சௌபாக்கியம் (யோகம்)
இந்திய சோதிடத்தில் சௌபாக்கியம் என்பது, பஞ்சாங்க உறுப்புக்களுள் ஒன்றான "யோகம்" என்பதனுள் அடங்கும் 27 யோகங்களுள் நான்காவது ஆகும். இராசிச் சக்கரத்தின் தொடக்கப் புள்ளியில் இருந்து 40° 00' தொடக்கம் 53° 20' "சௌபாக்கியம்" யோகத்துக்கு உரியது. சூரியன், சந்திரன் ஆகிய கோள்களின் இருப்பிடங்களின் கூட்டுத்தொகை இந்தக் கோணத்தினூடாக அதிகரிப்பதற்கு எடுக்கும் நேரத்துக்குரிய யோகம் "சௌபாக்கியம்" ஆகும். இந்த நேரத்தில் பிறக்கும் ஒருவர் "சௌபாக்கியம்" யோகத்தைத் தனது பிறந்த யோகமாகக் கொண்டிருப்பார்.
சமசுக்கிருத மொழியில் சௌபாக்ய என்பது சிறந்த செல்வம் என்னும் பொருள் கொண்டது. சோதிட நூல்கள் மங்கலமானவை எனக் குறிப்பிடும் யோகங்களுள் இதுவும் ஒன்று. இதன் ஆட்சிக் கோள் வெள்ளி. இதற்குரிய தேவதை பிரம்மா.[1]
குறிப்புகள்[தொகு]
உசாத்துணைகள்[தொகு]
- Sastri, Bapu Deva., Surya Siddhanta, Culcutta, 1861.
- Jyotish Vidya - Bith (Nitya) Yoga
- Vedic Time - Pages for the Topic Nitya Yoga பரணிடப்பட்டது 2014-02-01 at the வந்தவழி இயந்திரம்
