கலை வரலாறு
| கலை வரலாற்றுத் தொடர் |
|---|
| வரலாற்றுக்கு முந்திய கலை |
| பண்டையக் கலை வரலாறு |
| மேலைநாட்டுக் கலை வரலாறு |
| கிழக்கத்தியக் கலை வரலாறு |
| இஸ்லாமியக் கலை வரலாறு |
| சமகாலக் கலை |
கலை வரலாறு என்பது பொதுவாக காட்சிக் (visual) கலைகளின் வரலாற்றையே குறிக்கின்றது. எண்ணங்களையும், உணர்வுகளையும் பிறருக்கு விளக்கும் நோக்குடனோ; அழகியல் நோக்கங்களுக்காகவோ; காட்சிக்குரிய வடிவத்தில் மனிதர்களால் உருவாக்கப்படும் ஒரு செய்பொருளே காட்சிக்கலை எனலாம். நீண்ட காலமாகவே கலையைப் பல்வேறு விதமாக வகைப்படுத்தி வந்துள்ளனர். மத்திய காலத்தில் தாராண்மக் கலை (liberal arts), இயந்திரம்சார் கலை (mechanical arts) என்ற வகைப்பாடு இருந்தது. எனினும் அக்காலத்தில் கலை என்பதில், இன்று அறிவியல், வேளாண்மை, பொறியியல் போன்ற துறைகளைச் சார்ந்த விடயங்களும் அடங்கியிருந்தன. தற்காலத்தில் நுண் கலைகள், பயன்படு கலைகள் என்ற வகைப்பாடு உள்ளது. தற்காலத்தில் மனித ஆக்கத்திறனின் வெளிப்பாடே கலை என்று வரைவிலக்கணம் கூறுகின்றனர். 20 ஆம் நூற்றாண்டில் பெரும்பாலும் கலைகளை ஒன்பதாக வகுத்தனர். கட்டிடக்கலை, நடனம், சிற்பம், இசை, ஓவியம், கவிதை, திரைப்படம், ஒளிப்படவியல், வரைகதை என்பன இவை.
பெரும்பாலோர், சிறப்பாக மேலை நாட்டினர், கலை வரலாறு, ஐரோப்பியக் கலை வரலாற்றையே குறிப்பதாகக் கருதி வந்தனர். எனினும் கலை வரலாறு என்பது கற்கால மனிதர்களின் கலைகள் தொடக்கம், உலகின் பல நாகரீகங்களின் கலை வரலாற்றையும் உள்ளடக்குகின்றது.
கலை வரலாற்றின் துணைப் பிரிவுகளாவன:
- வரலாற்றுக்கு முந்திய காலக் கலை
- வரலாற்றுக்கு முந்திய கால ஐரோப்பியக் கலை
- வரலாற்றுக்கு முந்திய கால ஆசியக் கலை
- ஆபிரிக்கச் சுதேசக் கலைகள்
- அமெரிக்கச் சுதேசக் கலைகள்
- ஓசானியச் சுதேசக் கலைகள்
- பண்டைய உலகின் கலைகள்
- பண்டைய மெசொபொத்தேமியக் கலைகள்
- பண்டைய எகிப்தியக் கலைகள்
- பண்டைய எஜியன் கலைகள்
- கிரேக்கோ-பௌத்தக் கலைகள்
- ரோமப் பண்பாடு
- ஆரம்பகாலக் கிறிஸ்தவக் கலை
- ஐரோப்பியக் கலை வரலாறு
- இந்தியத் துணைக் கண்டம்
- இஸ்லாமியக் கலை
- தூரகிழக்கு நாடுகளின் கலைகள்
- அமெரிக்க நாடுகளின் கலைகள்
- தற்காலக் கலை
- ஊடகக் கலை
[தொகு] பின் வருவனவற்றையும் பார்க்கவும்
- கலை
- கலைப் பாணிகள், காலம் மற்றும் இயக்கங்கள்
- அழகியற் கலைகள்
- பண்பாட்டு இயக்கங்கள்
- ஓவியத்தின் வரலாறு
- கலைப் பொருட்களின் பட்டியல்
- ஓவியர்களின் பட்டியல்
