விக்ரம் வேதா

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

விக்ரம் வேதா  என்பது 2017 ஆண் ஆண்டு வெளியான ஓர் இந்தியத் தமிழ்த் திரைப்படம் ஆகும். இது ஓர்குற்றத் திகித் திரைப்படம் ஆகும். புஷ்கர் மற்றும் காயத்ரி  இத்திரைப்படத்தை இயக்கியுள்ளனர்.  R. மாதவன் மற்றும் விஜய் சேதுபதி முன்னணி பாத்திரங்களில் நடித்துள்ளனர். சாரதா ஸ்ரீநாத், வரலட்சுமி, கதிர் மற்றும் ஜான் விஜய் ஆகியோர் உப கதாப்பாத்திரங்களாக நடித்துள்ளனர். வை நாட் ஸ்டூடியோஸ் இத்திரைப்படத்தை தயாரித்துள்ளது. மேலும் இத்திரப்படத்தின் திட்டம் 2014 ஆம் ஆண்டில் இடம்பெற்ற போது படப்பிடிப்பு 2016 ஆம் ஆண்டு நவம்பர் மாதமளவில் ஆரம்பமாகியது. இத்திரைப்படத்தில் விஜய் சேதுபதி ஓர் தாதாவாக நடித்துள்ளார்.[1][2]

நடிப்பு[தொகு]

கதைச்சுருக்கம்[தொகு]

இத்திரைப்படத்தின் கதை பழங்கால இந்தியக் கதையான விக்ரமாதித்யன் வேதாளத்தின் கதையை ஒத்தது.காவல்துறை ஆய்வாளரான விக்ரம், வேதா எனும் வில்லனின் கூட்டத்தை அழிக்க நினைக்கின்றான். வேதாவை விக்ரம் கொல்ல நினைக்கும் போது தனது கதைகளால் புதிர் போட்டு உண்மையான கொலைகாரர்களை விக்ரம் பிடிக்க வேதா வழிவகை செய்கிறான்.

விருதுகள்[தொகு]

சிறந்த திரைக்கதைக்கான விகடன் விருதை இப்படத்திற்காக புஷ்கர் மற்றும் காயத்திரி பெற்றனர். அதேபோல சிறந்த பின்னனிப் பாடகருக்கான விகடன் விருதை அனிருத் ரவிச்சந்திரனும், சிறந்த வில்லனுக்கான விகடன் விருதை விஜய் சேதுபதியும் பெற்றனர். ஐ.எம்.டி.பி வெளியிட்ட 2017 ஆம் ஆண்டின் முதல் பத்து சிறந்த இந்தியத் திரைப்படங்களின் பட்டியலில் விக்ரம் வேதா முதலிடத்தைப் பிடித்தது.

இசை[தொகு]

இத்திரைப்படத்தின் இசை மற்றும் பின்னணி இசையை உருவாக்கியவர் சி.எஸ்.சாம். இத்திரைப்படத்தில் நான்கு பாடல்கள் உள்ளன. டசக்கு டசக்கு பாடல் முதலில் ஜூன் 5, 2017 அன்று வெளிவந்தது. அதன்பின் ஒரு வாரம் கழித்து யான்ஜி பாடல் வெளியிடப்பட்டது. மொத்தப்படல்களும் மின்னிசையாக 2017 ஆம் ஆண்டு ஜூன் மாதம் 16 ஆம் திகதி அன்று வெளியிடப்பட்டது. விமர்சகர்களால் நல்ல முறையில் விமர்சிக்கப்பட்டது.

பாடல்கள்[தொகு]

யான்ஜி யான்ஜி எனும் பாடலை அனிருத் ரவிச்சந்தர், சக்தி ஸ்ரீ கோபாலன், சத்யப்பிரகாஷ் ஆகியோர் பாடியுள்ளனர், மோகன் ராஜன் பாடல்வரிகளை எழுதியுள்ளார்.
கருப்பு வெள்ளை எனும் பாடலை சிவம், சி.எஸ்.சாம் ஆகியோர் பாடியுள்ளனர், விக்னேஷ் ஷிவன் பாடல்வரிகளை எழுதியுள்ளார்.
டசக்கு டசக்கு எனும் பாடலை முகேஷ், குணா, எம்.எல்.ஆர். கார்த்திகேயன் ஆகியோர் பாடியுள்ளனர், முத்தமிழ் பாடல்வரிகளை எழுதியுள்ளார்.
போகாத என்னவிட்டு எனும் பாடலை பிரதீப் குமார், நேஹா வேணுகோபால் ஆகியோர் பாடியுள்ளனர், சி.எஸ்.சாம் பாடல்வரிகளை எழுதியுள்ளார்.

