வீசனம்

வீசனம்
மங்கோலிய வீசனம்
உயிரியல் வகைப்பாடு

வீசனம் (Pheasant) எனும் பறவை ஆசியாவைத் தாயகமாகக் கொண்டது. இமயமலையிலும், திபெத்து, சீனா முதலிய நாடுகளிலும் இது மிகுதியாக உண்டு. இங்கிருந்து கிரேக்கர்களாலும், ரோமானியர்களாலும் ஐரோப்பாவுக்குக் கொண்டு செல்லப்பட்டது. பிறகு அமெரிக்காவிலும்விற்கும் கொண்டு செல்லப்பட்டது. இந்தியாவில் இப்பறவை காணப்படுவதில்லை.

சிறப்பு

இன்று அமெரிக்காவில் தென் டகோடா மாநிலத்தின் தேசியப் பறவையாக உள்ளது.

உணவுப்பழக்கம்

இப்பறவைகள் விதைகள், தானியங்கள், வேர்கள் மற்றும் சிறு பழங்களைச் சாப்பிடுகின்றன, கோடையில் அவை பூச்சிகள், புதிய பச்சை தளிர்கள், சிலந்திகள், மண்புழுக்கள் மற்றும் நத்தைகள் ஆகியவற்றை உணவாகக் கொள்கின்றன.

இயல்பும் வகைகளும்

ஆண்பறவைகள் கூடுகட்டுவதில் ஈடுபடுவதில்லை. ஒவ்வொரு ஆணும் பல பெண் பறவைகளுடன் வாழும். வீசனம் கோழிக்கும் மயிலுக்கும் நெருங்கிய உறவானது. மயிலைப் போலவே, இப்பறவையும் இரவில் ஆபத்துக்கு தப்ப மரக்கிளைகளின் உச்சியில் தூங்கும் இயல்புடையது. ஆண் பறவை பெண் பறவையை விட அதிக நாட்கள் உயிர்வாழும் தன்மையுடையது. ஆண் பறவை பெண் பறவையைவிட நீளமான வாலினைக் கொண்டது.

வீசனம் பறவை அதன் நிறத்திற்கேற்ப பொன் வீசனக் கோழி, வெள்ளி வீசனக்கோழி என அறியப்படுகின்றன. இதன் இறைச்சி உண்பதற்கு ஏற்றது. கொண்டை வீசனக் கோழிக்குத் தலையில் மயிலைப்போலக் கொண்டை உண்டு. இதன் நிறம் பிரகாசமான மரகதப் பச்சையும் அதனுடன் சிவப்பும் பொன்னிறமும் கலந்திருக்கும். பெண் பறவைக்கு நிறம் மஞ்சளாக இருக்கும்.

நூறு கண் வீசனக்கோழி

நூறு கண் வீசனக்கோழி (Argus Pheasant) சுமத்திராவிலும், மலேசியாவிலும் உண்டு. இதன் வாலிலும் சிறகிலும் கண்கள் போன்ற வெண்மையும் கருமையும் கலந்த பல புள்ளிகள் இருப்பதால் இப்பெயர் வந்தது. ஆண் நடிக்கும்போது சிறகுகளை விரித்து அவைகளிலுள்ள கண்களைக் காட்டி ஆடும்.

சொற்பிறப்பியல்

ஆக்ஸ்போர்டு ஆங்கில அகராதியின்படி, "ஃபெசண்ட்" என்ற வார்த்தையானது, ஜோர்ஜியாவில் இப்போது ரியோனி நதி என்று அழைக்கப்படும் புராதனப் பெயரான "ஃபாஸிஸ்" (Phasis) என்பதிலிருந்து வந்தது. இது கிரேக்க மொழியிலிருந்து லத்தீன் மொழிக்கு பிரெஞ்சு மொழிக்கும் பின்னர் ஆங்கிலத்திற்குச் சென்றது, 1299 ஆம் ஆண்டில் ஆங்கிலத்தில் முதல் முறையாக தோன்றியது.

மேற்கோள்கள்

• "குழந்தைகள் கலைக் களஞ்சியம்",1993, சென்னை:தமிழ் வளர்ச்சிக் கழகம்.
• Beebe, William. 1918-22. A Monograph of the Pheasants. 1st edition in 4 volumes: H. F. Witherby, London. Reprint: 1990, Dover Publications.(4 volumes bound as 2). பன்னாட்டுத் தரப்புத்தக எண் 0-486-26579-X and பன்னாட்டுத் தரப்புத்தக எண் 0-486-26580-3. Republished as: Pheasants: Their Lives and Homes. 2 vols. 1926. Single volume edition: New York Zoological Society, 1936.)
• Green-Armytage, Stephen. 2002. Extraordinary Pheasants.Harry N. Abrams, Inc., New York. Book பன்னாட்டுத் தரப்புத்தக எண் 0-8109-1007-1.
• Madge and McGowan, Pheasants, Partridges and Grouse பன்னாட்டுத் தரப்புத்தக எண் 0-7136-3966-0

வெளி இணைப்புகள்

காணொலி [1] பரணிடப்பட்டது 2016-06-01 at the வந்தவழி இயந்திரம்