ராசிக் பரீத்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
சேர் ராசிக் பரீத்
Sir Razik Fareed
வர்த்தக அமைச்சர்
கொழும்பு மத்தி தொகுதியின்
நாடாளுமன்ற உறுப்பினர்
பதவியில்
20 சூலை 1960 – 22 மார்ச் 1965
பதவியில்
30 மே 1952 – 19 மார்ச் 1960
பாக்கித்தானுக்கான இலங்கைத் தூதுவர்
தனிநபர் தகவல்
பிறப்பு 29 டிசம்பர் 1893
கொழும்பு
இறப்பு 23 ஆகத்து 1984(1984-08-23) (அகவை 90)
கொழும்பு
தேசியம் இலங்கையர்
அரசியல் கட்சி ஐக்கிய தேசியக் கட்சி
படித்த கல்வி நிறுவனங்கள் கொழும்பு றோயல் கல்லூரி
பணி அரசியல்வாதி
தொழில் நிலச்சுவான்தார்
சமயம் இசுலாம்
படைத்துறைப் பணி
பற்றிணைவு இலங்கை
கிளை இலங்கைப் பாதுகாப்புப் படை
பணி ஆண்டுகள் (1915-1918)
தர வரிசை லெப்டினண்ட்
பிரிவு கொழும்பு நகரக் காவல்
Battles/wars முதல் உலகப் போர்

சேர் ராசிக் பரீத் (Sir Razik Fareed, 29 டிசம்பர் 1893 - 23 ஆகத்து 1984), இலங்கை அரசியல்வாதியும், நிலவுடைமையாளரும் ஆவார். இவர் இலங்கையின் வணிகத்துறை அமைச்சராகவும், துணை சபாநாயகராகவும், பாக்கித்தானுக்கான இலங்கைத் தூதுவராகவும் பணியாற்றியவர்.[1]

வாழ்க்கைச் சுருக்கம்[தொகு]

ராசிக் பரீத் வாப்சி மரிக்கார் அப்துல் ரகுமான் (1868–1933) என்பவருக்குப் பிறந்தவர். கொழும்பு றோயல் கல்லூரியில் கல்வி பயின்ற ராசிக் பரீத், 1915 ஆம் ஆண்டில் இலங்கைப் பாதுகாப்புப் படையில் கோப்ரலாகப் பணியில் சேர்ந்தார். 1915 இல் இடம்பெற்ற இனக்கலவரக் காலத்தில் இராணுவ சேவையில் இருந்த இவர் 1916 இல் லெப்டினண்டாகப் பதவி உயர்வு பெற்றார்.[2] இரண்டாம் உலகப் போர்க் காலத்தில் பாதுகாப்புக் குழு உறுப்பினராகப் பணியாற்றினார்.[1]

அரசியலில்[தொகு]

ஐக்கிய தேசியக் கட்சியின் ஆரம்பகால உறுப்பினராக இணைந்த பரீத் 1930 ஆம் ஆண்டு முதல் கொழும்பு மாநகர சபை உறுப்பினராக 15 ஆண்டுகள் வரை இருந்தார். அதன் பின்னர் இலங்கை அரசாங்க சபையிலும், 1948 விடுதலைக்குப் பின்னர் மூதவை உறுப்பினராகவும் இருந்தார்.

1952, 2வது நாடாளுமன்றத் தேர்தலில் இவர் கொழும்பு மத்தி தேர்தல் தொகுதியில் போட்டியிட்டு நாடாளுமன்றம் சென்றார்.[3] 1956 தேர்தலிலும் போட்டியிட்டு வெற்றி பெற்றார்.[4] 1960 மார்ச் தேர்தலில் போட்டியிட்டுத் தோல்வியுற்றார்.[5] பின்னர் 1960 சூலை தேர்தலில் போட்டியிட்டு மீண்டும் வெற்றி பெற்றார்.[6]

1968 இல் பாக்கித்தானுக்கான இலங்கைத் தூதுவராக நியமிக்கப்பட்டார்.

சமூகப் பணி[தொகு]

சேர் ராசிக் பரீத் கொழும்பு, பம்பலப்பிட்டியில் தனக்குச் சொந்தமான காணியில் முஸ்லிம் மகளிர் கல்லூரியை உருவாக்கினார்.[1] அகில இலங்கை சோனகர் சங்கத்தின் தலைவராகவும், முஸ்லிம் கவுன்சிலின் தலைவராகவும் இருந்து சேவையாற்றினார்.[1]

மேற்கோள்கள்[தொகு]

  1. 1.0 1.1 1.2 1.3 "சமூக மேம்பாட்டுக்கு மகத்தான பணிசெய்த மகோன்னத தலைவர் சேர் ராசிக் பரீத்". தினகரன் (23 ஆகத்து 2013). பார்த்த நாள் 5 பெப்ரவரி 2016.
  2. Sir Razik Fareed - the humanist statesman in Saville Row outfit
  3. "Result of Parliamentary General Election 1952". இலங்கைத் தேர்தல் திணைக்களம்.
  4. "Result of Parliamentary General Election 1956". இலங்கைத் தேர்தல் திணைக்களம்.
  5. "Result of Parliamentary General Election Mars 1960". இலங்கைத் தேர்தல் திணைக்களம்.
  6. "Result of Parliamentary General Election July 1960". இலங்கைத் தேர்தல் திணைக்களம்.

வெளி இணைப்புகள்[தொகு]

"https://ta.wikipedia.org/w/index.php?title=ராசிக்_பரீத்&oldid=2238605" இருந்து மீள்விக்கப்பட்டது