ஜிம் மோரிசன்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஜிம் மோரிசன்

Performing with The Doors
பின்னணித் தகவல்கள்
இயற் பெயர் ஜேம்ஸ் டக்ளஸ் மோரிசன்
பிறப்பு திசம்பர் 8, 1943(1943-12-08)


Melbourne, Florida, ஐக்கிய அமெரிக்க நாடுகள்

இறப்பு ஜூலை 3 1971 (அகவை 27)
Paris, France
இசை வகை(கள்) Psychedelic rock, acid rock, blues-rock, hard rock
தொழில்(கள்) இசைக் கலைஞர், பாடலாசிரியர், கவிஞர், திரைப்படத் தயாரிப்பாளர்
குரல் வகை(கள்) Baritone[1]
இசைத்துறையில் 1963—1971
வெளியீடு நிறுவனங்கள் Elektra, Columbia
Associated acts The Doors, Rick & the Ravens
வலைத்தளம் http://www.thedoors.com/

ஜேம்ஸ் டக்லஸ் மோரிசன் (டிசம்பர் 8, 1943 – ஜூலை 3, 1971) ஒரு அமெரிக்க பாடகர், பாடலாசிரியர், கவிஞர், எழுத்தாளர் மற்றும் திரைப்படத் தயாரிப்பாளராவார். அவர் த டோர்ஸ் குழுவின் முதன்மை பாடகர் என்பது பலர் அறிந்த ஒன்றாகும். ராக் இசை வரலாற்றில் மிகச்சிறந்த கவரக்கூடிய முன் வரிசையாளர்களில் ஒருவராகவும் இவர் கருதப்படுகிறார்.[2] இவர் பல கவிதை புத்தகங்களை எழுதிய எழுத்தாளராவார்[2]. இவர் ஒரு ஆவணப்படம் மற்றும் ஒரு குரும் படத்தை இயக்கியிருக்கிறார். மோரிசன் அவரது பாட்டுத்திறமைக்கு பெயர் பெற்றவர் என்றாலும், அவரது விசிறிகள், அறிஞர்கள், பத்திரிகையாளர்கள் அவரது மேடை நடிப்பு, அவரது சுய- பாதிப்பு மற்றும் ஒரு கவிஞராக அவரது வேலையைப் பற்றி ஆலோசித்தனர்.[3] ரோலிங் ஸ்டோனின் “அனைத்து காலத்திலும் இருந்த 100 மிகச் சிறந்த பாடகர்கள்” வரிசையில் 47வது இடத்தில் இவர் இருந்தார்.[4]

ஆரம்ப காலம்[தொகு]

பிற்காலத்தில் ராணுவத் தளபதியாக இருந்த ஜார்ஜ் ஸ்டீபன் மோரிசன் மற்றும் கிளாரா கிளார்க் மோரிசன் ஆகியோருக்கு மகனாக மெல்போர்ன், ஃபுளோரிடாவில் மோரிசன் பிறந்தார். மோரிசனுக்கு ஆணி ரோபின் என்ற ஒரு தங்கை உண்டு, இவர் 1947ம் ஆண்டு ஆல்புகெர்க், நியூ மெக்சிகோவில் பிறந்தார். இவருக்கு ஆண்ட்ரூ லீ மோரிசன் என்ற தம்பியும் உண்டு. இவர் லாஸ் ஆல்டோஸ், கலிஃபோர்னியாவில் 1948ம் ஆண்டு பிறந்தார். அவர் ஸ்காட்டிஷ் (ஸ்கார்ட்லாந்து நாட்டினர்), ஐரிஷ் (அயர்லாந்து நாட்டினர்) மற்றும் ஆங்கிலேய வழி வந்தவர்.[5] அவருக்கு I.Q 149 இருந்ததாகக் கருதபடுகிறது.[6][7]

1947ம் ஆண்டு, 4 வயதாக இருக்கும் போது மோரிசன், அமெரிக்காவைச் சேர்ந்த ஒரு குடும்பமே காயம் பட்டு இறந்து போன ஒரு கார் விபத்தை அந்த பாலைவனத்தில் கண்டார். இந்த நிகழ்வைப் பற்றி, அன் அமெரிக்கன் ப்ரேயர் என்ற பாடல் தொகுப்பில் உள்ள “டான்ஸ் ஹைவே” என்ற பாடலிலும் “பீஸ் ஃபிராக்” மற்றும் “கோஸ்ட் சாங்” ஆகிய பாடல்களில் பேசும் வார்த்தைகளாக கூறினார்.

இந்தியர்கள் டான்ஸ் நெடுஞ்சாலையில் இரத்தம் கசிந்து கொண்டு சிதறிக் கிடந்தனர்.
அந்த இளம் குழந்தையின், உடையக் கூடிய முட்டை ஒடு போன்ற மூளையை, ஆவிகள் சூழ்ந்து கொண்டன

இந்த நிகழ்வு தனது வாழ்வில் தன்னை உருவாக்கிய நிகழ்வாக கருதினார். மேலும், அவரது பாடல்கள், கவிதைகள் மற்றும் நேர்காணல்களில் இதைப் பற்றிய குறிப்புகளை பல முறை கூறியுள்ளார். சுவாரஸ்யமான விஷயம் என்னவெனில், அவர் கூறியதைப் போல இந்த நிகழ்வை அவரது குடும்பத்தினரால் நினைவு கூறமுடியவில்லை. மோரிசனின் வாழ்க்கை சரிதமான நோ ஒன் ஹியர் கெட்ஸ் ஔட் அலைவ் என்ற புத்தகத்தில் மோரிசனின் குடும்பம் இந்திய குடியிருப்பு ஒன்றில் ஒரு கார் விபத்தை தாண்டி கார் ஓட்டி சென்றனர் என்றும், அவர் அதற்காக மிக மன வேதனை அடைந்தார் என்றும் குறிக்கப்பட்டுள்ளது. ஆயினும், த டோர்ஸ் குழுவின் மற்ற உறுப்பினர்கள் எழுதிய த டோர்ஸ் என்ற புத்தகத்தில் அந்த நிகழ்வைப் பற்றிய மோரிசனின் நினைவு, அதே நிகழ்வைப் பற்றி அவரது தந்தையின் நினைவை விட வித்தியாசமாக இருப்பதை விவரிக்கிறது. இந்த புத்தகத்தில் அவரது தந்தை கூறியுள்ளதாகக் கூறப்படுவது, “நாங்கள் பல இந்தியர்களை கடந்து சென்றோம். அவன் மீது இது ஒரு தாக்கத்தை ஏற்படுத்தத்தான் செய்தது [இளம் ஜேம்ஸ்]. அந்த அழுது கொண்டிருந்த இந்தியனைப் பற்றி அவன் எப்போதும் நினைத்துக் கொண்டிருந்தான்." மோரிசன் கூறியதான “இந்தியர்கள் நெடுஞ்சாலையில் இரத்தம் கசிந்து இறக்கும் நிலையில் சிதறிக் கிடந்தனர் என்பதற்கு முரணாக உள்ளது. அதே புத்தகத்தில் அவரது சகோதரி கூறுவதாக இருப்பது, “அந்த கதையைக் கூறுவதை அவர் விரும்பினார் மற்றும் அதை மிகைபடுத்தவும் செய்தார். அவர் சாலையின் ஓரத்தில் இறந்து கிடந்த ஒரு இந்தியனை பார்த்ததாகக் கூறுவார், அது உண்மையா என்பது கூட எனக்குத் தெரியாது".

அவரது தந்தை ஐக்கிய அமெரிக்க கடற்படையில் இருந்ததால் அவரது குடும்பம் பல இடங்களுக்கு அடிக்கடி நகர்ந்து கொண்டே இருந்தது. அவர் தனது குழந்தைப் பருவத்தின் ஒரு பகுதியை சான் டியேகோ, காலிஃபோர்னியாவில் கழித்தார். 1958 ஆம் ஆண்டில், மோரிசன் காலிஃபோர்னியாவில் அலமேடாவில் உள்ள அலமேடா உயர்நிலைப் பள்ளியில் படித்தார். எனினும், ஜூன் 1961ம் ஆண்டில் விர்ஜினியாவில், அலெக்சாண்ட்ரியாவில் உள்ள ஜார்ஜ் வாஷிங்டன் உயர்நிலைப் பள்ளியில் (இப்போது ஜார்ஜ் வாஷிங்டன் நடுநிலை பள்ளி) பட்டம் பெற்றார். அவரது தந்தையும் ஃபுளோரிடா, ஜெக்சோன்விலி என்ற இடத்தில் உள்ள மேபோர்ட் கடற்படை தளத்தில் இருந்தார்.

மோரிசன், க்ளியர்வாட்டர், ஃபுளோரிடாவில் உள்ள தனது தந்தை வழி தாத்தா, பாட்டியோடு தங்கச் சென்றார். அங்கு அவர் செயிண்ட். பீட்டர்ஸ்பெர்க் ஜூனியர் கல்லூரியில் வகுப்புகளுக்கு சென்றார். 1962ல் அவர் டல்லாஹாசியில் உள்ள ஃபுளோரிடா மாநில பல்கலைக் கழகத்துக்கு(FSU) மாறினார். அங்கு அவர் பள்ளி தேர்வு படத்தில் தோன்றினார்.[8] FSUவில் இருக்கும் போது, அவர் இடத்தில் நடந்த கால்பந்தாட்ட போட்டியைத் தொடர்ந்து, நடந்த சண்டைக்காக அவர் கைது செய்யப்பட்டார்.[9]

1964ம் ஆண்டு ஜனவரி மாதம் அவர் லாஸ் ஏஞ்சல்ஸ், காலிஃபோர்ணியாவிற்கு சென்றார். அவர் UCLAவின் திரைப்படப் பள்ளியான நுண்கலைக் கல்லூரியின் தியேட்டர் கலைத் துறையில் 1965ம் ஆண்டு இளங்கலை பட்டம் முடித்தார். UCLAவில் படிக்கும் போது அவர் இரண்டு படங்களை எடுத்தார். இந்த படங்களில் முதல் படமான ஃபர்ஸ்ட் லவ் , ஓப்ஸ்க்யூரா என்ற படத்தைப் பற்றிய ஆவணப்படத்தில் தோன்றிய போது பொதுமக்களுக்காக வெளியிடப்பட்டது. இந்த காலங்களில், வெனிஸ் கடல் பகுதியில் வசிக்கும் போது லாஸ் ஏஞ்ஜல்ஸ் ஃபிரீ பிரஸின் எழுத்தாளர்களோடு நண்பரானார். 1971ல் அவர் இறக்கும் வரை த அண்டர்க்ரௌண்ட் செய்தித்தாளை விரும்பினார்.[10]

த டோர்ஸ்[தொகு]

1965ல், UCLAவில் இருந்து பட்டம் பெற்றபின் வெனிஸ் கடற்கரையில் மோரிசன் பொஹீமியன் வாழ்க்கை முறையை மேற்கொண்டார். மோரிசன் மற்றும் அவருடன் UCLAவில் இருந்த மாணவரான ரே மான்சாரக் ஆகியோர் த டோர்ஸ் குழுவின் முதல் இரண்டு உறுப்பினர்களாவர். அதன் பின் விரைவில், டிரம்ஸ் வாசிப்பவரான ஜான் டென்ஸ்மோர் மற்றும் கிடார் கலைஞர் ரோபி க்ரீகர் சேர்ந்து கொண்டனர். டென்ஸ்மோரின் பரிந்துரைப்படி க்ரீகர் திறமையை வெளிக்காட்டி பின்னர் பட்டியலில் சேர்க்கப்பட்டார்.

