ராமேஷ்வர் பதக்
| ராமேஷ்வர் பதக் | |
|---|---|
| பிறப்பு | 1 மார்ச்சு 1938 பெல்லாவின் நாகோன் கிராமம், பார்பேட்டா மாவட்டம், அசாம், இந்தியா |
| இறப்பு | 3 திசம்பர் 2010 (அகவை 72) கவுகாத்தி,அசாம், இந்தியா |
| இசை வடிவங்கள் | காமரூப் லோக் கீத் |
| தொழில்(கள்) | ஆசிரியர் பாடகர் |
| இசைக்கருவி(கள்) | குரலிசை |
| இசைத்துறையில் | 1965-2010 |
ராமேஷ்வர் பதக் (1 மார்ச் 1938 - 3 டிசம்பர் 2010) இந்தியாவின் அஸ்ஸாமில் உள்ள காம்ரூப்பைச் சேர்ந்த புகழ்பெற்ற காம்ரூபி லோக்கீத் பாடகர் ஆவார். [1] 1963 முதல் 1996 வரை குவஹாத்தியில் உள்ள ஆர்ய வித்யாபீத் மேல்நிலை மற்றும் பல்நோக்கு பள்ளியில் ஆசிரியராக பணியாற்றியுள்ளார். [2] சங்கீத நாடக அகாடமி விருது பெற்ற ராமேஷ்வர் பதக், அசாமில் லோககீத் துறையில் மகத்தான பங்களிப்பைச் செய்துள்ளார்.
ஆரம்ப கால வாழ்க்கை
[தொகு]பார்பெட்டா மாவட்டத்தில் உள்ள பெல்லாவின் நாகோன் கிராமத்தில் பிறந்த பதக், 11958 ஆம் ஆண்டு மெட்ரிகுலேஷன் தேர்வில் தேர்ச்சி பெற்று, மேல்படிப்புக்காக பார்பெட்டாவில் உள்ள எம்.சி கல்லூரிக்குச் சென்றார். கல்லூரிக்குச் சென்று தனது படிப்பைத் தொடர்ந்தபோது லோககீத் இசையில் கவனம் செலுத்தத் தொடங்கினார். இந்த நேரத்தில், அவர் ஏராளமான பைத்தாகிகளில் (திருமண விழாவிற்கு முன் பாரம்பரிய பாடல் மற்றும் கொண்டாட்ட அமர்வுகள்) கலந்து கொண்டார். மேஸ்ட்ரோ தயாள் சந்திர சூத்ரதாரிடம் போர்கீட் இசைக்கருவியை இசைக்கவும் கற்றுக்கொண்டார்.
1961 ஆம் ஆண்டு குவஹாத்தியில் நடைபெற்ற இளைஞர்களுக்கு இடையேயான கல்லூரி விழாவில் எம்.சி கல்லூரி முதன்முறையாக பங்கேற்றபோது, ராமேஷ்வர் பதக் பல்வேறு வகைகளின் கீழ் பாட்டுப் போட்டிகளில் பங்கேற்று போர்கீத், அதுனிக் கீத், பஜன் மற்றும் கஜல் போன்ற பிரிவுகளில் வெற்றி பெற்றார். இது அவரை பெரிதும் ஊக்கப்படுத்தியது. பி.ஏ இறுதித் தேர்வில் கலந்து கொண்ட உடனேயே, அவருக்கு மேற்பார்வையாளர் சேரும்படி அசாம் காவல்துறையில் இருந்து அழைப்பு வந்தது. அவரது நண்பர் லோஹித் சவுத்ரி, பதக் காவலர் ஆவதை நான் விரும்பவில்லை என்று கூறி அந்த அழைப்புக் கடிதத்தை கிழித்துள்ளார்.
இசை வாழ்க்கை
[தொகு]டிசம்பர் 1963 இல், ராமேஷ்வர் பதக் ஆர்ய வித்யாபீடம் மேல்நிலைப் பள்ளியில் பாட ஆசிரியராகச் சேர்ந்தார். அவர் விரைவில் மாணவர்கள் மற்றும் சக ஊழியர்கள் மத்தியில் ஒரு நல்ல பாடகராக பிரபலமானார். அவரது சக ஊழியரான அப்ஜல் ஹுசைன், குவஹாத்தியின் அனைத்திந்திய வானொலியில் நடைபெற்ற போட்டியில் கலந்துகொள்ள அவரை வற்புறுத்தினார். அந்த போட்டியின் தேர்வின் போது, ராமேஷ்வர் பதக் ஒரு நவீன அசாமிய பாடலைப் பாடினார். இந்நிகழ்ச்சியின் நடுவராக இருந்த, கமல் நாராயண் சவுத்ரி,இத்தகைய நவீன பாடல்களுக்காக தனது பிரகாசமான வாழ்க்கையை தியாகம் செய்வதை விட நாட்டுப்புற பாடல்களை தேர்வு செய்யுமாறு கடின வார்த்தைகளால் கூறினார். அதைப்பின்பற்றிய பதக் அந்த போட்டியில் வெற்றிகரமாக தேர்ச்சி பெற்று வானொலி இசை கேட்போருக்கு பரிச்சயமான பெயராக மாறினார். இதையடுத்து, மாநிலத்தின் மூலை முடுக்கெல்லாம் நிகழ்ச்சி நடத்த அவருக்கு அழைப்புகள் வரத் தொடங்கின.
