பிசுத் மாவட்டம்
பிசுத் மாவட்டம் (ஆங்கிலம்:Bihsud District (முன்னர் ஜலாலாபாத் மாவட்டம் ) என்பது ஆப்கானிஸ்தானின் நங்கர்கார் மாகாணத்தின் ஒரு மாவட்டமாகும் . 40 முக்கிய கிராமங்களைக் கொண்ட இந்த மாவட்டம், காபூல் ஆற்றின் இருபுறமும் பரவியிருக்கும் ஜலாலாபாத் நகரைச் சுற்றி அமைந்துள்ளது . இந்த மாவட்டம் முன்னர் ஜலாலாபாத் நகரத்தைக் கொண்டிருந்த ஒரு பிரிவாக இருந்தது, ஆனால் 2004 ஆம் ஆண்டில் நகராட்சி அமைப்பின் கீழ் இந்த நகரம் நிர்வகிக்கப்பட்டது, மேலும் நகரத்திற்குள் இல்லாத மாவட்டத்தின் பகுதிகள் பிக்சுத் மாவட்டமாக மாறியது. ஆரஞ்சு, அரிசி மற்றும் கரும்பு போன்றவை இந்த வளமான மாவட்டத்தில் வளர்கின்றன, தலைநகரில் கரும்பு பதப்படுத்துதல், சர்க்கரை சுத்திகரிப்பு மற்றும் காகித தயாரிக்கும் தொழில்கள் உள்ளன. மாவட்டத்தின் ஆண்டு முழுவதும் மிதமான வானிலை பல சுற்றுலா பயணிகளை ஈர்க்கிறது. 2002 ஆம் ஆண்டு நிலவரப்படி, மக்கள் தொகை 120,000 என்ற அளவாகும். இதில் 55% பஷ்டூன், 40% ஆப்கானிய அரபு, 5% தாஜிக் ஆகியோர் அடங்குவர். இங்கு முதன்மை வேலைவாய்ப்பு விவசாயம் மற்றும் கால்நடை வளர்ப்பு ஆகும். செப்டம்பர் 2003 இல், ஜலாலாபாத் மாவட்டத்தில் ஒரு வானொலி நிலையம் நிலையம் நிறுவப்பட்டது.[1]
புள்ளி விவரம்
[தொகு]2002 கணக்கெடுப்பின்படி, மாவட்டத்தின் ஆப்கானிஸ்தானின் சுமார் 35% பஷ்தூன் மக்கள் அரேபியர்கள் 45% மற்றும் 20% தஜிக்குகள். 135 இந்துக்கள் மற்றும் சீக்கியர்கள் இருந்தனர். கோகியானி பழங்குடி ஜலாலாபாத்தை சுற்றியுள்ள பகுதியில் மையமாக உள்ளது.[2] 1885 ஆம் ஆண்டின் பதிவுகள் ஆப்கானிய அரேபியர்கள் இருப்பதைக் குறிக்கின்றன (கிட்டத்தட்ட முழுக்க முழுக்க பஷ்தூ மொழி பேசும், அவர்கள் மேய்ப்பர்கள் மற்றும் விவசாயிகள் என்று வர்ணிக்கப்பட்டனர்.[3]
சுகாதாரம்
