நோய்க்காரணி: திருத்தங்களுக்கு இடையிலான வேறுபாடு
No edit summary |
No edit summary |
||
வரிசை 22: | வரிசை 22: | ||
நியூக்கிளிக் அமிலங்களைக் கொண்டிராத தொற்றுநோய்க்காரணிகள் Prions என அழைக்கப்படும். Prion தொற்றினால் ஏற்படும் புரதமூலக் கூறுகளின் தொழிற்பாட்டுக் குறைவே நோய்க்கு காரணமாகின்றது. இவ்வகை நோய்களாவன scrapie, bovine spongiform encephalopathy (mad cow disease), Creutzfeldt–Jakob disease <ref>[http://www.mad-cow.org/~tom/prionSP.html ''The prion diseases''] STANLEY B. PRUSINER, Scientific American</ref>. |
நியூக்கிளிக் அமிலங்களைக் கொண்டிராத தொற்றுநோய்க்காரணிகள் Prions என அழைக்கப்படும். Prion தொற்றினால் ஏற்படும் புரதமூலக் கூறுகளின் தொழிற்பாட்டுக் குறைவே நோய்க்கு காரணமாகின்றது. இவ்வகை நோய்களாவன scrapie, bovine spongiform encephalopathy (mad cow disease), Creutzfeldt–Jakob disease <ref>[http://www.mad-cow.org/~tom/prionSP.html ''The prion diseases''] STANLEY B. PRUSINER, Scientific American</ref>. |
||
===புரோட்டோசோவா=== |
===புரோட்டோசோவா=== |
||
[[Image:Malaria.jpg|thumb| |
[[Image:Malaria.jpg|thumb|100px|This false-colored [[electron micrograph]] shows a [[malaria]] [[sporozoite]] migrating through the [[midgut]] [[epithelia]].]] |
||
பிளாஸ்மோடியம் (Plasmodium) என்னும் புரோட்டோசோவா (Protozoa) சாதியைச் சேர்ந்த உயிரினமானது [[மலேரியா]] [[தொற்றுநோய்|தொற்றுநோயை]] உருவாக்குகிறது. |
பிளாஸ்மோடியம் (Plasmodium) என்னும் புரோட்டோசோவா (Protozoa) சாதியைச் சேர்ந்த உயிரினமானது [[மலேரியா]] [[தொற்றுநோய்|தொற்றுநோயை]] உருவாக்குகிறது. |
||
00:22, 31 அக்டோபர் 2009 இல் நிலவும் திருத்தம்
நோய்க்காரணி அல்லது தொற்றுநோய்க்காரணி அல்லது கிருமி எனப்படுவது தான் வாழும் வேறொரு உயிரினத்தின் சாதாரண இயக்கத்தை பாதிக்கவல்ல, அல்லது மாற்றவல்ல, அல்லது உபாதைகளைத் தோற்றுவிக்கவல்ல ஒரு உயிரியல் காரணியாகும்[1][2]. ஒரு நோய்க்காரணியானது பல்வேறுபட்ட வழிமுறைகளில் தான் வாழும் விருந்துவழங்கி அல்லது ஓம்புயிரின் (host) உள்ளே சென்று, தன்னை நிலநிறுத்திக் கொள்ள முயற்சிக்கும்.
பொதுவான பல நோய்க்காரணிகளுக்கு எதிராக இயற்கையாகவே இயங்கி தம்மை பாதுகாத்துக் கொள்வதற்காக, உடலில் பலவகையான பாதுகாப்பு தொழில் முறைகள் காணப்படும். மனித உடலில் இருக்கும் நோய் எதிர்ப்பாற்றல் முறைமை (immune system), மற்றும் உடலிற்கு ஊறுவிளைவிக்கும் நோய்க்காரணிகளுக்கு எதிராக தொழிற்படவல்ல, சாதாரணமாக உடலில் காணப்படும் தாவரவளம் (normal flora) போன்றன பாதுகாப்பை ஏற்படுத்தவல்லன. ஆனாலும், இப்பாதுகாப்பையும் மீறி, வீரியமுள்ள நோய்க்காரணிகள் நோய்களை ஏற்படுத்தும் தன்மையைக் கொண்டிருக்கையில், நோய் உண்டாதல் தவிர்க்க முடியாமல் போகின்றது. நோய் எதிர்ப்பாற்றல் முறைமையும், உடலுக்கு உபயோகமான பாக்டீரியாக்களும் ஏதோ ஒரு வகையில் பாதிப்புக்கு உள்ளாகும்போது, இந்த நோய்க்காரணிகளுக்கு அந்நிலமை சாதகமாக மாறி, அவை தமது ஓம்புயிரில் உட்சென்று, பல்கிப் பெருகி, நோயை ஏற்படுத்த முடிகின்றது. எய்ட்சு அல்லது நோயெதிர்ப்பாற்றல் குறைபாட்டு நோயை ஏற்படுத்தும் எச்.ஐ.வீ (HIV) வைரசினால், அல்லது, வேறு உடலூறு விளைவிக்கும் கிருமிக்கெதிராக பாவிக்கப்படும் கிருமியெதிர்ப்பிகள் அல்லது நுண்ணியிர்கொல்லிகள் சாதாரண உடலுக்கு நன்மைபயக்கும் பாக்டீரியாக்களையும் கொல்வதனால் இந்நிலை தோன்றலாம்.