1ராமேஷ்வர் பதக் தனது வருங்கால மனைவி தானந்தா பதக்கை 1973 ஆம் ஆண்டு சந்தித்தார். வானொலி குரல் தேர்வுக்கு பங்கேற்குமாறு அவளது மூத்த சகோதரரால் அழுத்தம் கொடுக்கப்பட்டது. அதற்கு வழிகாட்டும் பொருட்டு அவளுடைய சகோதரர் அவளை ராமேஷ்வர் பதக்கிடம் அழைத்துச் சென்றார். அவரது வழிகாட்டலின்படி அவள் தேர்ந்தெடுக்கப்பட்டு ஒரு வருடம் கழித்து, அவர்கள் திருமணம் செய்து கொண்டனர்.
அவர்களது திருமணத்திற்குப் பிறகு, ராமேஷ்வர் பதக் மற்றும் தானந்தா பதக் ஆகியோர் பல கிராமபோன் இசைப்பதிவுகள் மற்றும் பல ஒலியிசை தொகுப்புகளில் இணைந்து பணியாற்றினார்கள். அவர்கள் முதன்முறையாக இணை பாடல்கள் மற்றும் கோரஸ் பாணியில் அசாமிய லோககீத்தை வழங்கினர் அதன் மூலம் அசாமிய நாட்டுப்புற இசையின் விரிவுரையாளர்களாக பிரபலமடைந்தனர்.
தானந்தா பர்பெட்டாவின் குடும்பத்தில் இருந்து வந்தவர், இது அவர்களின் வீட்டில் "தி ரோலி ஓபரா" என்று அழைக்கப்படும் ஜாத்ரா விருந்துக்கு சொந்தமானது. அவரது மூத்த சகோதரர்கள் ஓபராவுடன் பல வழிகளில் தீவிரமாக தொடர்பு கொண்டிருந்தனர். அவர்கள் நடித்தனர், பாடினர், டோடோரா, புல்லாங்குழல் போன்ற கருவிகளை வாசித்தனர் மற்றும் ஓபராவின் செயல்பாட்டைத் தொடங்கினர்.
பதக் அஸ்ஸாம் முழுவதிலும் மட்டுமல்லாது,வட இந்தியாவின் டெல்லி, பெங்களூர், மும்பை, ஒரிசா, ஹிமாச்சல், கல்கத்தா மற்றும் வடகிழக்கு இந்தியாவிலும் நிகழ்ச்சிகளை நடத்தியுள்ளார். [3] கலகுரு பிஷ்ணு பிரசாத் ரபா இயக்கிய 'மொய் அமர் லக்ஷ்மிநாத்' என்ற ஆவணப்படத்துடன் அபராஜெயா, சாந்தன், மனஸ் கன்யா, செவாலி உள்ளிட்ட பல படங்களுக்கும் குரல் கொடுத்துள்ளார்.
இறப்பு
[தொகு]அவரது வாழ்வின் கடைசி நாட்களில், பதக் ஒரு இதய நோயாளியாக இருந்தார் அதற்காக மாற்று வழி அறுவை சிகிச்சையும் செய்துள்ளார்.1997 ஆம் ஆண்டில், நகரின் ரவீந்திர பவன் முன், அவர் ஒரு விபத்தை சந்தித்தார், அதில் அவரது மேல் தாடை உடைந்தது. மேலும் அவர் சிகிச்சைக்காக வெளி மாநிலத்திற்குச் சென்றபோது அவருக்கு உடனடியாக அறுவை சிகிச்சை தேவை என கண்டுபிடிக்கப்பட்டது. அசாம் மாநில முதல்வர் அவரது சிகிச்சைக்காக ₹ 80,000 நன்கொடையாக வழங்கினார், கிட்டத்தட்ட ₹ 300,000 செலவழித்து அவரை காப்பாற்றினாலும், ராமேஷ்வர் பதக் பல உறுப்பு செயலிழப்பு மற்றும் பிற நோய்களால் 3 டிசம்பர் 2010 அன்று அவரது வீட்டில் மாரடைப்பு ஏற்பட்டு மருத்துவமனைக்கு கொண்டு செல்லும் வழியில் இறந்தார். அப்போது அவரது வயது 72. அவர் மனைவி மற்றும் குழந்தைகள் உள்ளனர்.
விருதுகள் மற்றும் அங்கீகாரம்
[தொகு]1990 ஆம் ஆண்டு சங்கீத நாடக அகாடமி விருது வழங்கப்பட்டது, அதே ஆண்டு அசாமில் லோககீத் துறையில் மகத்தான பங்களிப்பின் காரணமாக அசாம் மாநில அரசின் கலைஞர் ஓய்வூதியத்திற்காக ராமேஷ்வர் பதக் தேர்ந்தெடுக்கப்பட்டார்.
மேலும் பார்க்கவும்
[தொகு]- பிரதிமா பருவா பாண்டே
- கோல்பரிய லோக்கீத்
- காம்ரூபி பேச்சுவழக்கு
மேற்கோள்கள்
[தொகு]- ↑ "Lokageet maestro Rameswar Pathak dead". assamtribune.com. Assam Tribune. 4 December 2010.
- ↑ "காப்பகப்படுத்தப்பட்ட நகல்". Archived from the original on 2012-04-25. பார்க்கப்பட்ட நாள் 2023-02-28.
- ↑ "KING OF BIHU Passing of a soul singer Khagen Mahanta was curator of an art form he so loved". telegraphindia.com. telegraph india. பார்க்கப்பட்ட நாள் 1 February 2019.