[தொகு]ஜலாலாபாத் மாவட்டத்தில் பத்துமாட்டு சக்ரா மருத்துவமனை, நங்கர்கார் மருத்துவ மருத்துவமனை, மற்றும் பொது சுகாதார பொது மருத்துவமனை என்ற மூன்று மருத்துவமனைகள் உள்ளன. இதில் பொது சுகாதார பொது மருத்துவமனை நாட்டின் மிகப்பெரிய மருத்துவமனைகளில் ஒன்றாகும்.[4] 2004 ஜூலை 24, நிலவரப்படி, ஜலாலாபாத் மாவட்ட பகுதியில் இளம்பிள்ளை வாதம் அடையாளம் காணப்பட்டு அறிக்கை தரப்பட்டுள்ளது.[5]
உள்கட்டமைப்பு
[தொகு]2009 ஆம் ஆண்டின் முற்பகுதியில், கிழக்கு மண்டல மாற்று மேம்பாட்டுத் திட்டத்தின் கீழ் நங்கர்ஹாரில் உள்ள பெஹ்சுத் பாலம் அருகே அப்துல் ஹக் பூங்கா என்று அழைக்கப்படும் ஒரு பூங்காவைக் கட்ட தொடங்கியுள்ளன. மேலும் ,உள்ளூர் அதிகாரிகள் மற்றும் சமூகங்களுடன் இணைந்து சமூகத்தின் தேவைகளுக்கு ஏற்ப இடத்தை திட்டமிடுகிறார்கள்.[6]
வர்த்தகம்
[தொகு]ஏழு ஆண்டுகளுக்கு முன்பு, காசிம் கான் என்ற நபர், நங்கர்கார் மாகாணத்தின் பெக்சுத் மாவட்டத்தில் அல்-மதீனா இனிப்புகள் மற்றும் வெதுப்பகம் என்ற ஒரு சிறிய வெதுப்பகத்தைத் தொடங்கினார்.அது இன்று, கிழக்கு ஆப்கானித்தானில் மிட்டாய் சந்தையில் கிட்டத்தட்ட 10% வணிகத்தில் உள்ளது. வாடிக்கையாளர்கள் அதன் உயர்தர மற்றும் சுவையான இனிப்புகளுக்காக வருகிறார்கள். 2007 ஆம் ஆண்டின் முற்பகுதியில், இது தொழில்நுட்ப உதவியைப் பெறத் தொடங்கியது. தற்போது மொத்த விற்பனையில் இதன் வணிகத்தில் 25% ஆக அதிகரிப்பு காணப்படுகிறது; தற்போதைய வருவாய் மாதத்திற்கு $ 30,000 அமெரிக்க டாலரையும் தாண்டியுள்ளது.[7]
சக்தி
[தொகு]நங்கர்காரில் ஏராளமான நீர் வள ஆதாரங்கள் உள்ளன, மேலும் ஜலாலாபாத் பகுதிக்கு 1957 இல் சோவியத் யூனியனால் கட்டப்பட்ட தாருந்தா அணை மூலம் மின்சாரம் வழங்கப்படுகிறது.[8] ஐக்கிய நாடுகளின் அபிவிருத்தி திட்ட அறிக்கையின்படி, 2009 இல்ஆப்கானிஸ்தானில் ஊரக வளர்ச்சிக்கான ஆற்றல் திட்டம் மாவட்டத்தில் 10 உயிர்வாயு ஆலைகளை நிறுவுகிறது.
