நிஷா அயூப்
| நிஷா அயூப் | |
|---|---|
.jpg) நிஷா அயூப் வாஷிங்டன் டி.சி.யில் 2016 சர்வதேச வீதீரப் பெண் விருதைப் பெற்றார். | |
| பிறப்பு | ஏப்ரல் 5, 1979 மலாக்கா, மலேசியா |
| தேசியம் | மலேசியன் |
| பணி | செயற்பாட்டாளார் |
| அறியப்படுவது | திருநங்கைகள் உரிமைகள் வாதிடுதல் |
நிஷா அயூப் (Nisha Ayub) (பிறப்பு: ஏப்ரல் 5, 1979) இவர் ஒரு மலேசிய திருநங்கைகளின் உரிமை ஆர்வலர் ஆவார். அயூப் சமூகம் நடத்தும் "சீட்" என்ற அறக்கட்டளை மற்றும் திருநங்கைகளின் அடிமட்ட பிரச்சாரமான ஜஸ்டிஸ் ஃபார் சிஸ்டர்ஸ் என்ற நிறுவனத்தின் இணை நிறுவனரும் ஆவார் [1] இவருக்கு 2016ஆம் ஆண்டில் மதிப்புமிக்க சர்வதேச வீரதீரப் பெண் விருது வழங்கப்பட்டது. [2]
ஆரம்ப கால வாழ்க்கை[தொகு]
நிஷா அயூப் 1979 ஏப்ரல் 5, அன்று மலேசியாவின் மலாக்காவில் பிறந்தார். இவர் கலப்பு தாய்வழி இந்திய, இலங்கை மற்றும் தந்தைவழி மலாய் வம்சாவளியைச் சேர்ந்தவர். [3] நிஷா ஒரு குழந்தையாக இருந்தபோது பாலிவுட் பாடல்களுக்கு நடனமாடும்போது “செலெண்டாங்” (சால்வை) அணிந்திருந்தார். நிஷா தனது ஆறு வயதில் தனது தந்தை இறந்த பிறகு இவரது தாயாரால் கிறிஸ்தவ குடும்பத்தால் வளர்க்க அனுப்பப்பட்டார். இவரது தாயார் ஒரு முஸ்லீமாக மதமாற்றம் செய்து கொண்டவர் ஆவார். ஒன்பது வயதில், நிஷா ஒரு ஆடம்பரமான ஆடை போட்டியில், கருப்பு ஆடை மற்றும் விக் அணிந்த நடன கலைஞராக பங்கேற்றார். அந்த நேரத்தில், அதுவே உண்மையான நிஷா என்று தன்னை உணர்ந்தார்.
சுயசரிதை[தொகு]
ஒரு திருநங்கை பெண்ணாக, இஸ்லாமிய ஷரியா சட்டங்கள் அமல்படுத்தப்படும் இடத்தில் சட்ட அமலாக்கத்தை நிஷா எதிர்கொண்டார். ஷரியா (இஸ்லாமிய சட்டம்) விதியின் கீழ் ஒரு ஆண் நபர் ஆடை அணிவது அல்லது ஒரு பெண்ணைப் போல நடந்துகொள்வது மற்றும் அந்த வகையில் பொதுவில் தோன்றுவது தடைசெய்யப்பட்டுள்ளது. இதை மீறினால் 1,000 ரிங்கிட் அபராதம் (தோராயமாக 257 அமெரிக்க டாலர்) மற்றும் ஆறு மாதங்கள் முதல் ஒரு வருடம் வரை சிறைத்தண்டனை விதிக்கப்படும். ஷரியா சட்டம் மாநில இஸ்லாமிய மதத் துறைகளால் செயல்படுத்தப்படுகிறது. இந்த சட்டத்தின் கீழ், அயுப் 2000இல் மூன்று மாதங்கள் சிறையில் அடைக்கப்பட்டார். [4] [5] நிஷா ஒரு ஆண் சிறையில் அடைக்கப்பட்ட நிலையில், வார்டனும் பிற கைதிகளும் அவளை பாலியல் வன்கொடுமை செய்தனர். சிறையில் இருந்த நேரத்தைப் பற்றி அயூப் கூறினார்: "எல்லோருக்கும் முன்னால் நிர்வாணமாக இருக்கும்படி அவர்கள் என்னிடம் கேட்டார்கள். அவர்கள் என்னை கேலி செய்தார்கள், ஏனென்றால் ஆண்களும் பெண்களும் என்னவாக இருக்க வேண்டும் என்பதற்கு என் உடல் ஒத்துப்போகவில்லை. ” [6]
அயூப், அரசு சாரா நிறுவனங்கள் மூலம், மக்களுக்கு ஆலோசனை வழங்குகிறார். தொழில்முறை வாழ்க்கையை வளர்ப்பதற்கான பயிற்சியை வழங்குகிறார். அவர்களின் உடல்நலம் மற்றும் பொதுநல பிரச்சினைகளை நிவர்த்தி செய்கிறார். மற்றும் அவர்களுக்கு சட்ட ஆதரவை வழங்குகிறார்.