ஆல்டோஸ் ஹக்ஸ்லீயின் த டோர்ஸ் ஆஃப் பெர்சப்ஷன் (உளக்கோளாறு மருந்துகளை உபயோகித்து எண்ணங்களின் ‘கதவுகளை’ ‘திறப்பது’ என்பதை குறிக்கின்றது) என்பதிலிருந்து த டோர்ஸ் என்ற பெயர் எடுக்கப்பட்டது. ஹக்ஸ்லீ தனது தலைப்பை வில்லியம் பிளேக்கின் த மேரேஜ் ஆஃப் ஹெவன் அண்ட் ஹெல் என்பதில் உள்ள மேற்கோளில் இருந்து எடுத்தார். அதில் “எண்ணங்களின் கதவுகள் சுத்தம் செய்யப்பட்டால் அனைத்தும் இருப்பது போலவே எல்லையில்லாததாக மனிதர்களுக்குத் தோன்றும்” என்று பிளேக் எழுதியிருந்தார்.

குழுவின் பாடலாசிரியராக மோரிசன் அறியப்பட்டாலும், க்ரீகர் கூட பாடல்களுக்கு குறிப்பிடத்தக்க உதவிகளை செய்துள்ளார்.குழுவின் மிகப் பிரபலமான பாடல்களான “லைட் மை ஃபயர்”, “லவ் மீ டூ டைம்ஸ்”, “லவ் ஹர் மேட்லி” மற்றும் “டச் மீ” போன்றவற்றிற்கு பாடல் எழுதி அல்லது எழுதுவதற்கு துணைப்புரிந்துள்ளார்.[11]

ஜூன் 1996ல், வேன் மோரிசனின் குழுவான தெம்மின் ரெஸிடென்சியின் கடைசி வாரத்தில் விஸ்கி ஏ கோ கோவில் மோரிசன் மற்றும் டோர்ஸ் முதல் நிகழ்ச்சியை நடத்தினர்.[12] ஜிம்முடைய மேடைத் திறன் வளர்வதில் வேன் உடைய தாக்கத்தை ஜான் டென்ஸ்மோர் தனது புத்தகமான ரைடர்ஸ் ஆண் த ஸ்ட்ராம் என்பதில் கூறியுள்ளார்: "ஜிம் மோரிசன் பெயரளவிற்கு செய்வதற்கு நிகராக செய்து கொண்டிருந்த மேடை நாடகக் கலை, அவரது பொறுப்பற்ற தன்மை, அவரது அடக்கமாகக் காணப்பட்ட அச்சுறுத்தும் தோற்றம், ராக் இசைக்கு ஏற்றவாறு கவிதையை மாற்றும் அவரது திறன், வாத்திய இடைவெளிகளில் பேஸ் டிரம்மிற்கு பின்னால் ஒளிந்து கொள்ளும் அவரது பழக்கம் இருந்து விரைவாக அவர் பாடம் கற்றுக்கொண்டார்."[13] கடைசி இரவில், இரண்டு மோரிசன்களும் மற்றும் இரண்டு குழுக்களும் “குளோரியாவில்" இணைந்தனர்.[14][15][16]

1967ல் எலக்ட்ரா ரெக்கார்ட்ஸோடு கையெழுத்திட்ட பின் த டோர்ஸ் தேசிய அங்கீகாரம் பெற்றது.[17] “லைட் மை ஃபயர்” என்ற தனிப்பாடல் பில்போர்டு பாப் சிங்கிள்ஸ் பட்டியலில் முதல் இடத்தைப் பிடித்தது.[18] பின்னர், த பீடில்ஸ் மற்றும் இளம், துறுதுறுப்பான எல்விஸ் பிரஸ்லி ஆகியோரை உலகிற்கு அறிமுகப்படுத்திய ஞாயிறு இரவு பல்சுவை நிகழ்ச்சியான த எட் சுலிவான் நிகழ்ச்சியி ல் த டோர்ஸ் தோன்றியது. எட் சுலிவான் தனது நிகழ்ச்சியில் த டோர்ஸிடம் இரண்டு பாடல்களை வேண்டினார், “பீபிள் ஆர் ஸ்ட்ரேஞ்ச்”, மற்றும் “லைட் மை ஃபயர்”. தணிக்கைக் குழு “லைட் மை ஃபயரில்” உள்ள வரியான “கேர்ள் வி குடிண்ட் கெட் ஹையர்” என்பதை “கேர்ள் வி குடிண்ட் கெட் பெட்டர்” என்று மாற்ற கூறினர். அசல் வரியில் போதை மருந்தைக் குறிப்பதாக இருந்தது இதற்குக் காரணமானது என்று எண்ணப்பட்டது. சுலிவானிடம் அதை ஒத்துக்கொள்வதாக வாக்களித்த பின், மோரிசன் தொடர்ந்து அந்த பாடலை அசல் வரிகளோடு பாடினார். பின்னர் அவர் மாற்றத்தை செய்ய தான் மறந்துவிட்டதாக மட்டும் கூறினார். இது சுலிவானை மிகவும் ஆத்திரம் அடைய செய்தது, நிகழ்ச்சிக்குப் பின் அவரோடு கை கொடுக்க மறுத்துவிட்டார். அவர்கள் மறுபடியும் அழைக்கப்படவே இல்லை.[19]

1967ல், மோரிசன் மற்றும் த டோர்ஸ் “பிரேக் ஆண் த்ரூ(மற்ற பக்கத்திற்கு)விற்காக" ஒரு விளம்பரப்படத்தை தயாரித்தனர், இதுவே அவர்களின் முதல் ஒற்றை வெளியீடாகும். இதன் படத்தில், குழுவின் நான்கு உறுப்பினர்கள் ஒரு இருட்டாக்கப்பட்ட இடத்தில் பாடல்களை வாசிப்பது போன்றும், வாசிப்பவர்களின் முகத்தை அருகில் காட்டப்பட்டது, மோரிசன் வரிகளுக்கு ஏற்றவாறு வாய் அசைத்தார். “த அண்நோன் சோல்ஜர்”, “மூன்லைட் டிரைவ்” மற்றும் “பீப்பிள் ஆர் ஸ்ட்ரேஞ்ச்” உள்ளிட்ட பல இசை படங்களை தொடர்ந்து மோரிசன் மற்றும் த டோர்ஸ் செய்தனர்.

தங்களது இரண்டாவது இசைத் தொகுப்பான ஸ்ட்ரேஞ்ச் டேஸ் வெளியான பிறகு, த டோர்ஸ் ஐக்கிய அமெரிக்காவின் மிக பிரபலமான ராக் இசைக் குழுவானது. “அலபாமா பாடலின்” மறக்க முடியாத பாடிய விதம், பெர்டோல்ட் ப்ரெட் மற்றும் கர்ட் வீலின் ஒபரேட்டாவில் இருந்து, ரைஸ் அண்ட் ஃபால் ஆஃப் த சிடி ஆஃப் மஹகோனி போன்ற பல அசல் பாடல்கள் மற்றும் வித்தியாசமான வெளிஉரை வடிவங்கள் ஆகியவை சிறிதளவு சைக்கிடெலியா சேர்த்த புளூஸ் மற்றும் ராக் கலவையில் இவர்கள் உருவாக்கியதாகும். “த எண்ட்”, “வெண் த ம்யூசிக்ஸ் ஓவர்”, மற்றும் “செலிப்ரேஷன் ஆஃப் த லிசர்ட்” போன்ற பாடல்கள் உள்ளிட்ட பல விரிவாக்கப்பட்ட பொருள் வேலைகளையும் இந்த இசைக் குழு செய்தது.

1967ல், “இளம் சிங்கம் (த யங் லயன்) என்ற பெயரில் செய்யப்பட்ட புகைப்பட நேரத்தில் புகைப்படக் கலைஞர் ஜோயல் ப்ரோட்ஸ்கி மோரிசனின் பல வகையான கருப்பு வெள்ளை படங்களை எடுத்தார். இந்த புகைப்படங்கள் ஜிம் மோரிசனின் மிக முக்கியமான படங்களாகக் கருதப்படுகிறது மற்றும் இந்த புகைப்படங்கள் த டோர்ஸ் மற்றும் மோரிசனைப் பற்றிய தொகுப்பு வெளியீடுகள், புத்தகங்கள் மற்றும் மற்ற நினைவுச் சின்னங்களில் பல முறை உபயோகப்படுத்தப்படுகிறது.[20]

1968ல், த டோர்ஸ் தங்களது மூன்றாவது படப்பிடிப்பு கூடமான LP, வைட்டிங் ஃபார் த சன் வெளியிட்டனர். அவர்களது நான்காவது LP, த சாஃப்ட் பரேட் 1969ல் வெளியிடப்பட்டது. பாடல்கள் எழுதிய ஒவ்வொரு குழு உறுபினர்களின் பெயர்களும் உட்புற உரையில் அச்சிடப்பட்ட முதல் இசைத் தொகுப்பு இது தான்.

இதன் பின்னர், பதிசு நேரங்களுக்கு சரியான மனநிலையில்லாமல் மோரிசன் வரத் தொடங்கினார். நேரடி நிகழ்ச்சிகளுக்கு அவர் தாமதமாக வரத் தொடங்கினார். இதன் விளைவாக, குழு வாத்திய இசையை வாசித்தது அல்லது மான்சரக்கை பாடல் பாடும் வேலை செய்ய வற்புறுத்தியது.

1969ல், ஒல்லியாக இருந்த பாடகர் எடை கூடினார், தாடி வளர்த்தார் மற்றும் மிகவும் சாதாரணமாக உடை அணிந்தார். தோல் காலுறை மற்றும் கான்சோ பட்டிகளுக்கு பதிலாக, அரைக் கை சட்டைகள், ஜீன்ஸ், டி-சட்டைகள் ஆகியவற்றை அணியத் தொடங்கினார்.

1969ல் மியாமியில் உள்ள த டின்னர் கீ காட்சியகத்தில் நடந்த இசை நிகழ்ச்சியின் போது மோரிசன் பார்வையாளர்கள் இடையே ஒரு போராட்டத்தை உருவாக்க முயன்றார். அவரால் அது முடியவில்லை. ஆனால் தரக்குறைவாக வெளிக்காட்டுதல் என்பதற்காக டேட் மாகாண காவல் துறை அவருக்கு கைது ஆணை பிறப்பித்தது. இதன் தொடர்ச்சியாக, திட்டமிடப்பட்ட பல த டோர்ஸின் இசை நிகழ்ச்சி ரத்து செய்யப்பட்டது.[21] இந்த நிகழ்வைத் தொடர்ந்த வருடங்களில், மோரிசன் குற்றச்சாட்டிலிருந்து விடுவிக்கப்பட்டார். 2007ல், ஃபுளோரிடாவின் ஆளுநர் சார்லி க்ரிஸ்ட், மோரிசனுக்கு மரணத்துக்குப் பின் மன்னிப்பு வழங்கும் சாத்தியத்தை பரிந்துரைத்தார்.