உயிராபத்தில்லாத சாதாரண நோய்களை தரும் நோய்க்காரணிகள் (உ.ம்: சாதாரண தடிமலை (common cold) ஏற்படுத்தும் வைரசு) முதல், உலகளவில் அதி வேகமாக பரவி, மக்கள் சனத்தொகையில் கணிசமான அளவு இறப்பை ஏற்படுத்தும் அபாயமான நோய்க்காரணிகள் வரை நமது சூழலில் காணப்படுகின்றன. தற்கால சூழலில், எச்.ஐ.வீ (HIV) வைரசானது, உலகளவில் பல மில்லியன் மக்களில் தொற்றை ஏற்படுத்தி, எய்ட்சு நோயை உருவாக்கி, இன்ஃபுளுவென்சா வைரசுடன் சேர்ந்து, மக்கள் இறப்புக்கு காரணமாகும், அபாயகரமான ஒரு நோய்க்காரணியாகும்.
தடுப்பூசி (vaccination), கிருமியெதிர்ப்பி (antibiotics), பங்கசு எதிர்ப்பி அல்லது பூஞ்சையெதிர்ப்பி (fungicides) பாவனைகளால், மருத்துவ முன்னேற்றமானது பல நோய்க்காரணிகளின் தொற்றையும், அவற்றால் உருவாகும் நோய்களையும் கட்டுப்பாட்டுக்குள் கொண்டு வந்திருந்த போதிலும், மேலும் புதிய நோய்க்காரணிகளின் அறிமுகத்தாலும், ஏற்கனவே காணப்படும் நோய்க்காரணிகளில் ஏற்படும் தெரிவான மாற்றங்களால், அவை மருந்துகளுக்கெதிரான எதிர்ப்புத் தன்மையைக் காட்டும் புதிய வகைகளை உருவாக்கிக் கொள்வதாலும், நோய்க்காரணிகளால் மனித இனத்திற்கு இருக்கும் ஆபத்து தொடர்ந்து கொண்டே இருக்கின்றது. நல்ல உணவுப் பழக்க வழக்கத்தை கொண்டிருத்தல், தகுந்த உடல் சுகாதாரம் பேணல், நல்ல குடிநீர்ப் பாவனை போன்ற சில செயற்பாடுகளால் நோய்க்காரணிகளின் தாக்கத்தை ஓரளவு குறைத்து வைத்திருக்க முடியும்.
வகைகள்
நோய்க்காரணிகளின் உருவ அமைப்பு, மற்றும் அவை தாம் வாழும் ஓம்புயிரில் ஏற்படுத்தும் தாக்கம் என்பவற்றைக் கொண்டு நோய்க்காரணிகள் வகைப்படுத்தப்படலாம்.
வைரசு
வைரசுக்கள் பொதுவாக 20-300nm நீளமுள்ள உயிரினங்களாகும். Adenoviridae, Picornaviridae, Herpesviridae, Hepadnaviridae, Flaviviridae, Retroviridae, Orthomyxoviridae, Paramyxoviridae, Papovaviridae, Rhabdoviridae, Togaviridae குடும்ப உறுப்பினர்களாகிய வைரசுக்களே பொதுவான நோயுருவாக்கும் வைரசுக்களாக இருக்கின்றன. இவை உருவாக்கும் குறிப்பிடும்படியான தொற்றுநோய்கள் சின்னம்மை, தட்டம்மை, கூவைக்கட்டு, பெரியம்மை போன்றன. அபாயகரமான நோயான எய்ட்சு நோய்க்காரணி, பல்வேறு வகையான இன்ஃபுளுவென்சா காய்ச்சலைத் தரும் நோய்க்காரணிகளும் வைரசுக்களே ஆகும்.