வெளியீடு மற்றும் வசூல்[தொகு]

விக்ரம் வேதா திரைப்படத்திற்கு இந்திய மத்திய அரசின் திரைப்படத் தணிக்கை துறை முதலில் ஏ சான்றிதழ் வழங்கியிருந்தது. பிறகு திரைப்பட தயாரிப்பாளர்களால் மறுபரிசீலனைக்கு அனுப்பப்பட்டு 'யூ/ஏ' சான்றிதழ் வழங்கப்பட்டது. ஜூலை 7,2017 ஆம் தேதி வெளிவர இருந்த திரைப்படம் தமிழகம் முழுவதும் நடந்த திரையரங்க உரிமையாளர்களின் வேலை நிறுத்தத்தால் தள்ளிப்போடப்பட்டது. வேலை நிறுத்தத்தால் பாதிக்கப்பட்டிருந்த வனமகன் மற்றும் இவன் தந்திரன் திரைப்பட உரிமையாளர்களை மீட்க இன்னும் சிறிது காலம் திரைப்பட வெளியீடு தள்ளிவைக்கப்பட்டது. பின்னர் இத்திரைப்படம் 21 ஜூலை, 2017 அன்று உலகம் முழுவதும் வெளியிடப்பட்டது. இத்திரைப்படம் மிகப்பெரிய வெற்றியை ஈட்டியது. 2017 ஆம் ஆண்டில் அதிக வசூல் செய்த திரைப்படங்களில் பாகுபாலி இரண்டாம் பாகத்திற்குப் பிறகு இரண்டாம் இடத்தில் வெளியான போது இருந்தது. 11 கோடியில் இத்திரைப்படம் உருவாக்கப்பட்டது. வெளியான முதல் வார இறுதியில் தமிழ்நாட்டில் மட்டும் 10 கோடியை இத்திரைப்படம் வசூல் செய்தது. உலகம் முழுவதும் 17 கோடியை வசூல் செய்தது. ஒரு வாரத்தில் உலகம் முழுவதுமிருந்து 40 கோடியை இத்திரைப்படம் வசூலித்தது. இரண்டாவது வாரமும் நன்றாக ஓடிய திரைப்படம், சென்னையில் மட்டுமே 50 நாட்கள் ஓடியது. இயக்குனர்கள் புஷ்கர் மற்றும் காயத்திரி, தயாரிப்பாளர், நடிகர்கள் விஜய் சேதுபதி, மாதவன் ஆகியோரின் திரை வாழ்க்கையில் நல்ல லாபம் ஈட்டிய திரைப்படமாக இப்படம் அமைந்தது. இத்திரைப்படம் அமெரிக்காவிலும் நல்ல வசூலை ஈட்டியது. அமெரிக்காவில் முதல் வாரத்திலேயே 3,60,000 அமெரிக்க டாலர்களை வசூலித்து அதிக வசூலை ஈட்டிய முதல் தமிழ்த்திரைப்படம் எனும் சதனையையும் படைத்தது. இத்திரைப்படத்தின் முடிவை பொதுமக்கள் அதிகமாக எதிர் நோக்குவதால் முக்கிய கதாப்பாத்திரங்களில் நடித்த நடிகர்கள் ஒப்புக்கொண்டால் இரண்டாம் பாகம் வெளியிடப்படும் என்னும் அறிவிப்பை புஷ்கர் மற்றும் காயத்திரி வெளியிட்டுள்ளனர். மார்ச் மாதம் 15 ஆம் திகதி இத்திரைப்படத்தை இந்தி மொழியில் மறு உருவாக்கம் செய்யும் அறிவிப்பை வெளியிட்டனர்.

மேற்கோள்கள்[தொகு]

  1. "Madhavan: I know 23-year-old girls lust after me". பார்த்த நாள் 2016-11-21.
  2. "Madhavan to face off against Vijay Sethupathi". பார்த்த நாள் 2016-11-21.
"https://ta.wikipedia.org/w/index.php?title=விக்ரம்_வேதா&oldid=2658413" இருந்து மீள்விக்கப்பட்டது