டூப்பாக் ஷகூர்

கட்டற்ற கலைக்களஞ்சியமான விக்கிப்பீடியாவில் இருந்து.
டூபாக் ஷகூர்
பின்னணித் தகவல்கள்
இயற்பெயர்டூபாக் அமரு ஷகூர்
பிற பெயர்கள்மாக்கவெலி (Makaveli)
பிறப்பு(1971-06-16)சூன் 16, 1971
நியூயார்க் நகரம், நியூயார்க், ஐக்கிய அமெரிக்கா
பிறப்பிடம்மரின் நகரம், கலிபோர்னியா
இறப்புசெப்டம்பர் 13, 1996(1996-09-13) (அகவை 25)
லாஸ் வேகஸ், நிவாடா, ஐக்கிய அமெரிக்கா
இசை வடிவங்கள்ஹிப் ஹொப்
தொழில்(கள்)ராப் பாடகர், ராப் எழுத்துவர், நடிகர்
இசைத்துறையில்1990-1996
வெளியீட்டு நிறுவனங்கள்இன்டர்ஸ்கோப், டெத் ரோ, அமரு
இணைந்த செயற்பாடுகள்அவுட்லாஸ், டாக்டர் ட்ரே, ஸ்னூப் டாக், டிஜிட்டல் அண்டர்க்ரவுண்ட்
இணையதளம்2paclegacy.com

டூப்பாக் (Tupac) என்றழைக்கப்படும் டூப்பாக் அமரு ஷகூர் (Tupac Amaru Shakur) ஓரு புகழ்பெற்ற அமெரிக்க ராப் இசைக் கலைஞர் ஆவார். 1991 முதல் 1996 வரை இவர் ஐந்து இசைத்தொகுப்புகளை படைத்தார். 75 மில்லியன் இசைத்தொகுப்பு நகல்களை விற்பனை செய்த டூபாக் விற்பனை செய்த இசைத்தொகுப்புகள் மிகுந்த ராப்பர் என்று கின்னெஸ் உலகச் சாதனை நூலில் உள்ளார். பல ராப் விமர்சனம் எழுத்தாளர்கள் இவரை ராப் இசையில் மிகச்சிறந்த கலைஞர்களில் சேர்த்துக் கொள்கின்றனர். ராப் இசை தவிர திரைப்பட நடிகராகவும் கவிதை எழுத்தாளராகவும் பணியாற்றினார். பெரும்பான்மையாக ஆபிரிக்க அமெரிக்கர்கள் வாழும் வறுமைப்பட்ட பகுதிகளில் நடந்த வன்முறை, இனப் பாகுபாடு, போதைப்பொருள் பயன் போன்ற சமூகப் பிரச்சனைகளைப் பற்றி டூப்பாக் பாடல்களை படைத்தார். சமூக சமத்துவத்தை டூபாக் பல பாடல்களில் ஆதரவளித்தார்.

நியூயார்க் நகரில் பிறந்த டூப்பாக் பெரும்பான்மையாக ஓக்லன்ட், கலிபோர்னியா நகரில் வளந்தார். இசை உலகில் முதலாக டிஜிட்டல் அண்டர்கிரவுண்ட் என்னும் ராப் குழுமத்தில் ஒரு நடனக்காரராக இருந்தார். 1991இல் டூப்பாக்கின் முதலாம் இசைத்தொகுப்பு 2பாக்கலிப்ஸ் நௌ வெளிவந்து ராப் திறனாய்வாளர்கள் இதை பாராட்டியுள்ளன, ஆனால் இந்த இசைத்தொகுப்பில் இருந்த பாடல் வரிகளை சில மக்கள் கண்டனம் செய்தன. 1994ல் நவம்பர் மாதத்தில் ஐந்து முறை துப்பாக்கிச் சூட்டிற்கு உள்ளானார். இந்த நிகழ்வை முன்னாள் நன்பர் நொடோரியஸ் பி.ஐ.ஜி உள்ளிட்ட ராப் உலகில் வேறு சிலரை குற்றம் சாட்டியுள்ளார். இந்த நிகழ்வு 1990களில் நடந்த கடும் கிழக்கு-மேற்கு எதிரிடையின் ஒரு காரணமாகும்.

பாலியல் குற்றத்துக்கு 11 மாதங்களாக சிறைப்பிடிக்கப்பட்டார், ஆனால் டெத் ரோ ரெக்கர்ட்ஸ் என்ற ஒலிப்பதிவு நிறுவனத்தின் அதிபர் சுக் நைட் நிதியுதவி செய்து டூப்பாக் சிறையிலிருந்து விடுவிக்கப்பட்டார். இதனால் டூப்பாக் டெத் ரோ ரெக்கர்ட்ஸ் நிறுவனத்தை சேர்ந்து ராப் இசை வரலாற்றில் முதலாம் இரட்டை இசைத்தொகுப்பு, ஆல் ஐஸ் ஆன் மி, படைத்தார்.

செப்டம்பர் 7, 1996 லாஸ் வேகஸ் நகரில் டூப்பாக் நான்கு முறை துப்பாக்கியால் சுடப்பட்டு ஆறு ஆண்டுகளுக்கு பிறகு உயிரிழந்தார்.

இசைத்தொகுப்புகள்[தொகு]

உயிர் இருக்கும்பொழுது வெளிவந்த இசைத்தொகுப்புகள்[தொகு]

மரணத்துக்கு பிறகு வெளிவந்த இசைத்தொகுப்புகள்[தொகு]

நடித்த திரைப்படங்கள்[தொகு]

ஆண்டு படம் பாத்திரம் குறிப்புகள்
1991 நதிங் பட் ட்ரபிள் அவர்தாமே சிறிய பாத்திரம்
1992 ஜூஸ் பிஷப் முதன்முறை கதாநாயகனாக
1993 போயெடிக் ஜஸ்டிஸ் லக்கி ஜேனெட் ஜாக்சன் உடன் கதாநாயகன்
1994 அபவ் த ரிம் பெர்டி மார்லன் வேயன்ஸ் உடன் கதாநாயகன்
1996 புலெட் டேங்க் மரணத்துக்கு பிறகு வெளிவந்தது
1997 கிரிட்லாக்ட் இசிகியெல் "ஸ்பூன்" விட்மோர் மரணத்துக்கு பிறகு வெளிவந்தது
1997 கேங்க் ரிலேடெட் டிடெக்டிவ் ராட்ரிகெஸ் டூபாக்கின் கடைசியாக நடித்த திரைப்படம்
2003 டூபாக்: ரெசரெக்ஷன் அவர் தாமே விளக்கப்படம்
2008 லிவ் 2 டெல் அவர் தாமே 2008இல் வெளிவரும் என்று எதிர்பார்க்கப்படுகிறது
2009 பெயர் இல்லாத டூபாக் விளக்கப்படம் அவர் தாமே (அறிவிக்கப்பட்டது)[1]

மேற்கோள்கள்[தொகு]

"https://ta.wikipedia.org/w/index.php?title=டூப்பாக்_ஷகூர்&oldid=2905559" இலிருந்து மீள்விக்கப்பட்டது