த சாஃப்ட் பரேடைத் தொடர்ந்து, த டோர்ஸ் மோரிசன் ஹோட்டல் LP வெளியிட்டது. ஒரு நீண்ட இடைவெளிக்குப் பிறகு குழு மறுபடியும் அக்டோபர் 1970ல் இணைந்து மோரிசனுடனான தங்களது கடைசி LPயான L.A.வுமன் பதிவு செய்தது. அந்த இசைத் தொகுப்பின் பதிவு தொடங்கிய குறுகிய காலத்தில் அனைத்து பதிவுகளையும் மேற்பார்வை இட்ட தயாரிப்பாளர் பால்.எ.ரோட்கிளிட் திட்டத்தை விட்டு வெளியேறினார் பொறியாளர் புரூஸ் போட்னிக் தயாரிப்பாளராக பொறுப்பேற்றார்.

தனி: கவிதை மற்றும் படம்[தொகு]

வளரிளம் பருவத்தில் மோரிசன் எழுதத் தொடங்கினார். கல்லூரியில் அவர் தொடர்புடைய துறைகளான, மேடை நாடகம், திரைப்படம் மற்றும் ஒளிப்பதிவு ஆகியவற்றை படித்தார்.[22]

த லார்ட்ஸ்/நோட்ஸ் ஆன் விஷன் மற்றும் த நியூ கிரீசர்ஸ் என்ற இரண்டு கவிதை பதிப்புகளை 1969ம் ஆண்டு தானே வெளியிட்டார். த லார்ட்ஸில் , முக்கியமாக இடம், மக்கள், நிகழ்வுகள் பற்றிய சிறிய விவரிப்புகள் மற்றும் சினிமாவைப் பற்றிய மோரிசனின் கருத்துகள் ஆகியவை இருந்தன. த நியூ கிரியேசர்ஸின் வரிகள் வடிவத்தில், உணர்வில், வெளித் தோற்றத்தில் கவிதைகளைப் போல் இருந்தன. இந்த இரண்டு புத்தகங்களும் பின்னர் ஒன்றாக ஒரே புத்தகமாக இணைக்கப்பட்டு த லார்ட்ஸ் அண்ட் த நியூ கிரீசர்ஸ் என்ற பெயரில் வெளியிடப்பட்டது. மோரிசனின் வாழ்நாளில் பிரசுரிக்கப்பட்ட எழுத்துகள் இவை மட்டுமே ஆகும்.

நோ ஒன் ஹியர் கெட்ஸ் ஔட் அலைவ் என்ற டேனி சுகர்மேனின் மோரிசன் பற்றிய வாழ்க்கை சரித புத்தகத்திற்கு முதலெண்ணங்கள் எழுதிய பீட் கவிஞர் மைக்கேல் மெக்ல்யூரோடு மோரிசன் நண்பரானார். மெக்ல்யூர் மற்றும் மோரிசன் பல எடுக்கப்படாத படங்களுக்காக ஒன்று சேர்ந்ததாகக் கூறப்படுகிறது. இதில் மெக்ல்யூரின் பிரபலமான த பியர்ட் என்ற நாடகத்தின் திரைப்பட வடிவமும் அடங்கும். இது நடந்திருந்தால் மோரிசன் இதில் பில்லி த கிட் ஆக நடித்திருப்பார்.[23]

அவர் இறந்த பிறகு, மோரிசனின் கவிதைகள் கொண்ட இரண்டு புத்தகங்கள் வெளியிடப்பட்டது. அவரது கவிதைகளின் உரிமையை வைத்திருந்த காதலி பேமிலா கர்சனின் பெற்றோர், புகைப்படக் கலைஞர் ஃப்ரேங்க் லிசியாண்ட்ரோ ஆகியோரால் இந்த புத்தகத்தின் பொருளடக்கம் தேர்வு செய்யப்பட்டு சரியான அடுக்குகளில் வைக்கப்பட்டது. த லாஸ்ட் ரைட்டிங் ஆஃப் ஜிம் மோரிசன் முதல் தொகுப்பு, வைல்டர்னஸ் என்று பெயரிடப்பட்டது. இது 1988ம் ஆண்டு வெளியிடப்பட்ட உடனேயே நியூயார்க் டைம்ஸின் அதிக விற்பனையான புத்தகம் என்ற பெயரை பெற்றது. 1990ல் வெளியிடப்பட்ட த அமெரிக்கன் நைட், தொகுப்பு 2 என்பதும் நல்ல வெற்றியைப் பெற்றது.

மோரிசன் இரண்டு தனித்தனி நேரங்களில் ஒரு தொழிற்முறை சார்ந்த இசை ஒலிப்பதிவு கூடத்தில் தனது சொந்த கவிதையை பதிவு செய்தார். முதல் முறை மார்ச் 1969ல் லாஸ் ஏஞ்சல்ஸிலும் மற்றும் இரண்டாவது முறை 1970 ஆம் ஆண்டு டிசம்பர் 8ம் தேதி. இரண்டாவது பதிவு நேரத்திற்கு மோரிசனின் பல தனிப்பட்ட நண்பர்கள் வந்திருந்தனர் மற்றும் அதில் பல மாதிரி பாடல்களும் இடம் பெற்றன. இந்த 1969 நேரத்தின் சில பகுதிகள் பூட்லெக் இசைத்தொகுப்பான த லாஸ்ட் பேரிஸ் டேப்ஸுக்கு கொடுக்கப்பட்டது. பின்னர் இவை 1978ல் வெளியான த டோர்ஸின் அன் அமெரிக்கன் ப்ரேயர் ஆல்பத்திலும் உபயோகிக்கப்பட்டது. இசை பட்டியலில் இந்த இசைத் தொகுப்பு 54வது இடத்தை அடைந்தது. டிசம்பர் 1970லிருந்து பதிவு செய்யப்பட்ட கவிதை இந்த நாள் வரை வெளிவராமல் உள்ளது. இது கோர்சன் குடும்பத்தாரிடம் உள்ளது.

மோரிசனின் சிறந்த ஆனால் காணப்படாத திரைப்பட முயற்சி HWY:அன் அமெரிக்கன் பாஸ்டோரல் , 1969 ஆம் ஆண்டில் தொடங்கப்பட்ட திட்டமாகும். மோரிசன் இந்த திட்டத்துக்கு பண உதவி செய்தார் மற்றும் திட்டத்தின் முழு கட்டுப்பாட்டையும் வைத்திருக்க சொந்தமாக ஒரு தயாரிப்பு நிறுவனத்தையும் தொடங்கினார். திட்டத்திற்கு உதவியாக பால் ஃபெரேரா, ஃப்ரேங்க் லிசியாண்ட்ரோ மற்றும் பேப் ஹில் ஆகியோர் இருந்தனர். மோரிசன் முக்கிய கதாபாத்திரத்தில் நடித்தார், கொலைகாரன்/கார் திருடனாக மாறும் இரவுப்பயணியாக நடித்தார். இந்த படத்திற்காக ஒலிப்பதிவுத்தடத்தை தேர்ந்தெடுக்க தனது நண்பரும் இசையமைப்பாளர்/பியானோ கலைஞர் ஃப்ரெட் மிரோவை கேட்டுக்கொண்டார்.[24][25]

சொந்த வாழ்க்கை[தொகு]

மோரிசனின் குடும்பம்[தொகு]

மோரிசனின் முன்பகுதி வாழ்க்கை ராணுவ குடும்பங்களுக்கேயான நாடோடித் தனமான வாழ்க்கையாக இருந்தது.[26] மோரிசனின் சகோதரர் கூறுவதாக ஜெர்ரி ஹாப்கின்ஸ் பதிவு செய்தது: அவர்களது பெற்றோர்கள் எப்போதும் கடுமையான தண்டனைகளை குழந்தைகளுக்கு அளிக்கக்கூடாது என முடிவு செய்திருந்தனர் என்று கூறினார். இதற்கு மாறாக ஒழுக்கத்தை கற்றுக்கொடுத்தனர் மற்றும் ராணுவ பாரம்பரிய தண்டனையான “டிரஸிங் டவுன்” (கடுமையாக திட்டுதல்) என்பதை அளித்தனர். இது குழந்தைகளிடம் கத்தி அவர்கள் அழுது தங்களது தவறை புரிந்துக்கொள்ளும் வரை கடுமையாக திட்டுவதாகும்.

மோரிசன் UCLAவில் இருந்து பட்டம் பெற்ற பின் தனது பல குடும்பத் தொடர்புகளை தவிர்த்துக் கொண்டார். 1967ல் மோரிசனின் இசை பட்டியல்களின் முதல் இடத்திற்கு சென்ற போது சுமார் ஒரு வருட காலத்திற்கு அவரது குடும்பத்துடன் எந்த தொடர்பும் இல்லாமல் இருந்தார் மற்றும் தனது பெற்றோர் மற்றும் உறவினர்கள் இறந்துவிட்டதாகக் கூறினார் (அவர் தான் ஒரே குழந்தை என்று கூறியதாக அதிகப்படியாக தவறான அறிவிப்பு வெளியிடப்பட்டிருந்தது). த டோர்ஸின் சொந்த பெயரிலேயே வெளியிடப்பட்ட இசைத் தொகுப்போடு விநியோகிக்கப்பட்ட பொருட்களில் இந்த தவறான தகவலும் பிரசுரிக்கப்பட்டது.

ஃபுளோரிடாவின் தகுதி காண் மற்றும் நன்னடத்தை கழகத்தின் மாவட்ட அலுவலகத்திற்கு அக்டோபர் 2, 1970ம் ஆண்டு மோரிசனின் தந்தை எழுதிய கடிதத்தில், மோரிசனின் இசை திறமையை அறிந்துக்கொள்வதில் ஏற்பட்ட வாக்குவாதத்தின் விளைவாக குடும்ப தொடர்புகள் முடிந்து போய்விட்டதாக ஒப்புக்கொண்டுள்ளார். தொடர்பை மறுபடியும் ஏற்படுத்திக்கொள்ள முயற்சிக்காததற்கு தனது மகனை குறை கூற தன்னால் முடியாது என்றும் எதுவாயினும் தனது மகனை நினைத்து பெருமைப்படுவதாகவும் கூறியுள்ளார்.[27]

அவருடைய வாழ்க்கையில் பெண்[தொகு]

மோரிசன் அவருடைய நீண்டகாலத் துணைவி[28] பமீலா கோர்சனை சந்தித்தார், புகழ் அல்லது நற்பேறு[29] பெறுவதற்கு முன்பே இந்த சந்திப்பு நடந்தது, மேலும் கோர்சன் மோரிசனின் கவிதைகளை வெளிக்கொணர்வதற்கு அவரை ஊக்கப்படுத்தினார். அச்சமயம், அவரது வெளிப்படையான அனுமதி அல்லது மிகவும் குறைவான அக்கறையுடன், கோர்சன் "மோரிசன்" என்ற துணைப்பெயரை பயன்படுத்தினார். 1974 இல் கோர்சன் இறந்த பிறகு, கலிபோர்னியாவின் உயிலை மெய்பிக்கும் நீதிமன்றம், பொதுச்சட்டத் திருமணமாக வரம்புடையது தான் என கோர்சன் மற்றும் மோரிசனைப் பற்றித் தீர்மானித்தது ("நிலவுடைமை சச்சரவின்" கீழ் பார்க்க).

