ஷேன் பாண்ட்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
2009 இல் பாண்ட்

ஷேன் எட்வர்டு பாண்ட் (Shane Edward Bond (பிறப்பு: 7 சூன் ,1975) என்பவர்  நியூசிலாந்துத் துடுப்பட்ட அணியின் முன்னாள் வீரர் ஆவார். தற்போது இவர் இந்தியன் பிரீமியர் லீக் தொடரில்மும்பை இந்தியன்ஸ் அணியின் தலைமைப் பந்துவீச்சுப் பயிற்சியாளராக உள்ளார். நியூசிலாந்துத் துடுப்பாட்ட அணியின் சர் ரிச்சர்டு ஹேட்லீ என இவர் அழைக்கப்பட்டார் .[1][2][3] இவர் நியூசிலாந்துத் துடுப்பாட்ட அணிக்காக தேர்வுத் துடுப்பாட்டம் , ஒருநாள் பன்னட்டுத் துடுப்பாட்டம் மற்றும் பன்னாட்டு இருபது20 ஆகிய போட்டிகளில் விளையாடியுள்ளார். மேலும் இவர் கேண்டர்பியூரி அணிக்காக நியூசிலாந்தின் உள்ளூர்ப் போட்டிகளிலும் வார்க்விக்‌ஷயர் அணிக்காக இங்கிலாந்து உள்ளூர்ப் போட்டிகளிலும் இவர் விளையாடியுள்ளார். இவர் வலது கை விரைவு வீச்சாளர் ஆவார்.2003 ஆம் அண்டில் நடைபெற்ற துடுப்பாட்ட உலகக் கிண்னத் தொடரில் இந்திய துடுப்பாட்ட அணிக்கு எதிரான போட்டியில் இவர் மணிக்கு 156 கிலோமீட்டர் வேகத்தில் இவர் பந்துவீசினார்.[4]

பாண்டின் துடுப்பாட்ட வாழ்க்கையில் பெரும்பான்மையான காலங்கள் காயங்களினால் அவதிப்பட்டுள்ளார்.2004 ஆம் ஆண்டில் காயம் ஏற்படாமல் இருப்பதற்கு அறுவை சிகிச்சை செய்துகொண்டார்[5] ஆனால் அவை முழுமையான பலனை அளிக்கவில்லை. இந்தக் காயங்களினால் இவர் பல தொடர்களில் விளையாட இயலாமல் போனது. 2001 ஆம் ஆண்டில் இவர் விளையாடத் துவங்கினார் . ஆனால் மொத்தமாக இவர் 18 தேர்வுத் துடுப்பட்டப் போட்டிகளில் மட்டுமே விளையாடியுள்ளார். பின் 2009 ஆம் ஆண்டில் தேர்வுத் துடுப்பாட்டப் போட்டிகளில் இருந்து ஓய்வு பெற்றார். அப்போது அவருக்கு வயது 34 ஆகும்.[6]

2008 ஆம் ஆண்டில் இந்தியன் கிரிக்கெட் லீக்கில் விளையாடியதால் இவருக்கு 18 மாதங்கள் விளையாடுவதற்கு நியூசிலாந்து துடுப்பாட்ட வாரியம் தடை விதித்தது.[7] மேலும் இவருடன் செய்த ஒப்பந்தத்தையும் 2008 ஆம் ஆண்டில் திரும்பப் பெற்றது.[8] பின் 2009 ஆம் ஆண்டில் இவர் அணியில் மீண்டும் சேர்க்கப்பட்டார்.[9] சனவரி 2010 ஆம் ஆண்டில் இந்தியன் பிரீமியர் லீக் தொடரின் மூன்றாவது பருவகாலத்தில் இவர் கொல்கத்தா நைட்ரைடர்ஸ் அணிக்காக விளையாடினார். மே 13, 2010 இல் அனைத்து வடிவ போட்டிகளில் இருந்தும் ஓய்வு பெறுவதாக அறிவித்தார். நியூசிலாந்துத் துடுப்பாட்ட அணியின் சிறந்த பந்துவீச்சாளராக இவரை கிரிக் இன்ஃபோ தளம் அறிவித்தது.[10]

