பாரிட் ஜாவா

பாரிட் ஜாவா
Parit Jawa
ஜொகூர்
பாரிட் ஜாவா படகுத்துறை
ஆள்கூறுகள்: 1°57′N 102°39′E
நாடு	Malaysia
மாநிலம்	ஜொகூர்
மாவட்டம்	மூவார் மாவட்டம்
அரசு
• வகை	மலேசிய உள்ளாட்சி மன்றங்கள்
• நிர்வாகம்	மூவார் நகராட்சி
பரப்பளவு
• மொத்தம்	71 km2 (27 sq mi)
மக்கள்தொகை (2017)
• மொத்தம்	11,319
நேர வலயம்	மலேசிய நேரம் ஒ.ச.நே + 08:00
அஞ்சல் குறியீடு	84150
தொலைபேசி எண்	+6-07
போக்குவரத்துப் பதிவெண்	JXX

பாரிட் ஜாவா (மலாய்; ஆங்கிலம்: Parit Jawa; சீனம்: 巴冬); என்பது மலேசியா, ஜொகூர், மூவார் மாவட்டத்தில் அமைந்துள்ள ஒரு முக்கிம்; ஒரு சிறிய நகரம் ஆகும்.

மலாக்கா நீரிணையின் கரையில் இருந்து 100 மீட்டர் தொலைவிலும், பண்டார் மகாராணி நகரத்திலிருந்து 15 கிமீ தொலைவிலும் பத்து பகாட் நகரத்திலிருந்து 39 கிமீ தொலைவிலும் பாரிட் ஜாவா அமைந்துள்ளது.

இந்தோனேசியாவின் ஜாவா தீவுகளில் இருந்து வந்த ஜாவானிய குடியேற்றக்காரர்கள் தோண்டிய பள்ளத்தில் இருந்து பாரிட் ஜாவா எனும் பெயர் வந்ததாக அறியப்படுகிறது. அடர்ந்த காடுகளால் சூழப்பட்டு இருந்த இந்தக் கிராமம் கடந்த 120 ஆண்டுகளுக்கு முன்னர் உருவாக்கப்பட்டது.

பொது

பாரிட் ஜாவாவில் மிகப்பெரிய இனக்குழுவினர் மலாய்க்காரர்கள் (80%) ஆகும். அதைத் தொடர்ந்து சீனர்கள் (14%); இந்தியர்கள் (6%) உள்ளனர்.

இங்குள்ள கிராமவாசிகளின் முக்கிய வருமான ஆதாரங்கள் மீன்பிடித்தல், பழ மரங்களை வளர்த்தல், காய்கறித் தோட்டங்களில் வேலை செய்தல்; சிறு வணிகச் செயல்பாடுகளில் ஈடுபடுதல்; மற்றும் சுற்றுலாப் பயணிகளுக்குக் கடல் உணவுகள் தயாரித்தல் போன்றவையாகும்.

புலம்பெயரும் பறவைகள் ஆயிரக் கணக்கில் இங்கு வருவதால்; அதைப் பார்க்க மலேசியர்களும் வெளிநாட்டவரும் அதிகமாய் வருகை தருகின்றனர். அதுவே சுற்றுலா வளர்ச்சிக்கான வாய்ப்புகளையும் வழங்குகிறது.

மேலும் காண்க

• மூவார்
• பஞ்சூர்
• புக்கிட் பக்ரி
• பாரிட் சூலோங்

வெளி இணைப்புகள்

• பொதுவகத்தில் Bukit Bakri தொடர்பாக ஊடகக் கோப்புகள் உள்ளன.

‎