குரோனசு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
குரோனசு
Saturnus fig274.png
இடம் ஓத்ரைசு மலைச்சிகரம்
துணை ரியா
பெற்றோர்கள் யுரேனசு மற்றும் கையா
சகோதரன்/சகோதரி டைட்டன்கள், எகாடோஞ்சிர்கள், கைகான்ட்சுகள், சைக்ளோப்சுகள், அப்ரடைட்டி, டைப்போன் மற்றும் பைத்தான்
குழந்தைகள் சியுசு, ஈரா, பொசைடன், ஏடிசு, எசிடியா, டிமிடர், கைரன்

குரோனசு என்பவர் கிரேக்கத் தொன்மவியலில் கூறப்படும் பன்னிரு டைட்டன்களுள் ஒருவரும் டைட்டன் தலைவரும் ஆவார். இவருக்கு இணையான ரோமக் கடவுள் சற்றேன் ஆவார். இவர் தன் தந்தை யுரேனசை வீழ்த்தி ஆட்சியைப் பிடித்தார். அதன் பிறகு குரோனசின் மகன் சியுசு அவரை வீழ்த்தி பாதாள உலகமான டார்டரசில் சிறை வைத்தார்.

குரோனசின் எழுச்சி[தொகு]

யுரேனசு மற்றும் கையாவிற்கு நூறு கைகள் கொண்ட எகாடோஞ்சிர்கள், ஒற்றைக் கண் கொண்ட சைக்ளோப்சுகள் மற்றும் கைகான்ட்சுகள் என்னும் அரக்கர்கள் ஆகிய வலிமை மிகுந்த பிள்ளைகள் பிறந்தனர். இதனால் பயந்த யுரேனசு அவர்களைப் பாதாள உலகமான டார்டரசில் அடைத்து வைத்தார். அவர்கள் பாதாளத்தில் இருந்து கொண்டு கையாவிற்கு துன்பம் தந்தனர். இதனால் யுரேனசு மீது கோபம் கொண்ட கையா கல்லால் ஒரு அரிவாள் செய்து யுரேனசை வீழ்த்துமாறு கூறி தன் டைட்டன் பிள்ளைகளிடம் கொடுத்தார். ஆனால் அவர்கள் பயந்தனர். பிறகு குரோனசு முன்வந்து அந்த அரிவாளை எடுத்தார். யுரேனசு கையாவுடன் உறவாட முயன்றபோது அவரின் பிறப்புறுப்பை வெட்டிய குரோனசு அதை கடலில் வீசியெறிந்தார். அப்போது அந்த கடலில் இருந்து அப்ரடைட்டி பிறந்ததாகக் கூறப்படுகிறது.

பிறகு தன் சகோதரர்களான எகாடோஞ்சிர்கள் மற்றும் சைக்ளோப்சுகளை விடுவித்தார் குரோனசு. ஆனால் அவர்களைின் வலிமையைக் கண்டு பயந்த குரோனசு மீண்டும் அவர்களை பாதாளத்தில் அடைத்தார். மேலும் அவர்களைக் காவல் காக்க கேம்பே என்னும் டிராகனை உருவாக்கினார். குரோனசின் ஆட்சி பொற்காலம் என்று அழைக்கப்பட்டது. ஏனெனில் அவரது ஆட்சியில் அனைவரும் நன்மைகளையே செய்து வந்தனர்.

குரோனசின் வீழ்ச்சி[தொகு]

தன் தந்தை யுரேனசை வீழ்த்தி ஆட்சியைப் பிடித்த குரோனசு அதேபோன்று தனக்கும் நேரும் என்று தன் பெற்றோர் மூலம் அறிந்து கொண்டார். அதனால் தனக்குப் பிறந்த ஈரா, இசுடியா, டிமிடர், பொசைடன் மற்றும் ஏடிசு ஆகிய ஐந்து குழந்தைகளையும் விழுங்கி விட்டார். ஆறாவது குழந்தையான சியுசை ரேயா காப்பாற்ற நினைத்தார். அதற்காக கையா ஒரு திட்டம் தீட்டினார். அதன்படி ரேயா ஒரு கல்லில் துணியைச் சுற்றி குழந்தை என்று கூறி குரோனசை ஏமாற்றிவிடுகிறார். பிறகு க்ரீட் தீவில் உள்ள இடா மலைச்சிகரத்தின் குகையில் சியுசை மறைத்து வைத்துவிட்டுச் சென்றார் ரேயா. அதன் பிறகு சியுசை கயா வளர்த்ததாகக் கூறப்படுகிறது.

சியுசு ஆடவனாக வளர்ந்ததும் தன் தந்தை குரோனசின் வயிற்றை கிழித்து தன் சகோதரர்களை விடுவித்தார். சில கதைகளில் ஓசனசின் மகள் மெட்டிசு குரோனசிற்கு மருந்து கலந்த பானத்தை கொடுத்ததாகவும் அதனால் அவருக்கு வாந்தி ஏற்பட்டு அதன் மூலம் சியுசின் சகோதரர்கள் விடுபட்டதாகவும் கூறப்படுகிறது. பிறகு சியுசு பாதாள உலகமான டார்டரசுக்குச் சென்றார். அங்கு காவலன் கேம்பேயை கொன்று கைகான்ட்சுகள், எகாடோஞ்சிர்கள் மற்றும் சைக்ளோப்சுகள் ஆகியவர்களை விடுவித்தார். பிறகு அவர்களுடன் சேர்ந்து சியுசும் அவரது சகோதரர்களும் டைட்டன்களை வீழ்த்தினான். இந்த போர் டைடனோமாச்சி என அழைக்கப்படுகிறது. பிறகு தோற்ற டைட்டன்கள் அனைவரும் டார்டரசில் அடைக்கப்பட்டனர். அட்லசு என்ற டைட்டனுக்கு மட்டும் வானத்தைத் தன் தோளில் தாங்கும் தண்டனை கொடுக்கப்பட்டது.

வம்சாவளி[தொகு]

வெளி இணைப்புகள்[தொகு]

  • TheoiProject: Kronos in classical literature, a collection of translated source texts confirming most of the statements in this article.
    • This chart is based upon Hesiod's Theogony, unless otherwise noted.
    • According to Homer, Iliad 1.570–579, 14.338, Odyssey 8.312, Hephaestus was apparently the son of Hera and Zeus, see Gantz, p. 74.
    • According to Hesiod, Theogony 927–929, Hephaestus was produced by Hera alone, with no father, see Gantz, p. 74.
    • According to Hesiod, Theogony 886–890, of Zeus' children by his seven wives, Athena was the first to be conceived, but the last to be born; Zeus impregnated Metis then swallowed her, later Zeus himself gave birth to Athena "from his head", see Gantz, pp. 51–52, 83–84.
    • According to Hesiod, Theogony 183–200, Aphrodite was born from Uranus' severed genitals, see Gantz, pp. 99–100.
    • According to Homer, Aphrodite was the daughter of Zeus (Iliad 3.374, 20.105; Odyssey 8.308, 320) and Dione (Iliad 5.370–71), see Gantz, pp. 99–100.
    "https://ta.wikipedia.org/w/index.php?title=குரோனசு&oldid=2369965" இருந்து மீள்விக்கப்பட்டது