தைஜுல் இஸ்லாம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

தைஜுல் இஸ்லாம் (Taijul Islam (பிறப்பு:பெப்ரவரி 7, 1992) வங்காளதேசத் துடுப்பாட்ட வீரர் ஆவார். இவர் வங்காளதேச அணிக்காக தேர்வுத் துடுப்பாட்டம் மற்றும் ஒருநாள் பன்னாட்டுத் துடுப்பாட்டப் போட்டிகளில் விளையாடி வருகிறார். இடதுகை கழல் திருப்பப் பந்துவீச்சாளரான இவர் 2013 ஆம் ஆண்டில் வங்காளதேச அ அணிக்குத் தேர்வானார். 2014 ஆம் ஆண்டு வங்காளதேச அணி மேற்கிந்தியத் தீவுகளில் சுற்றுப் பயணம் மேற்கொண்டு விளையாடியது. அந்தத் தொடரில் 5 இலக்குகளைக் கைப்பற்றினார். பின் அடுத்த ஆண்டில் சிம்பாப்வே அணி வங்காளதேசத்தில் சுற்றுப்பயணம் செய்து விளையாடியது. அந்தத் தொடரில் 39 ஓட்டங்களை விட்டுக்கொடுத்து 8 இலக்குகளைக் கைப்பற்றினார். பின் 2016 ஆம் ஆண்டில் ஒருநாள் பன்னாட்டுத் துடுப்பாட்டப் போட்டியில் அறிமுகமானார். அந்தப் போட்டியில் ஹேட்ரிக் இலக்கினை வீழ்த்தினார். இதன்மூலம் அறிமுகப் போட்டியில் ஹேட்ரிக் இலக்கினை வீழ்த்திய முதல் வங்காளதேச வீரர் எனும் சாதனை படைத்தார்.

உள்ளூர்ப் போட்டிகள்[தொகு]

தைஜுல் , ராஜ்ஹாசி மற்றும் வடக்கு மாகாண அணி சார்பாக உள்ளூர்ப் போட்டிகளில் விளையாடி வருகிறார். மேலும் தூரந்தோ ராஜ்ஹாசி அணிக்காக வங்காளதேச பிரீமியர் லீக் தொடரில் விளையாடி வருகிறார். மேலும் தாகா பிரீமியர் லீக்கிக்ல் பிரைம் தோலேஷ்வர் அணிக்காக விளையாடி வருகிறார். 2010-2011 ஆம் ஆண்டுகளில் ராஜ்ஹாசி அணிக்காக முதல் தரத் துடுப்பாட்டப் போட்டியில் அறிமுகமானார்.[1] இந்தத் தொடரில் 14 இலக்குகளைக் கைப்பற்றினார்.

ராஜ்ஹாசி மாகாண அணிக்காக விளையாடுவதற்கு முன்பாக தனது சொந்த ஊரான நதூர் அணி சார்பாக விளையாடினார்.[2] 2009 ஆம் ஆண்டில்19 வயதிற்கு உட்பட்டோருக்கான வங்காளதேச அணி இலங்கையில் சுற்றுப் பயணம் மேற்கொண்டு விளையாடியது. அதில் மூன்று ஒருநாள் போட்டிகள் மற்றும் ஒரு தேர்வுத் துடுப்பாட்ட்ப் போட்டிகளில் இவர் விளையாடினார்.[3][4]

சர்வதேச போட்டிகள்[தொகு]

