வனிதா நாராயணன்

வனிதா நாராயணன், இந்தியாவின் தமிழ்நாட்டைச் சேர்ந்த வணிக நிர்வாகியும், பல்வேறு நிறுவனங்களில் தலைமை பொறுப்பேற்று நடத்தியுள்ள, நிர்வாக இயக்குநருமாவார். 2017 மற்றும் 2018 ஆண்டுகளில் ஐபிஎம் இந்தியா நிறுவனத்தின் தலைவராக இருந்துள்ளார், அதற்கு முன்னதாக, ஐபிஎம் இந்தியாவின் நிர்வாக இயக்குநராகவும், அந்நிறுவனத்தின் இந்தியா மற்றும் தெற்காசியாவிற்கான பிராந்திய பொது மேலாளராகவும் பணியாற்றியுள்ளார்.

வனிதா, 1987 ஆம் ஆண்டில் அமெரிக்காவில் உள்ள ஐபிஎம் நிறுவனத்தில் பணியில் சேர்ந்துள்ளார். ஐபிஎம்மின் வளர்ச்சி மற்றும் உருமாற்றக் குழுவில் உறுப்பினராக பணியாற்றியுள்ளார் அந்நிறுவனத்தின் பல்வேறு கிளைகளில் பணிபுரிந்துள்ளார், மேலும் ஐபிஎம் தொழிற்பள்ளியிலும் சேர்ந்து, பல்வேறு தலைமைத்துவ மேம்பாடு மற்றும் பன்முகத்தன்மை முன்முயற்சிகளுக்கு தலைமை தாங்கியுள்ளார். பெண்களின் தலைமைத்துவ வழி திட்டத்தை உருவாக்குவதற்கான நிர்வாகத்தின் பொறுப்பாளராகவும் இருந்துள்ளார்.  

• 2015 - 2016  ஆண்டுகளில், அமெரிக்க வர்த்தக சபையின் இந்திய பிரிவிற்கு தலைவர்
• நாஸ்காம் கூட்டமைப்பின் நிர்வாகக் குழு உறுப்பினர்
• தேசிய தொழில்நுட்பக் கழகம் கர்நாடகம் (என்.ஐ.டி.கே)யின் தலைவர்
• இந்திய தொழில் கூட்டமைப்பின் உறுப்பினர்

என்பது போன்ற பல்வேறு பதவிகளிலும் வனிதா சிறப்பாக செயல்பட்டுள்ளார்.

விருதுகள் மற்றும் அங்கீகாரம்

2017 ஆம் ஆண்டில் பார்ச்சூன் இந்தியா மற்றும் பிசினஸ் டுடே ஆகிய பத்திரிகைகளால் 'மிகவும் சக்திவாய்ந்த பெண்களில்' ஒருவராக வனிதா குறிப்பிடப்பட்டுள்ளார். சிஎக்ஸ்ஓ டுடே, 2016 ஆம் ஆண்டில் உலகளாவிய இந்திய சூப்பர் பெண்கள் பன்னிருவரில் ஒருவராக வனிதா, குறிப்பிடப்பட்டுள்ளார்.

கல்வி

வனிதா, சென்னைப் பல்கலைக்கழகத்தில் வணிக நிர்வாகம் மற்றும் விற்பனையில் முதுகலை வணிக மேலாண்மை பட்டம் பெற்றுள்ளார். தவிர, அவர் சென்னை ஸ்டெல்லா மேரிஸ் கல்லூரியில் தாராளவாதக் கலைகளில் இளங்கலைப் பட்டமும் பெற்றவராவார்.

தனிப்பட்ட வாழ்க்கை

நாராயணன் அமெரிக்காவில் வசித்து வருகிறார். இவருக்கு திருமணமாகி ஒரு மகள் மற்றும் பேரக்குழந்தை உள்ளது.