தேர்வுத் துடுப்பாட்டப் பந்துவீச்சாளர்களின் சிறந்த ஸ்டிரைக் ரேட் வைத்துள்ளவர்களின் பட்டியலில் இவர் இரண்டாம் இடத்தைப் பிடித்துள்ளார். முதல் இடத்தில் ஜார்ஜ் லோமன் உள்ளார்.[11]

சர்வதேச போட்டிகள்[தொகு]

சனவரி 26, 2002 ஆம் ஆண்டில் ஆத்திரேலியத் துடுப்பாட்ட அணிக்கு எதிரான ஒருநாள் பன்னாட்டுத் துடுப்பாட்டப் போட்டியில் இவர் 10 ஓவர்கள் வீசி 25 ஓட்டங்களை விட்டுக் கொடுத்து 5 இலக்குகளைக் கைப்பற்றினார். இந்தப் போட்டியில் நியூசிலாந்து அணி வெற்றி பெற்றது. பின் துடுப்பாட்ட உலகக்கிண்னத் தொடரில் இதே அணிக்கு எதிராக 10 ஓவர்கள் வீசி 23 ஓட்டங்களை மட்டுமே கொடுத்து 6 இலக்குகளைக் கைப்பற்றினார். ஆத்திரேலிய அணிக்கு எதிராக நியூசிலாந்து பந்துவீச்சாளரின் சிறந்த பந்துவீச்சாக இது உள்ளது.

இந்தியன் பிரீமியர் லீக்[தொகு]

சனவரி 2010 ஆம் ஆண்டில் இந்தியன் பிரீமியர் லீக் தொடரின் மூன்றாவது பருவகாலத்தில் இவரை ஏலத்தில் எடுப்பதற்கு பல அணிகளிடையே கடும்போட்டி நிலவியது. பின் இவரை சாருக் கான் உரிமையாளராக உள்ள கொல்கத்தா நைட்ரடர்ஸ்  அணி நிராவாகம் இவரை 750,000 அமெரிக்க டாலர் மதிப்பில் ஏலத்தில் எடுத்தது.

References[தொகு]

  1. "Bond named New Zealand Bowling Coach". Wisden India. 18 October 2012. http://www.wisdenindia.com/cricket-news/bond-named-zealand-bowling-coach/31267. 
  2. "Shane Bond quits Test cricket | Cricket | ESPN Cricinfo". பார்த்த நாள் 2017-07-14.
  3. "The best of Bond". ESPNcricinfo. பார்த்த நாள் 11 March 2017.
  4. Top 10 World’s Fastest Deliveries in the Cricket History. Retrieved 6 January 2013.
  5. Bond decides to go under the knife. Cricinfo, retrieved 28 March 2008
  6. "Brief but brilliant". ESPNcricinfo. பார்த்த நாள் 11 March 2017.
  7. Bond's New Zealand days appear over. Cricinfo, retrieved 28 March 2008
  8. New Zealand terminate Bond contract. Cricinfo, retrieved 27 March 2008
  9. "Bond available for New Zealand | Cricket | ESPN Cricinfo" (2009-06-20). பார்த்த நாள் 2017-07-14.
  10. "Shane Bond retires from all cricket". ESPNcricinfo (14 May 2010). பார்த்த நாள் 15 May 2010.
  11. "Best Test career strike rates.". ESPNcricinfo. பார்த்த நாள் 6 April 2008.

வெளியிணைப்புகள்[தொகு]

"https://ta.wikipedia.org/w/index.php?title=ஷேன்_பாண்ட்&oldid=2714182" இருந்து மீள்விக்கப்பட்டது