நா வள்ளி

நா வள்ளி (நவம்பர் 10, 1950) என்னும் வள்ளி சொக்கலிங்கம் நகரத்தாரியல் ஆய்வாளர் ஆவார்.

நா வள்ளி
நா வள்ளி
பிறப்பு	நவம்பர் 10, 1950 கானாடுகாத்தான் இராமநாதபுரம் மாவட்டம்( 1984 முதல் சிவகங்கை மாவட்டம்) தமிழ் நாடு
தேசியம்	இந்தியன்
மற்ற பெயர்கள்	வள்ளி சொக்கலிங்கம்
கல்வி	M.A.,B.Ed.,Ph.D., P.G. Dip.In Epigraphy & Archaeology
அறியப்படுவது	நகரத்தாரியல் ஆய்வாளர்
சொந்த ஊர்	காரைக்குடி
சமயம்	இந்து
வாழ்க்கைத் துணை	கி.சொக்கலிங்கம்

வாழ்க்கை குறிப்பு

சிவகங்கை மாவட்டம் கானாடுகாத்தானில் 10.11.1950இல் பிறந்து, காரைக்குடி கி.சொக்கலிங்கம் செட்டியாரின் வாழ்க்கை துணைவி ஆனவர். எம்.ஏ., பி.எட்., டி.இ.ஏ., பட்டங்களை பெற்ற இவர், காரைக்குடி இராமசாமி தமிழ் கல்லூரியில் முதல்வராக பணியாற்றி ஓய்வு பெற்றவர்.

தமிழ்ப் பல்கலைக்கழகத்தின் குறுகிய கால ஆய்வுத் திட்டத்தின் கீழ் 'சிற்பக்கலையின் சிறப்பும் சிற்பக்கலைக்கு முகவையின் பங்கும்' என்ற ஆய்வைச் செய்துள்ளார். இவர் எழுதிய 'திருப்பத்தூர்' என்னும் நூல் தொல்பொருள் ஆய்வுத் துறையால் வெளியிடப் பெற்றுள்ளது.

'நகரத்தாரின் அறப்பணிகள்' என்ற தலைப்பில் ஆய்வு செய்து மதுரை காமராசர் பல்கலைக்கழகத்தில் முனைவர் பட்டம் பெற்றுள்ளார்.

சிற்பக்கலை, கல்வெட்டு மற்றும் நாட்டுக்கோட்டை நகரத்தார்கள் தொடர்பான பல கட்டுரைகளை எழுதியுள்ளார்.

எழுதிய நூல்கள்

1.திருப்பத்தூர்(1981), தமிழ் நாடு அரசு தொல்லியல் துறை.

2. நகரத்தாரின் அறப்பணிகள்(2001), கிருஷ்ணா பதிப்பகம், காரைக்குடி.

3. காளையார்கோவில் புராணம் உரைச் சுருக்கம் (2015)

4. கோவிலூர்ப் புராணம் விளக்க உரை (2014), கோவிலூர் மடாலயம்.