கோர்சன் மற்றும் மோரிசனின் உறவுமுறையானது, அடிக்கடி நிகழ்ந்த உரத்த வாதங்கள் மற்றும் பிரிவினையின் காலங்களுடன் பிரச்சினை நிறைந்ததாக இருந்தது. வரலாற்று ஆசிரியர் டேனி சுகர்மன் அனுமானிக்கையில், ஒரு திறந்த உறவுமுறைக்கு அவர்களது ஈடுபாடுகள் மற்றும் அதைப் போன்ற உறவுமுறையில் வாழ்வதில் ஏற்பட்ட விளைவுகளுக்கு இடையே ஆன சண்டையில் இருந்து பிரிவினை ஏற்பட்டதும் அவர்களது கஷ்டங்களின் பகுதியாக இருக்கலாம் என அனுமானிக்கிறார்.

1970 இல், ஒரு செலிட்டிக் புறசமயத்தார் திருமண உறுதிப்பாட்டு சடங்கில், ராக் விமர்சகர் மற்றும் அறிவியல் புனையக்கதை/விசித்திரமான கதையாசிரியர் பேட்ரிசியா கென்னலியுடன் மோரிசன் கலந்துகொண்டார். திருட்சபை மூப்பர் ஆட்சிமுறை ஆதரவாளரான மதகுருவும்[30] ஒருவராக சாட்சியங்களுக்கு முன்பு, அந்தத் தம்பதியின் தங்களுக்கு திருமணமானதாக ஆவணங்களில் கையெழுத்திட்டனர்;[31] எனினும், ஒரு சட்டரீதியான திருமணத்திற்கான எந்த நிலையும் காகிதப்படி வேலைகளில் பதிவு செய்யப்படவில்லை. மோரிசனுடன் கென்னெலிக்கு இருந்த அனுபவத்தை தனது சுயசரிதையான ஸ்ட்ரேன்ஞ் டேஸ்: மை லைப் வித் அண்ட் வித்அவுட் ஜிம் மோரிசன் இல் அவர் கருத்துரைத்துள்ளார், மேலும் ராக் வைவ்ஸ் புத்தகத்தின் நேர்காணலையும் கலந்துரைத்துள்ளார்.

மோரிசன் அவரது ரசிகர்களுடன் தொடர்பு வைத்திருப்பதை வாடிக்கையாய் கொண்டிருந்தார், மேலும் த வெல்வெட் அண்டர்கிரவுண்டுடன் தொடர்புள்ள பாடகியான நிக்கோ, ஜெப்பர்சன் ஏர்ப்ளேனின் பாடகியான கிரேஸ் ஸ்லிக்குடன் ஒரு இரவு நிலை, 16 மேகஸினின் தலைமைப் பதிப்பாசிரியரான குளோரியா ஸ்டேவெர்ஸுடன் மீண்டும் மீண்டும் கொண்டிருந்த உறவுமுறை மற்றும் ஜேனிஸ் ஜோப்லின் உடன் ஆல்கஹாகால்-அருந்திவிட்டு சண்டையிட்டதாக ஒரு குற்றச்சாட்டு உள்ளிட்ட பிரபலங்களாக இருக்கும் பெண்களுடன் ஏராளமான சுருக்கமான தொடர்புகளும் கொண்டிருந்தார். ஜூடி ஹட்லெஸ்டோன், மோரிசனுடன் தான் கொண்டிருந்த உறவுமுறையை லிவ்விங் அண்ட் டையிங் வித் ஜிம் மோரிசனில் நினைவுபடுத்தியுள்ளார். அவர் இறக்கும் தருவாயில், அவர் மேல் 20க்கும் அதிகமான தந்தைமை செயல்பாடுகள் நிலுவையில் இருந்ததாக தகவல் தெரிவிக்கின்றன, எனினும் புகழ்பெற்ற தந்தைமை உரிமைக் கோருபவர்கள் எவர் மூலமும் அவரது நிலவுடைமைக்கு எதிராக எந்த ஒரு உரிமைகளும் வலியுறுத்தப்படவில்லை, மேலும் மோரிசனின் மகன் என பகிங்கரமான உரிமைக் கோரிய ஒரே ஒரு நபர், மோசடியாளர் என அடையாளம் காணப்பட்டார்.

இறப்பு[தொகு]

மார்ச் 1971 இல், மோரிசன் பாரிசுக்கு சென்றார், அங்கு ஒரு வாடகைக் குடியிருப்பை எடுத்துக்கொண்டு, அந்நகரம்[32] முழுவது ஒரு நீண்ட நடைகளை மேற்கொண்டு, அந்நகரத்தின் கட்டடக்கலையை வியந்து பாராட்டினார். அச்சமயத்தில், மோரிசன் தாடி வளர்த்திருந்தார்,[33] மேலும் அனைத்து காரணக்கூறுகள் மூலமாகவும் தாழ்த்தப்பட்டிருந்தவர், US திரும்ப வேண்டும் எனத் திட்டமிட்டிருந்தார்.

மோரிசன் அவரது கடைசி பதிவை இரண்டு அமெரிக்கத் தெரு இசைக்கலைஞர்கலுடன் கொண்டிருந்தார், இது பாரிசில் நடந்தது —"குடிபோதையில் பொருளற்று பேசியதால்" அப்பருவம் மனசரெக்கால் நீக்கப்பட்டது.[34] த லாஸ்ட் பேரிஸ் டேப்ஸ் ஸின் கருப்புச்சந்தையின் கேட்கப்படும் "ஆரன்ஞ் கண்ட்ரி சூட்" என்ற வளர்ச்சியில் இருக்கும் பாடலின் பதிப்பை அப்பருவம் உள்ளடக்கியிருந்தது.

July 3, 1971 இல் மோரிசன் இறந்தார். பாரிஸ் குடியிருப்பு குளிக்கும் தொட்டியில் கோர்சன் மூலமாக அவர் இறந்தது கண்டிபிடிக்கப்பட்டது, அதுவே அவர் இறந்ததற்கான அதிகாரப்பூர்வ தினமாகக் கணக்கிடப்பட்டது. ஃப்ரென்ச் விதிக்கு பின்பற்றுகையில், இவருக்கு பிரேத பரிசோதனை எதுவும் நடத்தப்படவில்லை, ஏனெனில் மருத்துவ ஆய்வாளர் பிழையாட்டத்தின் எந்த அடையாளமும் தென்படவில்லை என அறிக்கையில் கூறியிருந்தார். அதிகாரப்பூர்வமாக பிரேதப் பரிசோதனை நடத்தப்படாதது மோரிசனின் இறப்புக்காணக் காரணம் பற்றி பல கேள்விகளை எழுப்பியது.

சுகர்மனின் ஊகத்தைப் பொறுத்து, அவரது எதிர்பாராத இறப்பை கோர்சன் சந்தித்து U.S. திரும்பிய பிறகு, வொண்டர்லேண்ட் அவென்யூ வில் டேனி சுகர்மன் கோரிசனிடம் இது பற்றி ஆலோசித்திருக்கிறார், மோரிசனின் இறப்பைப் பற்றி கோர்சன் தெரிவிக்கையில், மோரிசன் கொக்கைன் என நம்பி, அதிகப்படியான ஹெராயின் எடுத்துக்கொண்டதால், நுரையீரல் ஊதல் ஏற்பட்டு இறந்துள்ளார் எனக் கருத்துத் தெரிவித்துள்ளார். சுகர்மேன் அவரது இறப்பைப்பற்றிக் கூடுதலாகக் கூறுகையில், மோரிசனின் இறப்பைப் பற்றி கோர்சன் முன்னுக்குப்பின் முரணான பல கருத்துக்களை தெரிவித்துள்ளார், அதே நேரத்தில் மோரிசனை கோர்சன் கொலை செய்திருக்கலாம் அல்லது அவரது இறப்புக்கு இவர் காரணமாக இருந்திருக்கலாம். மோரிசன் தற்செயலாக ஹெராயினை எதிர்பாராதவிதமாக அதிகப்படியாக உடலுக்குள் செலுத்தியதாக கூறப்பட்ட கோர்சனின் கதையானது அலைன் ரோனியின் வாக்குமூலம் மூலமாக ஆதரவளிக்கப்பட்டது, ஆனால் கோர்சனின் ஹெராயினால் மூச்செருமி இரத்தக்கசிவு ஏற்பட்டு மோரிசன் இறந்தார், மேலும் அதை கோர்சனும் பார்த்துக்கொண்டிருந்தார், மருத்துவ உதவிக்காக அழைக்காமல் மோரிசன் இறப்பதற்காக இரத்தக்கசிவு ஏற்படுமாறு விட்டுவிட்டார் என அவர் எழுதியிருந்தார்.[35]

ரோனி அவரது பாரிஸ்-மேட்ச் கட்டுரையின் ஒப்புதல் வாக்குமூலத்தில், மோரிசனின் இறப்பின் சூல்நிலையை முழுவதும் தழுவி நிற்பதற்கு அவர் பிறகு உதவினார்.[36] நோ ஒன் ஹியர் கெட்ஸ் அவுட் அலைவின் முடிவுரையில், அந்த இறப்பு காட்சியில் காவல்துறைக்கு பதிலளித்த கோர்சன் பொய் கூறிவிட்டதாகவும், அவரது பதிவிநீக்கத்திற்குப் பிறகு மோரிசன் போதைப் பொருள் எடுத்துக் கொண்டிருக்கவில்லை எனக் கூறியிருந்ததாகவும் ரோனி மற்றும் ஏஜ்னெஸ் வர்டா இருவரும் கூறியதாக, ஹோப்கின்ஸ் மற்றும் சுகர்மன் எழுதினர்.

