பிரமனூர் கைலாசநாதர் கோவில்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
கைலாசநாதர் கோவில்
கைலாசநாதர் கோவில் is located in தமிழ்நாடு
கைலாசநாதர் கோவில்
ஆள்கூறுகள்: 9°46′14″N 78°16′34″E / 9.770419°N 78.276089°E / 9.770419; 78.276089ஆள்கூறுகள்: 9°46′14″N 78°16′34″E / 9.770419°N 78.276089°E / 9.770419; 78.276089
அமைவிடம்
நாடு: இந்தியா
மாநிலம்: தமிழ்நாடு
மாவட்டம்: சிவகங்கை
அமைவு: திருப்புவனம், தமிழ்நாடு, இந்தியா
கோயில் தகவல்கள்
உற்சவர்: கைலாசநாதர்
கட்டிடக்கலையும் பண்பாடும்
கட்டடக்கலை வடிவமைப்பு: திராவிடக் கட்டிடக்கலை

'பிரமனூர் கைலாசநாதர் கோவில் தமிழ்நாடு, சிவகங்கை மாவட்டம், திருப்புவனம் வட்டத்திலுள்ள பிரமனூரில் [1] அமைந்துள்ள ஒரு சிவன் கோவில் ஆகும். மதுரையில் இருந்து 23 கிமீ தூரத்தில் இது அமைந்துள்ளது.

ஊர் சிறப்பு[தொகு]

பிரம்மதேவன் பூலோகம் வந்து கைலாய மலையிலிருந்து இறைவனை ஆராதனை செய்து லிங்கம் கொண்டுவந்து வணங்கி பூசித்தான். தன் திருநாமம் இந்த ஊருக்கு வேண்டும் என கேட்டுக்கொண்டதால் இந்த ஊருக்கு பிரமனூர் என பெயர் ஏற்படக் காரணமாயிற்று.

தல வரலாறு[தொகு]

இறைவன் திருவிளையாடல் பல, அதில் அடிமுடி காணும் படலத்தின் வாயிலாகைரைவனின் சிறு திருவிளையாடல். காக்கும் கடவுளாகிய மகாவிஷ்ணுவிற்கும், படைக்கும் கடவுளாகிய பிரம்மதேவனுக்குமிடையே யார் பெரியவன் என்ற போட்டி ஏற்படுகிறது. இதை தீர்த்துவைக்க யாராலும்  முடியவில்லை. அப்போது சிவபெருமான் நெருப்பு மலையாக தோன்றி காட்சி தருகிறார். இருவருக்கும் சர்ச்சை தீரவில்லை. உடனே சிவபெருமான் "யார் ஒருவர் என் சிரசையோ அல்லது பாதத்தையோ விரைவாக தரிசனம் செய்கிறாரோ அவரே பெரியவர் எனக்கூற காக்கும் கடவுளாகிய விஷ்ணு பன்றி உருவம்பூண்டு பூமியை துளைத்து பாதத்தைப் பார்க்க செல்கிறார். படைக்கும் கடவுள் பிரம்மன் அன்ன வாகனம்பூண்டு ஆகாயம் நோக்கி முடியைக்காணச் செல்கிறார். ஆயினும் அவர்களால் சிவனின் சிரசையோ அல்லது பாதத்தையோ தரிசிக்க முடியவில்லை. பிரம்மதேவன் செல்லும் வழியில் சிவனின் சிரசிலிருந்து விழும் தாழம்பூவைச் சந்திக்க நேர்கிறது. உடனே பிரம்மன் தாழம்பூவிடம் தாம் சிவனின் சிரசைப் பார்த்ததாக பொய் சொல்லச் சொல்கிறார். தாழம்பூவும் சம்மதிக்கிறது. அதே சமயம் விஷ்ணுவோ எவ்வளவு முயன்றும் தம்மால் சிவனின் பாதத்தைக் காணமுடியாதது கண்டு தன் தவறை உணர்ந்து சிவபெருமானிடம் சரணடைகிறார். பிரம்மதேவனோ தனக்கு சாட்சியாக தாழம்பூவை வைத்து சிரசை பார்த்ததாக கூற இறைவன் கோபம் கொண்டு பிரமனுக்கும் தாழம்பூவுக்கும் சாபம் கொடுக்கிறார். எனவே தான் பிரம்மதேவனை மூலவராகக் கொண்டு கோவில்களில் வழிபடும் பழக்கமில்லை.

சாப விமோசனம்[தொகு]

சாபவிமோசனம் வேண்டி நீ என்னை பூலோகம் சென்று வழிபட வேண்டும் எனவும், தாழம்பூ இனி சிவபூஜைக்கு ஆகாது எனவும் சிவபெருமான் கூறுகிறார். பிரம்மதேவன் கைலாயமலை சென்று அம்மை அப்பனை வணங்கி லிங்கம் கொண்டுவந்து வைத்து இத்தலத்தில் ஆராதனை செய்தமையால் இங்குள்ள மூலவர் கைலாசநாதர் எனப்படுகிறார்.

ஆலயச்சிறப்பு[தொகு]

இங்கு இறைவனுக்கு இரண்டு கால பூஜை நடைபெறுகிறது மற்றும் எல்லா விஷேட காலமும் பூஜை நடைபெறும். கார்த்திகை மாதம் திருக்கார்த்திகை அன்று தாழ மரத்தை நடுவில் ஊன்றி சொக்கப்பனை ஏற்றுவது இங்கு தனிச்சிறப்பு.

ஊரின் சிறப்புக்கென உள்ள பாடலொன்று உள்ளது[தொகு]

(செவிவழி கவிதை)

பாடல் பதினான் கென்ற பாண்டித் தலமதிலே
பார்வதியான் தன் கணவன்
வாடிய நாரைக்கு முன்னால் முக்தி அளித்ததொரு
மதுரை மாநகர் தனக்கு
நேராகத் தென் கிழக்கில் பனி ரெண்டு மைல் தூரம்
நிமலன் கைலாச நாதர்
சீராரும் காமாக்ஷி அம்மனுடன் வீற்றிருந்து
திருவோங்கித் தாள் வளரும்
வாவியுடன் ஏரியுமே ஊரதனையே சூழ்ந்து
வைகை நதி நீர் பாய்ந்தும்
காவிதழும் அல்லி செந்தாமரை கனாடெனவே
தான் மலர்ந்து கண் கொள்ளாக் காட்சியதாய்
கலை மகட்கோர் இருப்பிடமாய் நாலா வர்ணத்தாரும்
கல்வி தனிற் தான் சிறந்தது
அலை கடலில் பள்ளிகொள்ளும் ஸ்ரீமன் நாராயணற்கு
அடியார்களாய் விளங்கும்
தான மதிலே சிறந்தது எந்நாளும் அதி சிரத்தையுடன்
வழியிலே தண்ணீர் பந்தல் வைத்து
பானகம் நீர் மோர் பசித்து வந்தோர்க்கு அன்னம்
பரிவுடனே தானளித்து
அந்த மீனாக்ஷி சொக்கருக்கு அதிகாலையில் புரியும்
விளா பூஜை கட்டளைக்கு
தானாய் அமைந்ததொரு வளம் பொருந்தும் பிரமநகர்
தண்ணிலே வாசமுரும், நன்மக்கள்

மேற்கோள்கள்[தொகு]

வெளி இணைப்புகள்[தொகு]

[1] [Shree Kailasha Nathar Temple]