ஆளுமை[தொகு]
நிஷா அயூப், மனித உரிமைகள் கண்காணிப்பகத்தின் அசாதாரண செயல்பாட்டிற்கான அலிசன் டெஸ் ஃபோர்ஜஸ் விருதை 2015 இல் பெற்றார். மக்கள் பாதிக்கப்படாமல் நிம்மதியாக வாழ்வதற்கும், மக்கள் நலனுக்கு தீங்கு விளைவிக்கும் மற்றும் ஒடுக்கப்படும் மலேசிய சட்டங்களை எதிர்க்கும் அவரது தைரியமான நடவடிக்கைக்காக இது வழங்கப்பட்டது. [4] இவர் 2016ஆம் ஆண்டில் சர்வதேச வீரதீரப் பெண் விருதையும் பெற்றார். அந்த விருதைப் பெற்ற முதல் வெளிப்படையான திருநங்கை பெண் என்ற பெருமையைப் பெற்றார். [2]
2016ஆம் ஆண்டில், அமெரிக்க நகரமான சான் டியாகோ ஏப்ரல் 5 ஐ நிஷா அயூப் தினமாக அறிவித்தது. பிரகடனத்தில், சான் டியாகோ நகரத் தந்தை கெவின் எல். பால்கனர் இவ்வாறு கூறினார்: "நிஷா அயூப் தனது நாட்டிலும் அதன் எல்லைகளுக்கு அப்பாலும் உள்ள அனைத்து மக்களின் சமத்துவம் மற்றும் பாதுகாப்பிற்காக தொடர்ந்து போராடுகிறார்." [7]
2018ஆம் ஆண்டில், மலேசியாவின் புத்ரா பல்கலைக்கழக வேளாண் பீடத்தின் மூத்த விரிவுரையாளர், லீனா வோங், கலிபோர்னியா மாநில பல்கலைக்கழகத்தின் லாஸ் ஏஞ்சல்ஸைச் சேர்ந்த முன்னணி ஆய்வு எழுத்தாளர் பேட்ரிக் க்ரூக் உடன் இணைந்து, கடற்பாசி என்று தன்னை மறைத்துக்கொள்ளும் ஒரு புதிய வகை கடல் ஸ்லியைக் கண்டுபிடித்தார். மேலும் அது உறுதிப்படுத்தப்பட்டதும் உண்மையில் ஒரு புதிய இனம், அதற்கு நிஷாவுக்குப் பிறகு சாகோபுரோட்டியஸ் நிஷே என்று பெயரிடப்பட்டது. [8] கடற்பாசி [9] க்குப் பிறகு தன்னை மறைத்துக்கொள்ளும் திறன் காரணமாக கடல் ஸ்லக் என்று பெயரிடப்பட்டது [10] "இது ஒரு விலங்கு ஒரு தாவரமாக தோற்றமளிக்கும் சிறந்த எடுத்துக்காட்டு" என்று அழைக்கப்பட்டது.
2019ஆம் ஆண்டில், பிரித்தன் ஒலிபரப்புக் கூட்டுத்தாபனத்தின் (பிபிசி)2019 ஆண்டின் 100 பெண்கள் பட்டியலில் இடம் பெற்ற ஒரே மலேசியரானார் நிஷா. உள்ளூர் திருநங்கைகளுக்கு உதவுவதில் இவர் செய்த பணிக்காக பிபிசியால் அங்கீகரிக்கப்பட்டார். [11]
குறிப்புகள்[தொகு]
- ↑ "Nisha Ayub's tough fight for transgender rights is ongoing". The Star Online. Archived from the original on 2018-12-01. பார்க்கப்பட்ட நாள் 2020-04-01.
- ↑ 2.0 2.1 "Malaysian activist Nisha Ayub is first man to win US Women of Courage award". Asian Correspondent. April 22, 2016. Archived from the original on மே 9, 2016. பார்க்கப்பட்ட நாள் ஏப்ரல் 1, 2020.
{{cite web}}: Check date values in:|access-date=(help) - ↑ "10 things about: Nisha Ayub, transgender activist". Malay Mail Online. April 24, 2016. Archived from the original on April 24, 2016.
- ↑ 4.0 4.1 "Nisha Ayub, Malaysia". Human Rights Watch. August 10, 2015. பார்க்கப்பட்ட நாள் March 21, 2016.
- ↑ "Malaysian transgender women take their fight to court" (PDF). Gender Identitywatch. May 2015. Archived from the original (pdf) on டிசம்பர் 31, 2014. பார்க்கப்பட்ட நாள் March 21, 2016.
{{cite web}}: Check date values in:|archive-date=(help) - ↑ Stewart, Colin (January 29, 2015). "Video: Malaysian prison turned her into a trans activist". 76 Crimes. பார்க்கப்பட்ட நாள் March 21, 2016.
- ↑ "April 5 is 'Nisha Ayub Day' in San Diego". The Malay Mail. April 6, 2016.
- ↑ "Malaysian discovers sea slug species, names it after Nisha Ayub (VIDEO) | Malay Mail" (in en). https://www.malaymail.com/s/1699724/malaysian-discovers-sea-slug-species-names-it-after-nisha-ayub-video.
- ↑ "Stunning new sea slug species look just like seaweed". https://www.nationalgeographic.com/animals/2018/10/news-sea-slugs-mimicry-algae-camouflage/.
- ↑ "Stunning new sea slug species look just like seaweed". https://www.nationalgeographic.com/animals/2018/10/news-sea-slugs-mimicry-algae-camouflage/.
- ↑ "Win for trans community: Malaysian activist Nisha Ayub on BBC 100 Women of 2019 list". https://www.malaymail.com/news/life/2019/10/16/win-for-trans-community-malaysian-activist-nisha-ayub-on-bbc-100-women-of-2/1800823.
வெளி இணைப்புகள்[தொகு]
- Justice for Sisters official website
- The SEED Foundation Official Website பரணிடப்பட்டது 2020-05-02 at the வந்தவழி இயந்திரம்