நோ ஒன் ஹியர் கெட்ஸ் அவுட் அலைவ் வின் முடிவுரையில், ஹோப்கின்ஸ் கூறுகையில், மோரிசன் இறந்து 20 ஆண்டுகளுக்குப் பிறகு ரோனி மற்றும் வர்டா இருவரும் அவர்களது மெளனத்தை உடைத்து அவர்களது கருத்தைக் கூறியுள்ளனர்: மோரிசன் இறந்தவுடன் விரைவிலே அவர்கள் அக்குடியிருப்புக்குச் சென்றதாகவும், பார்களில் இரவு குடித்துவிட்டுப் பிறகு கோர்சனும் மோரிசனும் ஹெராயின் எடுத்துக் கொண்டிருந்தாக அங்கிருந்த கோர்சன் கூறியதாகத் தெரிவித்தனர். மேலும் மோரிசன் மிகவும் மோசமாக இருமியதாகவும், குளிக்கச் சென்று அங்கு இரத்தவாந்தி எடுத்துள்ளார். பின்னர் அவர் குணமடைந்தது போல் தெரிந்ததால், கோர்சன் உறங்கசென்றதாகவும் அவர் கூறியிருக்கிறார். பிறகு சிறிதுநேரத்தில் அவர் எழுந்தபோது, மோரிசன் அசைவற்று இருந்ததால், அவர் மருத்துவ உதவியை நாடியுள்ளார்.

மூன்று ஆண்டுகளுக்குப் பிறகு கோர்சனும் அதிகமான ஹெராயினை உட்கொண்டதால் இறந்தார். மோரிசனைப் போன்றே, கோர்சன் இறந்த போது அவருக்கு வயது 27 ஆகும்.

எனினும், நோ ஒன் ஹியர் கெட்ஸ் அவுட் அலைவ் வின் முடிவுரையில், ஹோப்கின்ஸ் மற்றும் சுகர்மன் மேலும் கூறுகையில், மோரிசனுக்கு ஆஸ்துமா இருந்ததாகவும் சுவாசப் பிரச்சனையில் அவதிப்பட்டதாகவும், கடுமையான இருமலினால் அந்த இரவில் இரத்தம் கக்கி இறந்ததாகவும் கூறினர். இக்கோட்பாடு, த டோர்ஸில் (இசைக்குழுவின் எஞ்சிய உறுப்பினர்களால் எழுதப்பட்டது) அரைகுறையாக ஆதரவளிக்கப்பட்டது, இதில் அவர்கள் கூறுகையில், பாரிசில் அநேகமாய் இரண்டு மாதங்கள் மோரிசன் இறுமி இரத்தம் சிந்தியதாகத் தெரிவித்தனர். எனினும், த டோர்ஸின் உறுப்பினர்களில் எவருமே, மோரிசன் இறந்த மாதங்களுக்கு முன்பு பாரிசில் அவருடன் இருந்திருக்கவில்லை.

நோ ஒன் ஹியர் கெட்ஸ் அவுட் அலைவ் வின் முதல் பார்வை, 1980 இல் வெளியிடப்பட்டது, அதில் மோரிசன் இறக்கவே இல்லை என புரளியுடன் சில சான்றுகளையும் சுகர்மன் மற்றும் ஹோப்கின்ஸ் அளித்தனர், அந்த போலி இறப்புக் கோட்பாடை அழைக்கையில், “இதனை கற்பனை இல்லாத வகையில் பார்க்கப்படலாம்”.[37] இக்கோட்பாடு சில ஆண்டுகளுக்குப் பிறகு, மோரிசன் அன்பு செய்தவர்களுக்கு கடுமையான துன்பத்துக்கு வழிவகுத்தது, குறிப்பிடத்தக்க வகையில் ரசிகர்கள் அவர்களைப் பின் தொடர்ந்தபோது, மோரிசன் இறப்புக்காண ஆதாரங்களைத் தேடிக்கொண்டிருந்தனர்.[38][39] 1995 இல், ஒரு புதிய முடிவுரையானது சுமர்மன் மற்றும் ஹோப்கின்ஸின் புத்தகத்தில் சேர்க்கப்பட்டது, அதில் மோரிசனின் இறப்புப் பற்றி புதிய உண்மைகளைக் கொடுத்து போலி இறப்புக் கதையை குறைத்துக் கொண்டிருந்தனர், அதில் கூறும் போது “காலம் கடந்திருக்கையில், ஜிம் மற்றும் பமீலாவின் [கோர்சனின்] சில நண்பர்கள் அவர்களுக்குத் தெரிந்ததைப் பற்றி பேசத் தொடங்கியுள்ளனர், மேலும் ஜிம்மின் மரணத்திற்கு மறுக்க இயலாத வகையில் அனைத்து காரணங்களையும் கூறிவிட்டனர், ஆனால் ஜிம்மின் இறப்புப் பற்றி நம்பாமல் அதை ஏற்க மறுத்தவர்கள் கண்டிப்பாக இன்னும் எஞ்சியுள்ளனர், மேலும் அவர்கள் அமைதியாக ஓய்வெடுக்க அவருக்கு இடமளிக்க மாட்டார்கள்” எனக் கூறியிருந்தனர்.[40]

பீர்-லச்செய்ஸில் ஜிம் மோரிசனின் சமாதி.

ஜூலை 2007 இல் ஒரு பத்திரிகை நேர்காணலில், மோரிசனின் நெருங்கிய நண்பரென தானாகவே கூறிக்கொண்ட சாம் பெர்னெட் பழைய புரளிகள் மீண்டும் உயிர்பெற்று எழும் வகையில், உண்மையில் பாரிசில் உள்ள லெப்ட் பேங்க்கின் மேலுள்ள ராக் 'அன்' ரோல் சர்கஸ் இரவு விடுதியில் மோரிசன் அதிகாமன ஹெராயின் அருந்தி இறந்ததாகத் தெரிவித்தார். பெர்னெட் மேலும் தெரிவிக்கையில், கோர்சனுக்காக ஹெராயின் வாங்க மோர்சன் இரவு விடுதிக்கு வந்ததாகவும், பிறகு அவர்கள் அதைப் புகட்டிக் கொண்டபின் அவர் குளியலறையில் இறந்ததாகத் தெரிவித்தார். பிறகு ரூ பியூட்ரெல்லிஸ் குடியிருப்பிற்கு மோரிசன் நகர்த்தப்பட்டு, மோரிசன் ஹெராயின் வாங்கிய அதே இரண்டு போதைப் பொருள் விற்பனையாளர்களால் குளிக்கும் தொட்டியில் அமுத்தப்பட்டதாகவும் பெர்னெட் குற்றஞ்சாட்டினார். அந்தப் பிரபலாம இறவு விடுதியின்,[41] மேல் பழிச்சொல்லைத் தடுப்பதற்காக அங்கு மோரிசனைப் பார்த்தவர்கள் இரகசியத்தை பின்பற்றும் படி ஆணையிடப்பட்டதாகவும், அதில் சில சாட்சியாளர்கள் உடனடியாய் நாட்டை விட்டு வெளியேறி விட்டதாகவும் பெர்னெட் தெரிவித்தார். எனினும், மோரிசனின்[42][43] இறப்பைச் சுற்றியுள்ள பழைய புரளிகள் மற்றும் சதித்திட்டக் கோட்பாடுகளின் நீண்ட வரிசை பலவற்றுள் இது புதியதாகும், மேலும் இது ரோனி மற்றும் கோர்சன் கூறியக் கருத்துக்களைக் காட்டிலும் மிகவும் குறைவாகவே சாட்சியாளர்கள் மூலமாக ஆதரிக்கப்பட்டது (மேலே காண்க).[44]


கல்லறை இடம்[தொகு]

கிழக்குப் பாரிசில் உள்ள பெரெ லாசெய்ஸ் கல்லறையில் மோரிசன் புதைக்கப்பட்டார், இது நகரத்தில் சுற்றுலாப்பயணிகள் அதிகமாக பார்க்கும் ஒரு இடமாக உள்ளது. 1973 இல் கல்லறை திருடப்பட்டு, ஃப்ரென்ச் அதிகாரிகள் அதற்கு கவசம் இடும் வரை, அங்கு எந்த அதிகாரப்பூர்வ குறியளவும் இல்லை. 1981 இல், மோரிசனின் 10வது ஆண்டு நினைவு தினத்தில் கல்லறையில் மோரிசன் பெயருடன் புதிய மார்பளவு சிலையானது குரோட்டிய சிற்பியான எம்லேடன் மிக்குலின் என்பவரால் நிறுவப்பட்டது;[45] காலத்தினால் அந்த மார்பளவுச் சிலை சிதைவுற்று இருக்கையில், 1988 இல் கல்லறைத் திருடர்களால் அச்சிலை திருடப்பட்டது.[46] 1990களில், மோரிசனின் தந்தையான ஜார்ஜ் ஸ்டீபன் மோரிசன், அந்தக் கல்லைறையில் சமதளமான கல்லைப் பதித்தார். அந்த கல்லில் ΚΑΤΑ ΤΟΝ ΔΑΙΜΟΝΑ ΕΑΥΤΟΥ என்ற கிரேக்க எழுத்துக்கள் பொறிக்கப்பட்டிருந்தது, இதன் துல்லியமான அர்த்தம் "அவரது சொந்த பரிசுத்த ஆன்மாவைப் பொறுத்து" மற்றும் வழக்கமாக மற்றொரு பொருளாக "அவரது சொந்த ஆன்மாக்கு உண்மையாக" எனப் பொருள் கொள்ளலாம்.[47][48][49] பிறகு மிக்குலின், மோரிசனை சித்திரிக்கும் இரண்டு வெண்கலத்தை உருவாக்கினார், ஆனால் அந்த புதிய சிற்பத்தை கல்லறையில் பதிப்பதற்கு உரிமத்திற்காக காத்துக்கொண்டிருக்கிறார்.

நிலவுடைமைச் சச்சரவு[தொகு]

பிப்ரவரி 12, 1969 இல், லாஸ் ஏஞ்சல்ஸ் கவுண்டியில் தயாரிக்கப்பட்ட மோரிசனின் உயிலில், மோரிசன் (அதில் அவரை ஒரு "திருமணமாகாத நபர்" என விளக்கிக்கொண்டிருந்தார்) எழுதி வைத்திருந் உயிலில் அவரது மொத்த நிலவுடைமையையும் கோரிசனுக்கு எழுதியிருந்தார், மேலும் கோர்சனின் இணை-செயலாளர் மற்றும் மோரிசனின் வழக்கறிஞர் மேக்ஸ் ஃபின்க்கின் பெயரையும் அதில் குறிப்பிட்டிருந்தார்; 1971 இல் மோரிசன் இறந்த பிறகு அவரது அனைத்து சொத்துக்களுக்கும் வாரிசாக கோர்சன் பெற்றார்.

1974 இல் கோர்சன் இறந்த பிறகு, மோரிசனின் நிலவுடைமை பெறும் உரிமைப் பற்றி, மோரிசன் மற்றும் கோர்சன் பெற்றோருக்கு இடையே சண்டை உருவானது. மோரிசன் உயில் எழுதி வைத்து சென்ற பின்னர், இந்தக் கேள்வி சர்ச்சைக்குரியதாகவே இருந்தது. மோரிசனின் இறப்பினால், அவரது சொத்துக்கள் கோர்சனின் உரிமையானது, மேலும் கோர்சனின் இறப்புக்குப் பிறகு அவரது சொத்துக்கள் சட்டப்படி அடுத்த வாரிசான அவரது பெற்றோருக்கு சென்றது. உயில்படி கோர்சனிடம் இருந்த அவர்களது மகனின் சொத்து, வாரிசாக கோர்சனின் பெற்றொருக்குச் செல்வதை எதிர்த்து மோரிசனின் பெற்றோர்கள் போராடினர்.

