தஞ்சைவாணன் கோவை
தஞ்சைவாணன் கோவை பொய்யாமொழிப் புலவர் என்பவரால் இயற்றப்பட்ட ஓர் அகப்பொருட்கோவை நூலாகும். இது பதின்மூன்றாம் நூற்றாண்டைச் சேர்ந்ததாக இருக்கலாம் எனக் கருதப்படுகின்றது. இந்நூல் தற்பொழுது சிவகங்கை மாவட்டத்தில் உள்ள தஞ்சாக்கூரில் வாழ்ந்த சந்திரவாணன்[1] என்னும் சிற்றரசனைப் பாட்டுடைத் தலைவனாகக் கொண்டு எழுதப்பட்டது. [2] தஞ்சைவாணன், பாண்டிய நாட்டை ஆண்ட குலசேகர பாண்டியனின் படைத் தலைவனாகவும் அமைச்சராகவும் இருந்ததோடு, மாறை என்னும் நாட்டை ஆண்டு வந்ததாகவும் தஞ்சைவாணன் கோவை கூறுகிறது.
நூலமைப்பு
[தொகு]கோவை நூல்கள் அகப்பொருள் இலக்கியமாகவே எழுதப்படும் மரபுக்கு ஏற்ப இது தலைவன் தலைவியின் அகவாழ்க்கை பற்றியதாக அமைந்துள்ளது. நாற்கவிராச நம்பி இயற்றிய அகப்பொருள் விளக்கம் என்னும் இலக்கண நூலை அடியொற்றி இந்த இலக்கியம் படைக்கப்பட்டு இருக்கிறது.[1] ‘ இது,
- களவியல்,
- வரைவியல்,
- கற்பியல்
என்னும் 3 இயல்களாகப் பிரிக்கப்பட்டுள்ளது. இம்மூன்று இயல்களிலும் உள்ள 33 பிரிவுகளில் மொத்தம் 425 பாடல்கள் அடங்கியுள்ளன. இவற்றுள், களவியலில், 18 பிரிவுகளில் 280 பாடல்களும், வரைவியலில் 8 பிரிவுகளில் 86 பாடல்களும், கற்பியலில் 7 பிரிவுகளில் 59 பாடல்களும் அடங்குகின்றன. இந்நூல் முழுதும் கட்டளைக் கலித்துறை என்னும் பாவகையில் எழுதப்பட்டுள்ளது.[3]
உள்ளடக்கம்
[தொகு]தஞ்சைவாணன் கோவை நூலின் உள்ளடக்கம் வருமாறு
| இயல் | துறை | பாடல்களின் எண்ணிக்கை | குறிப்பு |
| களவியல் | 01. கைக்கிளை | 00 | |
| 02. இயற்கைப் புணர்ச்சி | 00 | ||
| 03. வன்புறை | 00 | ||
| 04. தெளிவு | 00 | ||
| 05. பிரிவுழி மகிழ்ச்சி | 00 | ||
| 06. பிரிவுழிக் கலங்கல் | 00 | ||
| 07. இடந்தலைப்பாடு | 00 | ||
| 08. பாங்கற்கூட்டம் | 00 | ||
| 09. பாங்கி மதியுடன்பாடு | 00 | ||
| 10. பாங்கியிற் கூட்டம் | 00 | ||
| 11. ஒருசார் பகற்குறி | 00 | ||
| 12. பகற்குறி இடையீடு | 00 | ||
| 13. இரவுக்குறி | 00 | ||
| 14. இரவுக்குறி இடையீடு | 00 | ||
| 15. வரைதல் வேட்கை | 00 | ||
| 16. வரைவு கடாதல் | 00 | ||
| 17. ஒருவழித் தணத்தல் | 00 | ||
| 18. வரைவிடைவைத்துப் பொருள்வயிற்பிரிதல் | 00 | ||
| வரைவியல் | 19. வரைவு மலிவு | 00 | |
| 20. அறத்தொடு நிற்றல் | 00 | ||
| 21. உடன்போக்கு | 00 | ||
| 22. கற்பொடு புணர்ந்த கவ்வை | 00 | ||
| 23. மீட்சி | 00 | ||
| 24. தன்மனை வரைதல் | 00 | ||
| 25. உடன்போக்கு இடையீடு | 00 | ||
| 26. வரைதல் | 00 | ||
| கற்பியல் | 27. இல்வாழ்க்கை | 00 | |
| 28. பரத்தையிற் பிரிவு | 00 | ||
| 29. ஓதற் பிரிவு | 00 | ||
| 30. காவற் பிரிவு | 00 | ||
| 31. தூதிற் பிரிவு | 00 | ||
| 32. துணைவயிற் பிரிவு | 00 | ||
| 33. பொருள்வயிற் பிரிவு | 00 |
உரை
[தொகு]இத் தஞ்சைவாணன் கோவைக்கு விளக்கவுரை எழுதியவர் சொக்கப்ப நாவலர். இவர் பிறந்த ஊர், தொண்டை மண்டலத்தைச் சார்ந்த குன்றத்தூர். இவர் சிறந்த தமிழ்ப்புலமையும் நாவன்மையும் பெற்று அட்டாவதானியாக விளக்கம் பெற்றிருந்தனர். இவர் இந் நூலாசிரியரான பொய்யாமொழியார் மரபில் வந்தவர். [4]
சான்றடைவு
[தொகு]- 1 2 தி.தெ.சை.நூ.கழகம் வெளியிட்ட தஞ்சைவாணன் கோவையின் முன்னுரை
- ↑ சாமிநாதையர் உ.வே, என் சரித்திரம்:அத்தியாயம்-51 சிதம்பரம்பிள்ளையின் கலியாணம்
- ↑ தஞ்சைவாணன் கோவை
- ↑ பொய்யாமொழிப் புலவர் இயற்றிய தஞ்சைவாணன் கோவைக்குச் சொக்கப்ப நாவலர் வரைந்த உரை