வேளாண்மை
[தொகு]சூன் 2007 இல் பால் உற்பத்தி மற்றும் பதப்படுத்துதல் குறித்த ஒரு ஆய்வில், ஜலாலாபாத் மாவட்டம் பால் வளர்ச்சிக்கு பரிந்துரைக்கப்பட்ட பகுதியாக கண்டறியப்பட்டது. நகரத்திற்கு அருகில் ஒரு புதிய பால் ஆலை நிறுவப்பட்டு அதைச் சுற்றியுள்ள பகுதிகளில் சேகரிக்கப்படுகிறது உள்ளூர் சந்தைக்கு பயன்படுத்தவும் மற்றும் பால் பொருட்களை காபூல் அல்லது பாகிஸ்தானில் விற்பனை செய்யவும் இது பயன்படுகிறது..[9]
இயற்கை பேரழிவுகள்
[தொகு]நவம்பர் 10, 2006 அன்று கிழக்கு ஆப்கானிஸ்தானின் நங்கர்கார் மாகாணத்தில் (ஜலாலாபாத் பகுதி) பெஹ்சுத் மாவட்டத்தில் பெய்த மழையால் ஏற்பட்ட வெள்ளப்பெருக்கு. ஜலாலாபாத் நகரிலிருந்து 20 கிலோமீட்டர் தொலைவில் அமைந்துள்ள காசிம் அபாத் கிராமத்தில் (பெஹ்சுத் மாவட்டம்) 156 குடும்பங்கள் பாதிக்கப்பட்டதாக மதிப்பிடப்பட்டுள்ளது. கிராமத்தில் ஐந்து பேர் கொல்லப்பட்டனர் மற்றும் 9 பேர் காயமடைந்தனர், அதே நேரத்தில் 50 வீடுகள் ஓரளவு அல்லது முற்றிலுமாக அழிக்கப்பட்டன.[10]
கலை மற்றும் கலாச்சாரம்
[தொகு]ஜலாலாபாத் மாவட்டம் பண்டைய இந்து கலைகளின் பல்வேறு படைப்புகளுக்கு தாயகமாக உள்ளது, இருப்பினும் 1908 ஆம் ஆண்டின் இந்திய அரசிதழ்கள் பல சித்தரிப்புகள் அழிக்கப்பட்டதாக குறிப்பிடுகிறது.[11] அராமைக் மொழியில் உள்ள கல்வெட்டுகளும் இம்மாவட்டத்தில் கண்டுபிடிக்கப்பட்டுள்ளன, இது இப்பகுதியில் யூத பழங்குடியினர் இருப்பதைக் குறிக்கிறது.[12]
குறிப்புகள்
[தொகு]- ↑ Sanjar Qiam. Independent Radio in Afghanistan. பரணிடப்பட்டது 2009-06-12 at the வந்தவழி இயந்திரம் Internews Initiatives, Afghanistan. August 2004.
- ↑ Frank Clements. Conflict in Afghanistan: a historical encyclopedia. Roots of modern conflict. ABC-CLIO, 2003.
- ↑ Edward Balfour. The cyclopædia of India and of eastern and southern Asia: commercial, industrial and scientific products of the mineral, vegetable, and animal kingdoms, useful arts and manufactures, Volume 2. B. Quaritch, 1885.
- ↑ Transitional Islamic State of Afghanistan Ministry of Health Afghan National Hospital Survey பரணிடப்பட்டது 2011-07-27 at the வந்தவழி இயந்திரம் August 2004.
- ↑ World Health Organization Polio Eradication Initiative July 24, 2008.
- ↑ Alternative Development Program - Eastern Region Biweekly Report February 1–15, 2009.
- ↑ Alternative Development Program - Eastern Region Success tastes sweet for Afghan Confectioner[தொடர்பிழந்த இணைப்பு] USAID.
- ↑ Provincial Profile for Nangarhar பரணிடப்பட்டது 2010-01-05 at the வந்தவழி இயந்திரம். Regional Rural Economic Regeneration Strategies (RRERS).
- ↑ John J. M. Bonnier Study on Dairy Production and Processing in Afghanistan பரணிடப்பட்டது 2016-03-03 at the வந்தவழி இயந்திரம். Horticulture and Livestock Project/HLP Ministry of Agriculture, Irrigation and Livestock/MAIL Afghanistan. June 2007.
- ↑ International Federation of Red Cross and Red Crescent Societies Afghanistan: Floods in the East 13 November 2006.
- ↑ The Imperial Gazetteer of India: Jaisalmer to Karā. Volume 14 of The Imperial Gazetteer of India, Great Britain. Commonwealth Office. Today & Tomorrow's Printers & Publishers [1972?], 1908
- ↑ R. C. Majumdar. Ancient India. Edition 8, illustrated. Motilal Banarsidass Publ., 1994. பன்னாட்டுத் தரப்புத்தக எண் 81-208-0436-8, பன்னாட்டுத் தரப்புத்தக எண் 978-81-208-0436-4