அரிக்கேன் விளக்கு
அரிக்கேன் விளக்கு எல்லோராலும் லாந்தர் விளக்கு என்று அழைக்கப்படுவது அரிக்கேன் விளக்காகும்[1]. சிம்னிவிளக்கின் வெளிச்சக்குறைவைப் போக்குவதற்காக இவ்விளக்கானது உருவாக்கப்பட்டது.
மேம்பட்ட பாதுகாப்பு
[தொகு]தீப்பந்தம் போல் காற்றில் அனணந்து விடாமலும், சிம்னி விளக்கினைப் போல் வெளிச்சம் குறைவாக இல்லாமலும் மேம்பட்ட வடிவமைப்பின் மூலம் காற்றில் அணைந்துவிடாமல், மிகுதியான வெளிச்சத்தைத் தருவது அரிக்கேன் விளக்காகும்.
வகை இரண்டு
[தொகு]மின்சார விளக்கின் பயன்பாட்டுக்காலத்திற்கு முன்பாக சிம்னி, அரிக்கேன் எனும் இருவிளக்குகளின் பயன்பாடுகளே அதிகம்.
வீட்டு விளக்கு
[தொகு]சிம்னி விளக்கு வீட்டிற்குள் புழங்குகின்ற விளக்காகப் பயன்பட்டது. அதாவது இரவு வந்தவுடன் சுமாா் ஏழு மணிவாக்கிலேயே சிம்னி விளக்கின் வெளிச்சத்திலேயே அனைவரும் இரவு உணவை உண்டு முடித்துவிடுவார்கள்.
தோட்ட விளக்கு
[தொகு]இரவு நேரங்களில் தோட்ட வேலைகளுக்கும்,கழனி வேலைகளுக்கும் , ஊர்கடந்து போகின்ற பயணங்களுக்கும் அாிக்கேன் விளக்கு பயன்படுத்தப்பட்டது.
சொல் விளக்கம்
[தொகு]அரிக்கேன் விளக்கு
| ஆங்கிலப்பெயர் | தமிழ்ப்பெயர் | பெயர் விளக்கம் |
|---|---|---|
| HURRICANE | அரிக்கேன் | புயல் |
புயல் காற்றிலும் அணையாத விளக்கு என்பது பெயர்விளக்கம்.
வடிவச் சிறப்பு
[தொகு]சிம்னிவிளக்கில் குறைந்த அளவு மண்ணெண்ணெயே நிரப்பமுடியும். நீண்ட நேரத்திற்குப் பயன்படுத்த முடியாது. ஆனால் அரிக்கேன் விளக்கானது நீண்ட நேரம் வெளிச்சத்தைத் தரும்வகையில் பெரிய அளவிலான எண்ணெய் சேமிப்புக்கலனைக் கொண்டுள்ளது.
பயன்பாட்டிடங்கள்
[தொகு]குறிப்பாக வீடுகளில் அன்றுமுதல் இன்றுவரை மிகுந்த வரவேற்புடன் காணப்படும் இவ்விளக்கானது மினசாரம் நின்றவுடன் தனது பயன்பாட்டை மிகச்சிறப்பாக செய்யத் தொடங்கிவிடும். இவ்விளக்கின் திரி அகலவடிவம் கொண்டதாக அமைந்திருப்பதால் அதிகமான வெளிச்சப்பயன்பாட்டை பெறமுடிகிறது.
அமைப்பு நுட்பம்
[தொகு]எங்கு வேண்டுமானாலும் எடுத்துச் செல்லும் வகையில் கைப்பிடி வளையத்தோடு இந்த விளக்குக் காணப்படும். 40 வருடங்களுக்கு முற்பட்ட காலங்களில் பயணங்களின் போது இவ்விளக்கின் பயன்பாடு பெரிதும் உதவியாக இருந்தது வந்தது.
அரிக்கேன் விளக்கின் பகுதிகள்
[தொகு]- மண்ணெண்ணெய் சேமித்து வைக்கும் கலன்
- திரி ஏற்றும் பகுதி
- கண்ணாடிக் குடுவைப் பகுதி
- புகைபோக்கிப் பகுதி
- விளக்கின் கைவளையப் பகுதி.
தவிர்க்கமுடியத பயன்பாடு
[தொகு]கடலில் மீன்பிடிக்கச் செல்லும் மீனவர்களுக்கு இவ்வகை விளக்குகள் பெரிதும் துணைப்பொருளாக விளங்குகின்றன. கடல் பகுதியில் எவ்வளவு காற்று வீசினாலும் இந்த விளக்கு அணையாததே இதற்குக் காரணம்.
பயன்பாட்டுச் சிறப்புகள்
[தொகு]- எடை குறைவு
- கையாளுவதற்கு எளிமை
- வெளிச்ச மிகுதி
- நீண்ட நேரம் எரியும் பயன்பாடு
- அதிக எண்ணெயைச் சேமித்து வைத்துக் கொள்ளும் வசதி
- புயல் காற்றிலும் அணைந்து விடாத விளக்கின் வடிவம்
- திரியை ஏற்றி இறக்குவதற்கு இலகுவான நகர்த்திப் பகுதி
சீதன விளக்கு
[தொகு]பெண்ணுக்குத் திருமணம் முடிந்து கணவன் வீட்டிற்குச் செல்லும் போது கொடுத்தனுப்புகின்ற சீதனப்பொருட்களில் சிம்னி விளக்கும் , அரிக்கேன் விளக்கும் அவசியம் வைக்கப்படும். மின்சார விளக்குகள் மலிந்த இந்தக்காலத்திலும் இந்த பண்பாடு இன்றளவும் பின்பற்றப்படுகிறது.