யாட் (2008லிருந்து)
அதிகாரப் பட்ச நிறம் வெள்ளை, பச்சை
தளம் www.pas.org.my

மலேசியா
Coat of arms of Malaysia.svg

மலேசிய இஸ்லாமிய கட்சி (பாஸ்) (மலாய்: Parti Islam Se-Malaysia) (ஜாவி: ڤرتي اسلام س-مليسيا) என்பது மலேசியாவில் உள்ள ஓர் அரசியல் எதிர்க் கட்சியாகும். பொதுவாக, இதனைப் பாஸ் கட்சி என்று அழைப்பார்கள். இது இஸ்லாமிய சமயம் சார்ந்த கட்சியாகும். இந்தக் கட்சியின் தலைவராக டத்தோ ஸ்ரீ அப்துல் ஹாடி அவாங் இருக்கிறார். இஸ்லாமியச் சட்டவிதிகளைச் சார்ந்த ஒரு நாடாக மலேசியாவை மாற்றி அமைக்க வேண்டும் என்பதே இக்கட்சியின் தலையாயக் கோட்பாடு ஆகும்.[1]

சமய அடிப்படையில் ஆளும் பாரிசான் நேசனல் கூட்டணியை எதிர்க்கும் ஆற்றல் மிக்க கட்சியாகவும் இந்த மலேசிய இஸ்லாமிய கட்சி விளங்கி வருகிறது.[2] தீபகற்ப மலேசியாவின் வட பகுதியில் இருக்கும் பழைமைவாத மாநிலங்களான கிளாந்தான், திரங்கானு ஆகியவற்றின் வலுவான ஆதரவுகளை இந்தக் கட்சி பெற்றுள்ளது. மலாயா சுதந்திரம் அடைந்த பிறகு, மலேசிய மக்களின் பேரதரவைப் பெற்று விளங்கிய பாரிசான் நேசனல் கூட்டணியை எதிர்த்துப் போட்டியிட்டு வெற்றி பெற்ற முதல் அரசியல் கட்சியும் இதுவே ஆகும்.

2008ஆம் ஆண்டில் மலேசியப் பொதுத் தேர்தல் நடைபெற்றது. அந்தத் தேர்தலுக்குப் பின், பி.கே.ஆர் என்று அழைக்கப்படும் மக்கள் நீதிக் கட்சி, ஜனநாயக செயல் கட்சிகளுடன் கூட்டுச் சேர்ந்து பாக்காத்தான் ராக்யாட் எனும் ஓர் அரசியல் எதிர் அணியை உருவாக்கியது. இப்போது மலேசியாவின் கிளாந்தான், திரங்கானு, சிலாங்கூர், பினாங்கு ஆகிய மாநிலங்களை பாக்காத்தான் ராக்யாட் தன் கட்டுப்பாட்டில் வைத்து இருக்கிறது.

அண்மைய நிகழ்வுகள்[தொகு]

கடந்த காலங்களில், மலேசிய இஸ்லாமிய கட்சி மலாய்க்காரர்களையும், முஸ்லீம் ஆதரவாளர்களையும் இலக்குகளாக் கொண்டு செயல்பட்டு வந்தது. ஆனால், அண்மைய காலங்களில், குறிப்பாக 2004ஆம் ஆண்டு பொதுத் தேர்தலுக்குப் பின்னர், அதன் அணுகுமுறையில் மாற்றங்கள் ஏற்பட்டு வருகின்றன. உறுத்தல்கள் இல்லாத மிதமான போக்கை முஸ்லீம் அல்லாதவர்களிடம் காட்டி வருகிறது.

மலேசியாவை ஓர் இஸ்லாமிய நாடாக மாற்றுவதையே ஓர் இலட்சியமாகக் கொண்டிருந்த மலேசிய இஸ்லாமிய கட்சி, அண்மைய காலங்களில் அதைப் பற்றி பேசுவதையும் குறைத்துக் கொண்டது.[3] 2008 பொதுத் தேர்தலில் முஸ்லீம் அல்லாத ஒருவரையும் மலேசிய இஸ்லாமிய கட்சியின் சார்பில் போட்டியிட வைத்தது.

குமதா ராமன்[தொகு]

குமதா ராமன் எனும் ஒரு தமிழ்ப் பெண்ணைத் தன் கட்சியின் சார்பில் போட்டியிட வைத்து சாதனை படைத்தது. குமதா ராமன் ஒரு வழக்குரைஞர் ஆவார். ஜொகூர் மாநிலத்தில் உள்ள உலு திராம் சட்டமன்றத் தொகுதியில் போட்டியிட்டார்.[4] இருப்பினும் இத் தேர்தலில் குமதா ராமன் தோல்வி அடைந்தார்.

1999ஆம் ஆண்டு மலேசியாவின் துணைப் பிரதமராக இருந்த அன்வார் இப்ராஹிம் ஊழல்; ஒழுக்கக் கேடு காரணமாகக் கைது செய்யப்பட்டார். அவர் மீது குற்றங்கள் பதிவு செய்யப்பட்டன. ஆறு ஆண்டுகள் சிறைத் தண்டனையும் பெற்றார். அந்தச் சமயத்தில் அன்வார் இப்ராஹிமின் மனைவி டத்தோ ஸ்ரீ டாக்டர் வான் அசீசா வான் இஸ்மாயில், கெஅடிலான் எனும் மக்கள் நீதிக் கட்சியைத் தோற்றுவித்தார்.

மாற்று முன்னணி[தொகு]

புதிதாகத் தோன்றிய இந்த மக்கள் நீதிக் கட்சி, ஏற்கனவே செயல்பட்டு வந்த ஜனநாயக செயல் கட்சி, ஆகியவற்றுடனும் இணைந்து மாற்று முன்னணி (மலாய்: Barisan Alternatif) எனும் ஓர் எதிர் அரசியல் அணியை, மலேசிய இஸ்லாமிய கட்சி உருவாக்கியது. 1999 ஆம் ஆண்டில் மலேசியப் பொதுத் தேர்தல் நடைபெற்றது. அதில் மலேசிய இஸ்லாமிய கட்சி திரங்கானு மாநிலத்தை, ஆளும் பாரிசான் நேசனல் கூட்டணியிடம் இருந்து கைபற்றியது.[5]

மேற்கோள்கள்[தொகு]

"http://ta.wikipedia.org/w/index.php?title=மலேசிய_இஸ்லாமிய_கட்சி&oldid=1628387" இருந்து மீள்விக்கப்பட்டது