சாமியா சாகித் கொலை

20 ஜூலை 2016 அன்று, சாமியா சாகித், 28 வயதான பிரித்தானிய பாக்கித்தான் பெண், பாக்கித்தானின் பஞ்சாபில் இறந்து கிடந்தார். இவரது குடும்பத்தினருடன் தகராறில் ஈடுபட்டிருந்ததாலும், தனது தந்தை உடல்நிலை சரியில்லாமல் இருப்பதாகக் கூறப்பட்டதால், இவர் தனியாக பாக்கித்தானுக்குச் சென்றார். இவர் இயற்கையான காரணங்களால் இறந்துவிட்டார் என்று உறவினர்கள் கூறினர், அதேசமயம் இவரது கணவர் சையத் முக்தார் காசிம்,இவர் "ஆணவக் கொலை " செய்யப்பட்டதாகக் கூறினார்; பிரேத பரிசோதனை மற்றும் தடயவியல் பரிசோதனை இவள் பாலியல் வன்கலவி செய்யப்பட்டு கழுத்தை நெரித்து கொலை செய்யப்பட்டது தெரிய வந்தது.

இவரது முன்னாள் கணவர் சவுத்ரி முஹம்மது ஷகீல், இவரது கொலையில் சந்தேகத்தின் பேரில் கைது செய்யப்பட்டார் மற்றும் காவலில் இருந்தபோது இவரது முன்னாள் மனைவியை மது போதையில் கொன்றதாக ஒப்புக்கொண்டதாகக் கூறப்படுகிறது. சாமியாவின் தந்தை கொலைக்கு துணையாக இருந்தார் என்ற சந்தேகத்தில் கைது செய்யப்பட்டார், இவர் டிசம்பர் 2016 இல் பிணை ஆணையில் விடுவிக்கப்பட்டார் இவர் ஜனவரி 2018 இல் இறந்தார். 2020 வரை, சகீலுக்கு எதிரான வழக்கு விசாரணை செய்யப்படாமல் உள்ளது.

பின்னணி

"மகிழ்ச்சியான, கலகலப்பான நபர், (எப்போதும்) இவள் முகத்தில் ஒரு புன்னகை இருந்தது" என்று அறியப்பட்ட சாமியா சாகித் , பிராட்போர்டின் மன்னிங்காமில் இருந்து வந்தவர். இவர் நாப் வூட் பள்ளியில் பயின்றார் மற்றும் பொழுதுபோக்காக ஒப்பனை கலைத்திறனைச் செய்துகொண்டே பல்வேறு விற்பனைப் பாத்திரங்களில் பணியாற்றினார்.

2012 ஆம் ஆண்டில், சாமியா தனது உறவினர் சகீலை பாக்கித்தானில் திருமணம் செய்து கொண்டார். திருமணத்தைத் தொடர்ந்து இவர் பிராட்போர்டில் வசித்தார், 2013 இல், சையத் முக்தார் காசிமைச் சந்தித்தார். 2014 ஆம் ஆண்டில், இவர் சுன்னி இசுலாமிலிருந்து சியா இசுலாமிற்கு மாறினார், ஷரியா நீதிமன்றம் மூலம் திருமண முறிவு பெற்றார், லீட்சில் காசிமை மணந்து துபாய்க்கு சென்றார்.

காசிம், சாமியாவின் உறவு காரணமாக இவரது குடும்பத்தினரால் மிரட்டப்பட்டதாகக் கூறினார் மற்றும் மேற்கு யார்க்சயர் காவல்துறையினர் துபாய்க்கு செல்வதற்கு முன்பு இவர் குடும்ப உறுப்பினரால் துன்புறுத்தப்பட்டதாக உறுதிப்படுத்தினர். இவளுடைய திருமண முறிவினை அங்கீகரிக்க மறுத்து, இவள் தன் புதிய கணவனுடன் வாழச் சென்ற போது காணாமல் போனதாக இவர்கள் தெரிவித்தனர்.

2015 இல் பிராட்ஃபோர்டுக்கு இவர் சென்றபோது, சாமியா, குடும்ப உறுப்பினர்களுடனான சந்திப்பில் காவல் துணையுடன் கலந்து கொண்டார்; அதன் முடிவில் இவரது உறவினர் ஒருவருக்கு துன்புறுத்தலுக்கான அதிகாரப்பூர்வ எச்சரிக்கை வழங்கப்பட்டது.

சாமியாவின் முதல் திருமணத்தை ரத்து செய்த ஷியா மதகுரு, இது கட்டாய திருமணம் என்ற அடிப்படையில், இவர் தனது குடும்ப உறுப்பினர்களால் அச்சுறுத்தப்பட்டதாகக் கூறினார், இந்த அச்சுறுத்தல்களின் பதிவை 2014 இல் காவல்துறைக்கு அனுப்பினார்.

ஜூலை 2016 இல், சாமியாவுக்கு தனது தந்தை பாக்கித்தானில் உடல்நிலை சரியில்லாமல் இருப்பதாகக் கூறி ஒரு தொலைபேசி அழைப்பு வந்தது. இது பொய்யாக இருக்கும் என்று கூறிய இவரது கணவரின் ஆலோசனைக்கு எதிராக இவர் இஸ்லாமாபாத் விமான நிலையத்திற்கு சென்றுள்ளார். "வெளிப்படையாக அது ஒரு பொய் என்று என்னால் உணர முடிந்தது,"; இவளுடைய பாதுகாப்பைப் பற்றி கவலைப்பட்டேன், இவளை போகாதே என்று கெஞ்சியதாக அவரது கணவர் கூறினார்.