பெரு மரம்
| பெரு மரம் | |
|---|---|
| |
| யோசெமிட்டி தேசியப் பூங்கா மரிபோசா குரோவில் காணப்படும் கிரிஸ்லி பெருமரம் | |
உயிரியல் வகைப்பாடு 
| |
| Unrecognized taxon (fix): | Sequoiadendron |
| இனம்: | வார்ப்புரு:Taxonomy/SequoiadendronS. giganteum
|
| இருசொற் பெயரீடு | |
| Sequoiadendron giganteum (Lindl.) J.Buchh., 1939 | |
| |
| Natural range of the California members of the subfamily ஊசியிலை மரம்
red – Sequoiadendron giganteum
green – கலிபோர்னியா செம்மரம்
| |
பெருமரம் (Sequoiadendron giganteum) என்பது பெரும் செக்வாயா (Giant sequoia) இராட்சத செம்மரம் (Giant redwood) அல்லது சியெரா செம்மரம் (Sierra redwood) என்றும் அழைக்கப்படும் ஒரு ஊசியிலை மரமாகும். இது ஊசியிலை மரம் என்ற துணைக் குடும்பத்தில் கப்ரேசோசியே (Cupressaceae) குடும்பத்தில் வகைப்படுத்தப்பட்டுள்ளது. ராட்சத சீக்வோயா மரங்களே பூமியில் காணப்படும் மிகப் பெரிய மரங்கள் ஆகும்.[3] இந்த வகை மரங்கள் ஐக்கிய அமெரிக்க நாடுகளில் காணப்படும் கலிபோர்னியாவின் சியேரா நிவாடா மலைத்தொடர்களின் மேற்குச் சரிவுகளைத் தாயகமாகக் கொண்டவை, ஆனால், இன்று உலகம் முழுவதும் காணப்படுகின்றன.
இந்த ஊசியிலைப் பெருமரம் தனது இயற்கையான தாயகமான கலிபோர்னியாவில் 80000 என்ற எண்ணிக்கைக்கும் குறைவாகக் காணப்படுவதால் பன்னாட்டு இயற்கைப் பாதுகாப்புச் சங்கத்தால் அருகிய இனமாகப் பட்டியலிடப்பட்டுள்ளது. இந்த மரம் 1853 ஆம் ஆண்டில் ஐக்கிய இராச்சியத்திற்கு அறிமுகப்படுத்தப்பட்டு தற்போது ஏறத்தாழ 5000-இற்கும் மேற்பட்ட முதிர்ந்த மரங்கள் காணப்படுகின்றன.
6-8 மீ (20-26 அடி) வரை தண்டு விட்டம் கொண்ட ராட்சத சீக்வோயா சராசரியாக 50-85 மீ (164-279 அடி) உயரத்திற்கு வளரும். சாதனை அளவுள்ள மரங்கள் 94.8 மீ (311 அடி) உயரத்தில் அளவிடப்பட்டுள்ளன. மார்பக உயரத்தில் மிகப்பெரிய விட்டம் கொண்டதாக அறியப்பட்ட மாதிரியானது 8.8 மீ (28.9 அடி) இல் உள்ள பொது பெரு மரம் (General Grant tree) ஆகும். ராட்சத சீக்வோயாக்கள் பூமியில் உள்ள பழமையான உயிரினங்களில் ஒன்றாகும். அறியப்பட்ட மிகப் பழமையான ராட்சத சீக்வோயா 3,200-3,266 ஆண்டுகள் பழமையானது.
மரத்தின் அமைவு முறை
[தொகு]
கலிபோர்னியாவில் சியரா நெவாடா மலைத் தொடரில் வளர்கிறது. இது மற்ற மரங்களோடு வளர்கிறது. இது 200 முதல் 325 அடி உயரம் வளரக்கூடியது. இம்மரம் 275 அடி உயரமும் அடிமரம் 33 அடி விட்டமும், 100 அடி சுற்றளவும் உடையது. தரையிலிருந்து 8 அடி உயரத்திற்கு 30 அடியும், 100 அடி உயரத்தில் 20 அடி விட்டமும் கொண்டுள்ளது. இதன் பட்டை 2 அடி தடிமன் உடையது. 5000 ஆண்டுகள் உயிர் வாழக்கூடியது. இம்மரத்தின் பட்டை சிவப்பு நிறமாக இருக்கும். இலைகள் சிறியவை. விதை முற்றுவதற்கு 2 ஆண்டுகள் ஆகும். விதை முற்றினப் பிறகும் கனி 12 ஆண்டுகள் பச்சையாகவே மரத்தில் இருக்கும்.
பாதுகாப்பு நடவடிக்கை
[தொகு]இம்மரங்களை அழியாமல் பாதுகாக்க இவை வளரும் காட்டின் ஒரு பகுதியைச் செக்குவாயா பார்க்
என்று பெயரிட்டு பாதுகாத்து வருகின்றனர். மேலும் இம்மரங்களை வெட்ட கனிபோர்னியாவில் தடை விதிக்கப்பட்டுள்ளது. ஆகவே போக்குவரத்திற்கு இடைஞ்சல் உள்ள பகுதிகளில் இம்மரங்களை குடைந்து இதன் உள்பகுதியில் வண்டி செல்ல சாலை போட்டுள்ளனர்.
பொருளாதாரப் பயன்கள்
[தொகு]இம்மரம் 600 டன் எடை கொண்டுள்ளது. இதன் மூலம் 300 அறை கொண்ட வீடு கட்ட முடியும்.
மேற்கோள்
[தொகு]- ↑ Schmid, R.; Farjon, A. (2013). "Sequoiadendron giganteum". IUCN Red List of Threatened Species 2013: e.T34023A2840676. https://www.iucnredlist.org/species/34023/2840676.
- ↑ "Sequoiadendron giganteum, Giant Sequoia". Arlington, Virginia: NatureServe. 2020. Archived from the original on 2021-11-11. பார்க்கப்பட்ட நாள் 11 November 2021.
- ↑ "The Giant Sequoia National Monument". usda.gov. United States Department of Agriculture – Forest service. Archived from the original on November 19, 2018. பார்க்கப்பட்ட நாள் December 6, 2018.