2014 ஆம் ஆண்டில் வங்காளதேச அணி மேற்கிந்தியத் தீவுகளில் சுற்றுப் பயணம் செய்து விளையாடியது. 2013-14 ஆம் ஆண்டுகளில் உள்லூர்ப் போட்டிகளில் சிறப்பாக விளையாடியதால் இவருக்கு 15 பேர் கொண்ட அணியில் இடம் கிடைத்தது.[5] பின் தேர்வுத் துடுப்பாட்டத் தொடரில் இடம் பெற்றிருந்த அப்துர் ரசாக் காயம் காரணமாக விலகியதால் இவருக்கு வாய்ப்பு வழங்கப்பட்டது.[6] கிங்ஸ்டவுனில் நடந்த முதல் தேர்வுத் துடுப்பாட்டப் போட்டியில் 135 ஓட்டங்களை விட்டுக் கொடுத்து 5 இலக்குகளைக் கைப்பற்றினார். இதன்மூலம் அறிமுகப் போட்டியில் 5 இலக்குகளைக் கைப்பற்றிய ஆறாவது வங்காளதேச வீரர் எனும் சாதனை படைத்தார்.[7]

அக்டோபர் 2014 இல் சிம்பாப்வே துடுப்பாட்ட அணி வங்காளதேசத்தில் சுற்றுப்பயணம் செய்து விளையாடியது. மூன்று தேர்வுப் போட்டிகள் கொண்ட தொடரின் முதல் போட்டியில் 16.5 ஓவர்கள் வீசி 39 ஓட்டங்களை விட்டுகொடுத்து 8 இலக்குகளைக் கைப்பற்றினார். இதன்மூலம் 8 இலக்குகள் வீழ்த்திய முதல் வங்காளதேச பந்துவீச்சாளர் எனும் சாதனை படைத்தார். இதர்கு முன்பாக சகீப் அல் அசன் 2008 ஆம் ஆண்டில் நியூசிலாந்து துடுப்பாட்ட அணிக்கு எதிராக 36 ஓட்டங்களை விட்டுக் கொடுத்து 7 இலக்குகளைக் கைப்பற்றியதே சாதனையாக இருந்தது.[8][9] மேலும் இலங்கையைச் சேர்ந்த ரங்கனா ஹெராத் மற்றும் இங்கிலாந்தைச் சேர்ந்த ஜானி பிரிக்ச் ஆகிய இரு இடதுகை பந்துவீச்சாளர்கள் மட்டுமே இதற்கு முன்பாக 8 இலக்குகளை எடுத்திருந்தனர்.[10] இந்தப்போட்டியின் ஆட்டநாயகன் விருதினை வென்றார்.[11]

சான்றுகள்[தொகு]

  1. First-class matches played by Taijul Islam (21) – CricketArchive. Retrieved 27 October 2014.
  2. "Bangladesh / Players / Taijul Islam". ESPN Cricinfo. ESPN. பார்த்த நாள் 27 October 2014.
  3. Under-19 Test matches played by Taijul Islam (1) – CricketArchive. Retrieved 27 October 2014.
  4. Under-19 ODI matches played by Taijul Islam (3) – CricketArchive. Retrieved 27 October 2014.
  5. Mohammad Isam (10 May 2014). "Three newcomers in Bangladesh A squad" – ESPNcricinfo. Retrieved 27 October 2014.
  6. Mohammad Isam (22 August 2014). "Taijul Islam and Shuvagata Hom set for Test call-ups" – ESPNcricinfo. Retrieved 27 October 2014.
  7. "Bowling records: Test matches (Bangladesh)". ESPN Cricinfo. பார்த்த நாள் 7 September 2014.
  8. Alagappan Muthu (27 October 2014). "Bangladesh stumble after Taijul eight-for" – ESPNcricinfo. Retrieved 27 October 2014.
  9. "Statistics / Statsguru / Test matches / Bowling records" – ESPNcricinfo. Retrieved 27 October 2014.
  10. Statistics / Statsguru / Test matches / Bowling records – ESPNcricinfo. Retrieved 27 October 2014.
  11. Zimbabwe tour of Bangladesh, 1st Test: Bangladesh v Zimbabwe at Dhaka, Oct 25-27, 2014 – ESPNcricinfo. Retrieved 27 October 2014.
"https://ta.wikipedia.org/w/index.php?title=தைஜுல்_இஸ்லாம்&oldid=2714919" இருந்து மீள்விக்கப்பட்டது