அவர்களது நிலைமையை ஆதரிப்பதற்கு, கோர்சனின் பெற்றோர்கள் கொலொரொடோவில் அவர் வைத்திருந்த சொத்தின் ஆவணங்களை வழங்கினர், அவரும் மோரிசனும் பொதுநல சட்டப்படி வெளிப்படையாக செய்த திருமண ஒப்பந்தத்தையும் அவர்கள் வழங்கினர். 1896 இல் கலிபோர்னியாவில் பொதுநலச் சட்டத் திருமணம் ஒப்பந்தம் செய்துகொள்ளும் திறன் நீக்கப்பட்டிருந்தது, ஆனால் சட்டங்களின் எதிர்மாறான விதிகளின் நிலையில், அயல்நாட்டு சட்ட அதிகாரங்களில் சட்டரீதியாக பொதுநலச் சட்டத் திருமணங்களின் ஒப்பந்தம் அங்கிகாரம் வழங்கப்பட்டிருந்தது — மேலும் பதினோரு U.S. சட்ட அதிகாரங்களில் ஒன்றான கொலொரொடோ, இன்னும் பொதுநலச் சட்ட திருமணத்தை ஆதரித்து வருகிறது.

கலையாற்றலின் மூலங்கள்[தொகு]

ஒரு கடற்படை சார்ந்த குடும்பமாக இருந்ததால், மோரிசன் அடிக்கடி இடம் மாற வேண்டியிருந்தது. இதன் விளைவாக மோரிசனின் இளவயது படிப்பு, அவர் பள்ளிக்கு பள்ளி மாறுவதை வழக்கமாகக் கொண்டிருந்தால் தகர்க்கப்பட்டது. இருந்தபோதிலும், இலக்கியம், கவிதை, சமயம், தத்துவம் மற்றும் உளவியல் மற்றும் பிறத் துறைகளின் கல்வியில் ஒரு திறமைமிக்க மற்றும் தகுதியுள்ள மாணவராக உறுதிபடுத்திக் கொண்டார்.

வரலாற்று ஆசிரியர்கள், மோரிசனின் சிந்தனை மற்றும் ஒருவேளை, நடத்தையின் ஈர்க்கப்பட்டு ஓவ்வுமையுடன் இருக்கும் பல எழுத்தாளர்கள் மற்றும் தத்துவஞானிகளை குறிப்பிடுகின்றனர். மோரிசன் பதின்வயதினாரக இருந்தபோது, தத்துவஞானி ஃப்ரெட்ரிச் நீசூவின் பணிகளைக் கண்டார். வில்லியம் ப்ளேக், சார்லஸ் பவுடெலியர் மற்றும் ஆர்த்தர் ரிம்பட்டின் கவிதைகளின் மூலம் அவர் ஈர்க்கப்பட்டிருந்தார். ஜேக் கெரூஅக் போன்ற வளர்ச்சியடைந்த தலைமுறை எழுத்தாளர்கள், மோரிசனின் வெளிப்பார்வை மற்றும் வெளிப்படுத்தும் ஒழுக்கமுறை போன்ற வலிமையான செல்வாக்கில் ஈர்க்கப்பட்டிருந்தனர்; கெரூஅக்கின் ஆன் த ரோடில் தனது வாழ்க்கையின் அனுபவத்தை விளக்குவதற்கு மோரிசன் ஆர்வமாக இருந்தார். ஃப்ரென்ச் எழுத்தாளர் லூயிஸ்-ஃபெர்டினண்டு செலினின் வேலைகளையும் அவர் அதே போல் ஈர்க்கப்பட்டிருந்தார். செலின்ஸ் புத்தகம், வோயேஜ் அவு பவுட் டெ ல நியூட் (இரவின் முடிவுக்கு பயணம் ) மற்றும் ப்ளேக்கின் ஆக்ரீஸ் ஆப் இன்னொசன்ஸ் இரண்டும், மோரிசனின் பழைய பாடல்களில் ஒன்றான "எண்ட் ஆப் த நைட்டில்" எதிரொலியாகும். பிறகு மோரிசன், வெற்றிக் கவிஞர் மைக்கேல் மெக்குளரை சந்தித்தார், இருவரும் நண்பர்கள் ஆயினர். மோரிசனின் பாடல்வரிகளை மெக்குலர் ரசித்தார், ஆனால் அதைவிட அதிகமாக அவரது கவிதைகளில் ஈர்க்கப்பட்டு, மென்மேலும் அவரது திறமையை வளர்த்திக்கொள்வதற்கு ஊக்கமளித்தார்.

செயல்திறனின் மோரிசனின் பார்வையானது, 20 ஆம் நூற்றாண்டு ஃப்ரென்ச் நாடக ஆசிரியரான அண்டோனின் ஆர்டடு (தியேட்டர் அண்ட் இட்ஸ் டபிளின் கதையாசிரியர்) மற்றும் ஜூலியன் பெக்கின் லிவ்விங் தியேட்டர் மூலமாக வர்ணம் தீட்டப்பட்டது.

சமயம், உள்ளுணர்வு, பண்டைய தொன்மம் மற்றும் சின்னவாதம் சார்ந்த பிற பணிகளும் இவரது நிலைத்த ஆர்வம் இருந்தது, குறிப்பிடும் வகையில் ஜோசப் கேம்பலின் த ஹீரோ வித் எ தவுசண்ட் பேசஸ் உள்ளது. "நாட் டு டச் த எர்த்" என்ற பாடலின் வரிகள் மற்றும் தலைப்பில் இருந்து எதிரொலிக்கப்பட்ட உத்வேகத்தின் மூலமாக ஜேம்ஸ் ஃப்ரேசரின் த கோல்டன் பவ் மாறியது.

மோரிசன், இயற்கையான அமெரிக்க பண்பாடுகளின் தொன்மங்கள் மற்றும் சயங்களில் குறிப்பாக ஈர்க்கப்பட்டிருந்தார்.[50] அவர் பள்ளியில் பயின்று கொண்டிருந்த போது, அவரது குடும்பம் நியூ மெக்ஸிகோவிற்கு இடம் பெயர்ந்தது, அங்குதான் தென்மேற்கில் உற்பத்தியான பண்பாடுகளின் முக்கியக் கலைப் பொருள்கள் மற்றும் சில இடங்களை அவரால் காணமுடிந்தது. பல்லிகள், பாம்புகள், பாலைவனங்கள் மற்றும் "பண்டைய ஏரிகள்" போன்ற உயிரினங்கள் மற்றும் இடங்களுக்கு பல மேற்கோள்களின் மூலமாக இந்த ஆர்வங்கள் அமைந்தன, இவை அவரது பாடல்கள் மற்றும் கவிதைகளில் தோன்ற இந்த ஆர்வமே காரணமாக அமைந்தது. இயற்கையான அமெரிக்க "ஷாமென்" பயிற்சிகளின் அவரது பொருள் விளக்கம், மோரிசனின் மேடை வேலைமுறையின் ஒரு பகுதியாக இருந்தது, கோஸ்ட் டான்ஸில் அவரது பொருள்விளக்கம் குறிப்பிடத்தக்க வகையில் இருந்தது, மேலும் பின்னால் உருவான அவரது கவிதை ஆல்பத்தில் த கோஸ்ட் சாங் என்ற பாடல் இருந்தது.

செல்வாக்கு[தொகு]

த டோர்ஸ் தொகுப்பானது, உயர்தரமான ராக் ரேடியோ நிலையங்களில் ஒரு நிலையான இடத்தைப் பெற்றதன் மூலம், ராக் வரலாற்றில் மிகவும் பிரபலமான செல்வாக்குமிக்க பாடகர்கள்/எழுத்தாளர்களின் ஒருவராக மோரிசன் எஞ்சியுள்ளார். இன்றுவரை, மோரிசன் முரட்டுத்தனமான, கவர்ச்சியான, கேலியான மற்றும் விசித்திரமான ஒரு தனித்தன்மை வாய்ந்த ராக் நட்சத்திரமாக பரவலாகக் கருதப்படுகிறார். மேடையில் அவர் பிரியமாக உடுத்தும் தோலினால் ஆன பேண்ட்டுகள், ராக் ஸ்டார் நட்சத்திர உடையாக மாற்றவியலாததாக மாறியது.

ஆன் ஆர்பர், மிச்சிகனில் நடந்த டோர்ஸ் நிகழ்ச்சியின் கலந்துகொண்ட பிறகு மோரிசனால் ஈர்க்கப்பட்ட தலைமைப் பாடகர் இக்கி பாப் பிறகு இக்கி மற்றும் ஸ்டூகிஸ் உருவாக்கப்பட்டதாக அறிவிக்கப்பட்டது.[51] பாப்ஸில் மிகவும் பிரபலமான பாடல்களில் ஒன்றான "த பேசஞ்சர்", மோரிசனின் கவிதைகளில் ஒன்றைச் சார்ந்து உருவாக்கப்பட்டதெனக் கூறப்பட்டது.[52] மோரிசன் இறந்த பிறகு, த டோர்ஸின் முதன்மை பாடகராக மாற்றம்செய்யப்படுவதற்கு பாப் கருதப்பட்டார்; நிகழ்ச்சிகளின் தொடருக்காக பாடகராக பணியமர்த்தப்பட்ட இவர், மோரிசனின் சிலவற்றைப் பின்பற்றி டோர்ஸை வழிநடத்தினார்.

டக் பல்கலைக்கழகத்தின் ஃப்ரென்ச் இலக்கியத்தின் ஓய்வுபெற்ற பேராசிரியரான வேலஸ் பவுலி, "த ரீபல் அஸ் பொயட் – எ மெமோர்" எனத் துணைத் தலைப்பிடப்பட்ட ரிம்பட் அண்ட் ஜிம் மோரிசனை எழுதினார். இந்தப் புத்தகத்தில், 1968 இல் இருந்த மோரிசனின் ரசிகரிடம் இருந்து எதிர்பாராமல் பெற்ற ஒரு ரசிக கடிதத்தை பவுலி எண்ணிப் பார்க்கிறார், அதில் ஆங்கிலத்தில் அர்தர் ரிம்படின் நவீன மொழிபெயர்ப்புக்கு நன்றி கூறி அக்கடிதத்தில் இருந்தது. அவர் எழுதியிருந்ததில் "ஃப்ரென்ச்சை என்னால் எளிதாகப் படிக்க முடியாது", "...உங்களுடைய புத்தகம் என்னைச் சுற்றிப் பயணிக்கிறது" என்று அவர் எழுதியிருந்தார். மோரிசன் மற்றும் ரிம்பட்டின் வாழ்க்கை, தத்துவங்கள் மற்றும் கவிதைகளை ஒப்பிட்டு பல கல்லூரி மைதானங்களில் பவுலி சென்று சொற்பொழிவாற்றியுள்ளார்.