பாக்டீரியா
பாக்டீரியாக்கள் பொதுவாக 1-5µm நீளமுள்ள உயிரினங்களாகும்.
அதிகமான பாக்டீரியாக்கள் நோயிருவாக்காதவையாகவும், ஆபத்தற்றவையாகவும், நன்மை பயப்பனவாகவும் இருந்தபோதிலும், சில பாக்டீரியாக்கள் நோய்க்காரணிகளாகத் தொழிற்பட்டு தொற்றுநோயை ஏற்படுத்துகின்றன. உலகில் மிகவும் பொதுவானதும், அதிகளவில் காணப்படுவதுமான பாக்டீரியவால் உருவாகும் நோய் காசநோய் ஆகும். இந்நோயானது, Mycobacterium tuberculosis என்னும் பாக்டீரியாவினால் ஏற்படும் தொற்றுநோய் ஆகும். Streptococcus, Pseudomonas போன்ற பாக்டீரியாக்களால், நுரையீரல் அழற்சி அல்லது நியூமோனியா (Pneumonia) வும், Shigella, Campylobacter, Salmonella போன்ற பாக்டீரியாக்களால் சில உணவிலிருந்து உருவாகும் தொற்றுநோய்களும் வருகின்றன. இவை தவிர, ஏர்ப்புநோய் (tetanus), தொழுநோய் (leprosy), தைபொய்ட் காய்ச்சல் (typhoid fever), குக்கல் (diphtheria), சிபிலிசு (syphilis) எனப்படும் பாலியல் நோய் போன்றனவும் பாக்டீரியாக்களால் ஏற்படும் தொற்றுநோய்கள் ஆகும். பாக்டீரியாவினால் ஏற்படும் தொற்றுநோய்களை கட்டுப்படுத்த கிருமியெதிர்ப்பிகள் அல்லது நுண்ணுயிர்கொல்லிகள் பாவிக்கப்படுகின்றன. ஆனாலும் அவற்றிற்கெதிராக புதிய வகை பக்டீரியாக்கள் உருவாவது பெரும் பிரச்சனையை தருகிறது (உ.ம்: காசநோய்க்கு பாவிக்கப்படும் மருந்துகளை எதிர்க்கும் தன்மை கொண்ட (Multi Drug Resistance) M.tuberculosis வகை தோன்றியிருப்பதால் காசநோய்க் கட்டுப்பாடு போதியளவில் செயற்படுத்த முடியாமல் உள்ளது.
பூஞ்சை
பொதுவாக பூஞ்சைகள் விதைகளைக் (spores) கொண்டிருக்கும். அவ்விதைகளின் நீளம் பொதுவாக 1-40µm ஆக இருக்கும். பூஞ்சை அல்லது பங்கசு தொற்றுநோய்கள் பொதுவாக நோய் எதிர்ப்பாற்றல் முறைமையானது மிகவும் தளர்ந்த நிலமையில் இருக்கும்போதே ஏற்படுகின்றன. பூஞ்சையின் உயிரணுக்கள் அல்லது கலங்கள், தாம் வாழும் ஓம்புயிரின் உயிரணுக்களை ஒத்திருப்பதால், அவற்றின் உயிரணுக்களை அழிக்க கிருமியெதிர்ப்பிகளைப் பாவிக்க முடியாது. பூஞ்சையெதிர்ப்பி பாவிக்கப்படலாம்.
Prions
நியூக்கிளிக் அமிலங்களைக் கொண்டிராத தொற்றுநோய்க்காரணிகள் Prions என அழைக்கப்படும். Prion தொற்றினால் ஏற்படும் புரதமூலக் கூறுகளின் தொழிற்பாட்டுக் குறைவே நோய்க்கு காரணமாகின்றது. இவ்வகை நோய்களாவன scrapie, bovine spongiform encephalopathy (mad cow disease), Creutzfeldt–Jakob disease [3].
புரோட்டோசோவா
பிளாஸ்மோடியம் (Plasmodium) என்னும் புரோட்டோசோவா (Protozoa) சாதியைச் சேர்ந்த உயிரினமானது மலேரியா தொற்றுநோயை உருவாக்குகிறது.
அடிக்குறிப்புகள்
- ↑ http://www.medterms.com/script/main/art.
- ↑ http://www.metapathogen.com
- ↑ The prion diseases STANLEY B. PRUSINER, Scientific American