ஸ்டோன் டெம்பிள் பிலட்ஸ் மற்றும் வெல்வெட் ரிவால்வர் அதே போல் கிரீட்டின் ஸ்காட் ஸ்டப்பின் பாடகரான ஸ்காட் வெயிலாந்து, அவர்களது மிகப்பெரிய தாக்கம் மற்றும் அகத்தூண்டுதலாக மோரிசன் இருப்பதாக் கூறினார். ஸ்டோன் டெம்பிள் பைலட்ஸ் மற்றும் வெல்வெட் ரிவால்வர் இரண்டும், த டோர்ஸ் மூலமான "ரோடுஹவுஸ் புளூவைக்" கொண்டிருந்தது. த டோர்ஸின் எஞ்சியுள்ளவர்களுடன் "ப்ரேக் ஆன் த்ரூவின்" செயல்படுவதற்கு மோரினுக்காக வெய்லாண்ட் பணித்தார். VH1 ஸ்டோரிடெல்லர்ஸில் "லைட் மை பயர்", "ரைடர்ஸ் ஆன் த ஸ்ட்ரோம்" மற்றும் "ரோடுஹவுஸ் புளூஸிற்காக" மோரிசனுக்காக ஸ்டாப் பணித்தார். 1999 உட்ஸ்டோக் விழாவிற்காக ரோபி கிரீகருடன் "ரைடர்ஸ் ஆன் த ஸ்ட்ரோம்"மின் அவர்களது பார்வையை கிரீடு செயல்படுத்தினார்.

எஞ்சிய டோர்ஸ் உறுப்பினர்கள் மூலம் வழங்கப்பட்ட த டோர்ஸ் புத்தகத்தில், மோரிசனின் நெருங்கிய நண்பராக ஃப்ரான்க் லிஸ்சியண்டிரோ மேற்கோளிடுகையில், மோரிசனின் கருத்தை பல மனிதர்கள் எடுத்துக்கொண்டனர், அதாவது அவர் கிளர்ச்சி, ஒழுங்கின்மை மற்றும் பெருங்குழப்பத்தில் ஆர்வமுடன் இருந்ததால் “அரசின்மையர், ஒரு அரசியல் புரட்சியில் ஈடுபடுவர், அல்லது அதை விட மோசமானவர், ஒரு சூனியவாதி என்பதாக அர்த்தம்கொள்ளச் செய்கிறது. ரிம்பர்ட் மற்றும் கற்பனைக் கவிதையாளர்களைப் பற்றித் தொடர்ந்துக் கூறிவந்தது அரிதாகவே கவனிக்கப்பட்டது” எனக் கூறினார்.[53]

புத்தகங்கள்[தொகு]

ஜிம் மோரிசன் மூலமாக[தொகு]

  • த லார்ட்ஸ் அண்ட் த நியூ கிரியேச்சர்ஸ் (1969). 1985 பதிப்பு: ISBN 0-7119-0552-5
  • ஆன் அமெரிக்கன் ப்ரேயர் (1970) மேற்கத்திய கல்லச்சுக்கலைஞர்கள் மூலம் தனிப்பட்ட முறையில் அச்சிடப்பட்டது. (இதன் அதிகாரப்பூர்வமற்ற பதிப்பும் 1983 இல் வெளியிடப்பட்டது, ஜெப்பிலின் புத்தகவெளியீட்டு நிறுவனம், ISBN 0-915628-46-5. அதிகாரப்பூர்வமற்ற பதிப்பின் நம்பகத்தன்மை வாதிடப்பட்டது.)
  • வைல்டர்நெஸ்: த லாஸ்ட் ரைட்டிங்ஸ் ஆப் ஜிம் மோரிசன் (1988). 1990 பதிப்பு: ISBN 0-14-011910-8
  • த அமெரிக்கன் நைட்: த ரைட்டிங்ஸ் ஆப் ஜிம் மோரிசன் (1990). 1991 பதிப்பு: ISBN 0-670-83772-5

ஜிம் மோரிசனைப் பற்றி[தொகு]

  • லிண்டா ஆஷ்க்ராப், வைல்ட் சைல்ட்: லைப் வித் ஜிம் மோரிசன் , (1997) ISBN 1-56025-249-9
  • லீஸ்டெர் பேங்க்ஸ், "ஜிம் மோரிசன்: போசோ டயோனிசஸ் எ டிகேட் லேட்டர்" இன் மெயின் லைன்ஸ், ப்ளட் பீஸ்ட்ஸ், அண்ட் பேட் டேஸ்ட்: எ லெஸ்டெர் பேங்ஸ் ரீடர் , ஜான் மோர்த்லேண்ட், பதி. ஆங்கர் அச்சகம் (2003) ISBN 0-375-71367-0
  • பேட்ரிசியா பட்லர், ஏஞ்சல்ஸ் டான்ஸ் அண்ட் ஏஞ்சல்ஸ் டை: த ட்ராஜிக் ரொமாண்ஸ் ஆப் பமிலா அண்ட் ஜிம் மோரிசன் , (1998) ISBN 0-8256-7341-0
  • ஸ்டீபன் டேவிஸ், ஜிம் மோரிசன்: லைப், டெத், லிஜண்ட் , (2004) ISBN 1-59240-064-7
  • ஜான் டென்ஸ்மோர், ரைடர்ஸ் ஆன் த ஸ்ட்ரோம்: மை லைப் வித் ஜிம் மோரிசன் அண்ட் த டோர்ஸ் (1991) ISBN 0-385-30447-1
  • டேவ் டைமார்டினோ, மூன்லைட் டிரைவ் (1995) ISBN 1-886894-21-3
  • வேலஸ் புவ்லி, ரிம்பட் அண்ட் ஜிம் மோரிசன் (1994) ISBN 0-8223-1442-8
  • ஜெர்ரி ஹோப்கின்ஸ், த லிசார்ட் கிங்: த எசன்சியல் ஜிம் மோரிசன் (1995) ISBN 0-684-81866-3
  • ஜெர்ரி ஹோப்கின்ஸ் மற்றும் டேனி சுகர்மன், நோ ஒன் ஹியர் கெட்ஸ் அவுட் அலைவ் (1980) ISBN 0-85965-138-X
  • பேட்ரிசியா கென்னலி, ஸ்ட்ரேன்ஞ் டேஸ்: மை லைப் வித் அண்ட் வித்அவுட் ஜிம் மோரிசன் (1992) ISBN 0-525-93419-7
  • ப்ரான்க் லிஸ்சியண்டிரோ, மோரிசன் — எ பீஸ்ட் ஆப் ஃப்ரெண்ட்ஸ் (1991) ISBN 0-446-39276-6
  • ப்ரான்க் லிஸ்சியண்டிரோ, ஜிம் மோரிசன்— ஆன் ஹவர் ஃபார் மேஜிக் (ஒரு நிழற்படப்பயணம்) ISBN 0-85965-246-7
  • ரே மன்சரெக், லைட் மை பயர் (1998) ISBN 0-446-60228-0L. ஜெர்ரி ஹோப்கின்ஸ் மற்றும் டேனி சுகர்மன்னின் (1981) முதல் புத்தகம்
  • பீட்டர் ஜான் மர்க்ரே, த பில்கிரிமேக் டூ ஜிம் மோரிசன்'ஸ் கிரேவ் அட் பீர் லச்செய்ஸ் சிமெண்டரி: த சோசியல் கன்ஸ்ட்ரக்சன்ஸ் ஆப் சாக்கெர்ட் ஸ்பேஸ். இன் ஐடெம் (பதி.), ஷெரின்ஸ் அண்ட் பில்கிரிமேக் இன் த மாடன் வேர்ல்ட். புனிதத்தன்மையினுள் புதிய பயண விவர ஏடுகள். ஆம்ஸ்டெர்டம் பல்கலைக்கழக பதிப்பகம், 2008, ப. 145-173.
  • தனசிஸ் மிகோஸ், த பொயட்ரி ஆப் ஜேம்ஸ் டக்லஸ் மோரிசன் (2001) ISBN 960-7748-23-9 (கிரீக்)
  • மார்க் ஓப்சஸ்நிக், த லிசார்ட் கிங் வாஸ் ஹியர்: த லைப் அண்ட் டைம்ஸ் ஆப் ஜிம் மோரிசன் இன் அலெக்ஸாண்டிரா, விர்ஜினியா (2006) ISBN 1-4257-1330-0
  • ஜேம்ஸ் ரியோர்டன் & ஜெர்ரி ப்ரோச்னிக்கை, ப்ரேக் ஆன் த்ரூ: த லைப் அண்ட் டெத் ஆப் ஜிம் மோரிசன் (1991) ISBN 0-688-11915-8
  • அட்ரினா ருபியோ, ஜிம் மோரிசன்: செராமணி... எக்ஸ்ப்ளோரிங் த ஷாமன் பொஸசன் (2005) ISBN 0-9766590-0-X
  • பென் ஃபாங்-டோர்ரெஸ்ஸுடன் (எஞ்சியுள்ள உறுப்பினர்கள்வ்ரே மனசரெக், ராபி க்ரெகெர், ஜான் டென்ஸ்மோர்) த டோர்ஸ், த டோர்ஸ் (2006) ISBN 1-4013-0303-X

திரைப்படங்கள்[தொகு]

ஜிம் மோரிசன் மூலமாக[தொகு]

ஜிம் மோரிசன் பங்குபெற்ற ஆவணப்படங்கள்[தொகு]

  • த டோர்ஸ் ஆர் ஓப்பன் (1968)
  • லிவ் இன் ஈரோப் (1968)
  • லைவ் அட் த ஹாலிவுட் பவுல் (1968)
  • பீஸ்ட் ஆப் ஃப்ரெண்ட்ஸ் (1969)
  • த டோர்ஸ்: எ ட்ரிப்யூட் டூ ஜிம் மோரிசன் (1981)
  • த டோர்ஸ்: டான்ஸ் ஆன் பயர் (1985)
  • த சாப்ட் பாரேடு, எ ரெட்ரோஸ்பெக்டிவ் (1991)
  • பைனல் 24: ஜிம் மோரிசன் (2007), த பயோகிராபி சேனல்[54]
  • வென் யூ'ஆர் ஸ்ட்ரேன்ஞ் (2009)

ஜிம் மோரிசன் பற்றியத் திரைப்படங்கள்[தொகு]

  • த டோர்ஸ் (1991), இயக்குனரான ஆலிவர் ஸ்டோன் இயக்கிய ஒரு கற்பனைக்கதைத் திரைப்படமாகும், இதில் க்ரீகெர் மற்றும் டென்ஸ்மோர் மூலமான கேமியோக்களுடன் வால் கில்மெர் என்பவர் மோரிசனாக நடித்திருந்தார். சில விமர்சகர்கள் மூலம் கில்மெரின் நடிப்பு பாராட்டப்பட்டது. எனினும், இக்குழுவின் உறுப்பினர்கள், ஸ்டோனின் மூலம் மோரிசனின் பாத்திரம் சித்திரிக்கப்பட்டிருப்பதை விமர்சித்தனர், மேலும் இத்திரைப்படத்தில் சித்தரிக்கப்பட்டிருக்கும் பலக் காட்சிகள் சுத்தமான கற்பனை எனக் குறிப்பிடப்பட்டது.[55]

அடிக்குறிப்புகள்[தொகு]

  1. Bio of Jim Morrison.
  2. 2.0 2.1 "சீ e.g. , மோரிசன் பொயம் பேக்ஸ் க்ளைமேட் பிலியா", BBC செய்திகள் , ஜனவரி 31, 2007.
  3. ஜிம் மோரிசனின் வாழ்க்கை வரலாறு.
  4. "100 Greatest Singers of All Time". Rolling Stone. பார்த்த நாள் 2009-06-15.
  5. "டெட் பேமஸ்: ஜிம் மோரிசன்", த பயோகிராபி சேனல் . (டிசம்பர் 2, 2007 இல் பெறப்பட்டது).
  6. Riordan, James (1992). Break on Through: The Life and Death of Jim Morrison. HarperCollins. பக். 32. ISBN 0688119158. "In school, Morrison was tested as having a genius I.Q. of 149." 
  7. Walters, Glenn D. (2006). Lifestyle theory: Past, Present And Future. Nova Publishers. பக். 78. ISBN 1600210333. 
  8. "Recruitment Film". பார்த்த நாள் 2008-08-24.
  9. "FSU Arrest". பார்த்த நாள் 2008-06-24.
  10. மெலிசா உர்சுலா டான் கோல்ட்ஸ்மித், "கிரிட்டிசிசம் லைட்னிங்க் ஹிஸ் பயர் : பெர்ஸ்பெக்டிவ்ஸ் ஆன் ஜிம் மோரிசன் ஃப்ரம் த லாஸ் ஏஞ்சல்ஸ் ப்ரீ ப்ரெஸ் , டவுன் பீட் , அண்ட் த மியாமி ஹெரால்டு (மாஸ்டர்'ஸ் தெசிஸ், இண்டெர்டிபார்ட்மெண்டல் புரோகிராம் இன் லிபெரல் ஆர்ட்ஸ், லூசியானா ஸ்டேட் யுனிவெர்சிட்டி, 2007). "http://etd.lsu.edu/docs/available/etd-11162007-105056/" இல் கிடைக்கிறது.
  11. Getlen, Larry, Opportunity knocked so The Doors kicked it down, http://www.bankrate.com/brm/news/investing/20030616a1.asp, பார்த்த நாள்: 2008-08-24 
  12. Paul Lawrence (2002). "The Doors and Them: twin Morrisons of different mothers". waiting-forthe-sun.net. பார்த்த நாள் 2008-07-07.
  13. ஹிண்டன் (1997), பக்கம் 67.
  14. Corry Arnold (2006-01-23). "The History of the Whisky-A-Go-Go". chickenonaunicyle.com. பார்த்த நாள் 2008-06-30.
  15. "Glossary entry for The Doors". மூல முகவரியிலிருந்து 2007-03-10 அன்று பரணிடப்பட்டது. வான் மோரிசன் வலைத்தளத்தில் இருந்து. மேடையில் இரு மோரிசன்களின் நிழற்படம். அணுக்கத் தேதி 2007-05-26.
  16. "Doors 1966 - June 1966". doorshistory.com. பார்த்த நாள் 2008-10-13.
  17. Leopold, Todd, Confessions of a record label owner, http://www.cnn.com/2007/SHOWBIZ/Music/04/19/holzman.elektra/index.html, பார்த்த நாள்: 2007-09-09 
  18. Light My Fire, http://www.rollingstone.com/news/story/6595880/light_my_fire, பார்த்த நாள்: 2008-08-24 
  19. When the Doors went on Sullivan, http://archives.cnn.com/2002/SHOWBIZ/TV/10/03/ed.sullivan.sidebar/index.html, பார்த்த நாள்: 2007-09-09 
  20. புகைப்படக்கலைஞர் ஜோல் ப்ரோட்ஸ்கை டைஸ்
  21. The Doors: Biography: Rolling Stone, http://www.rollingstone.com/artists/thedoors/biography, பார்த்த நாள்: 2008-08-24 
  22. Notable Actors - UCLA School of Theater, Film and Television, archived from the original on 2008-12-07, http://web.archive.org/20081207001138/www.tft.ucla.edu/alumni/notable-actors/, பார்த்த நாள்: 2008-12-03 
  23. McClure, Michael, Michael McClure Recalls an Old Friend, http://archives.waiting-forthe-sun.net/Pages/Players/Personal/mcclure_recalls.html, பார்த்த நாள்: 2008-09-09 
  24. Unterberger, Richie, Liner Notes for Diane Hildebrand's "Early Morning Blues and Greens, http://www.richieunterberger.com/diane.html, பார்த்த நாள்: 2008-08-24 
  25. HWY: An American Pastoral, http://www.imdb.com/title/tt0388097/combined, பார்த்த நாள்: 2008-08-24 
  26. Jim Morrison Biography, http://www.thebiographychannel.co.uk/biography_story/1930:2450/1/Jim_Morrison.htm, பார்த்த நாள்: 2008-08-24 
  27. தகுதிகாண் ஆய்வுத் துறை 1970க்கு ஜிம்மின் தந்தையிடமிருந்து கடிதம்
  28. Hoover, Elizabeth, The Death of Jim Morrison, http://www.americanheritage.com/entertainment/articles/web/20060703-jim-morrison-doors-drugs-rock-n-roll-aldous-huxley-paris-heroin-pamela-courson.shtml, பார்த்த நாள்: 2008-08-24 
  29. Jim Morrison Biography, http://www.thebiographychannel.co.uk/biography_story/1930:2450/4/Jim_Morrison.htm, பார்த்த நாள்: 2008-08-24 
  30. Kennealy, Patricia (1992). Strange Days: My Life With And Without Jim Morrison. New York: Dutton/Penguin. பக். 63. ISBN 0-525-93419-7. 
  31. கென்னலி (1992) தட்டு 7, ப.175
  32. கென்னலி (1992) பப.314-16
  33. டேவிஸ், ஸ்டீவன் (2004) ரோலிங் ஸ்டோனில் "ஜிம் மோரிசனின் கடைசி நாட்கள்". 25 டிசம்பர் 2007 இல் பெறப்பட்டது
  34. "ஆஸ்க் ரே மன்சரெக் ட்ரான்ஸ்கிரிப்ட்". டால்கிவ் BBC, 10 ஏப்ரல் 2002.
  35. ரோனி, அலைன்(2002) "இறக்கும் வரை நானும் ஜிம்மும் நண்பர்கள்". KING இல் முதலில் வெளியிடப்பட்டது. 25 டிசம்பர் 2007 இல் பெறப்பட்டது
  36. கென்னலி (1992) பப: 385-92 பேரிஸ்-போட்டியின் ரோனியின் நேர்காணலில் இருந்து மேற்கோள்கள்
  37. ஜெர்ரி ஹோப்கின்ஸ் மற்றும் டேனி சுகர்மன், நோ ஒன் ஹியர் கெட்ஸ் அவுட் அலைவ் பக்கம் 373
  38. ஹோப்கின்ஸ், ஜெர்ரி; மற்றும் டேனி சுகர்மன் (1980) நோ ஒன் கெட்ஸ் அவுட் அலைவ் ISBN 0-85965-138-X
  39. கென்னலி (1992) பப.344-6
  40. ஜெர்ரி ஹோப்கின்ஸ் மற்றும் டேனி சுகர்மன், நோ ஒன் ஹியர் கெட்ஸ் அவுட் அலைவ் பக்கம் 375, மேலும் பார்க்க 1995 இல் சேர்க்கப்பட்ட புதிய பொருளின் புத்தகத்தின் முன்புறம் உள்ள பதிப்புரிமை
  41. Walt, Vivienne, How Jim Morrison Died, http://www.time.com/time/world/article/0,8599,1643884,00.html, பார்த்த நாள்: 2008-08-24 
  42. "த சாக்கிங் ட்ரூத் அபவுட் ஜிம் மோரிசன்'ஸ் டெத் சர்பேசஸ்". AndhraNews.net கதை, ஜூலை 8, 2007.
  43. "The shocking truth about how my pal Jim Morrison REALLY died". mailonsunday.co.uk Accessed July 13, 2007. http://www.mailonsunday.co.uk/tvshowbiz/article-466947/The-shocking-truth-pal-Jim-Morrison-REALLY-died.html. 
  44. Doland, Angela, Morrison Bathtub Death Story Questioned, http://news.aol.com/entertainment/music/story/_a/morrison-bathtub-death-story-questioned/20070711145609990001, பார்த்த நாள்: 2008-08-24 
  45. எம்லெடன் மிக்குலின் - ஸ்கல்ப்டர்
  46. போட்டோ ஆப் டிபேஸ்டு பஸ்ட் ஆன் மோரிசன்'ஸ் க்ரேவ் பிபோர் இட் வாஸ் ஸ்டோலன்.
  47. ஸ்டீவ் லீவர். ஜார்ஜ் 'ஸ்டீவ்' மோரிசன்; ரியர் அட்மிரல் பிலிவ் கம்பாட் மிசன்ஸ் இன் லெண்த்தி கேரியர். நவம்பர் 28, 2008
  48. Davis, Stephen (2005), Jim Morrison: Life, Death, Legend, Gotham, p. 472, ISBN 978-1592400997 .
  49. Olsen, Brad (2007), Sacred Places Europe: 108 Destinations, CCC Publishing, p. 105, ISBN 978-1888729122 .
  50. Jim Morrison, archived from the original on 2012-07-08, http://archive.is/CBsF, பார்த்த நாள்: 2008-08-24 
  51. The Stooges: Biography: Rolling Stone, http://www.rollingstone.com/artists/thestooges/biography, பார்த்த நாள்: 2008-08-24 
  52. Webb, Robert, ROCK & POP: STORY OF THE SONG - 'THE PASSENGER' Iggy Pop (1977), http://findarticles.com/p/articles/mi_qn4158/is_20051014/ai_n15713651, பார்த்த நாள்: 2008-08-24 
  53. பென் ஃபாங்-டோர்ரஸ்ஸுடன் (எஞ்சியுள்ல உறுப்பினர்கள் ரே மனசரெக், ராபி க்ரீகெர், ஜான் டென்ஸ்மோர்) த டோர்ஸ்), த டோர்ஸ் , பக்கம் 104
  54. பயோகிரபி அலைவரிசை ஆவணப்படம்
  55. த டோர்ஸ் (1991)

குறிப்புகள்[தொகு]

  • ஹிண்டன், ப்ரைன் (1997). செல்டிக் க்ராஸ்ரோட்ஸ்: த ஆர்ட் ஆப் வான் மோரிசன் , சான்ச்சுரி, ISBN 1-86074-169-X

புற இணைப்புகள்[தொகு]

"http://ta.wikipedia.org/w/index.php?title=ஜிம்_மோரிசன்&oldid=1667250" இருந்து மீள்விக்கப்பட்டது