கிரிஜா சுரேந்திரன்

கிரிஜா சுரேந்திரன்
கேரள சட்டமன்றத்தின் சட்டப் பேரவை உறுப்பினர்
பதவியில் 1996–2006
தொகுதி	ஸ்ரீகிருஷ்ணாபுரம் சட்டமன்றத் தொகுதி
தனிப்பட்ட விவரங்கள்
பிறப்பு	15 மே 1952 (1952-05-15)
அரசியல் கட்சி	இந்தியப் பொதுவுடமைக் கட்சி
துணைவர்	எஸ். சுரேந்திரன்
பிள்ளைகள்	2

கிரிஜா சுரேந்திரன் (Girija Surendran) (பிறப்பு 15 மே 1952) ஓர் இந்திய அரசியல்வாதியும், கேரள சட்டமன்றத்தின் முன்னாள் உறுப்பினருமாவார். அகில இந்திய ஜனநாயக மகளிர் சங்கத்தின் மத்திய குழு உறுப்பினராகவும், இந்தியப் பொதுவுடமைக் கட்சியின் பாலக்காடு மாவட்டக் குழுவின் கேரள மாநிலக் குழு உறுப்பினராகவும் உள்ளார்.

தனிப்பட்ட வாழ்க்கை

கிரிஜா, 15 மே 1952 அன்று கே. கிருஷ்ணன்-சி. ஆர். சாவித்ரி ஆகியோருக்கு பிறந்தார். கல்லூரியில் பட்டம் பெற்றார். எஸ். சுரேந்திரன் என்பவரை மணந்த இவர் மகள்கள்களுடன், கேரள மாநிலத்தில் பாலக்காடு நகரில் வசித்தார்.

அரசியல் வாழ்க்கை

1987 லில் நடந்த கேரள சட்டமன்றத் தேர்தலில், பாலக்காடு தொகுதியிலிருந்து கட்சியின் வேட்பாளராக போட்டியிட கிரிஜா சுரேந்திரனை இந்திய கம்யூனிஸ்ட் கட்சி (மார்க்சிஸ்ட்) பரிந்துரைத்தது. இவர் சுயேட்ச்சை வேட்பாளர் சி. எம். சுந்தரம் என்பவரால் தோற்கடிக்கப்பட்டார். அவருக்கு ஆதரவாக பதிவான 44.35% வாக்குகளுக்கு எதிராக கிரிஜா 37.41% வாக்குகளைப் பெற்றார். அடுத்தடுத்த, 1991லில் நடந்த கேரள சட்டமன்றத் தேர்தலில் இவர் வேட்புமனுக்கான பரிந்துரையைப் பெறவில்லை. இருப்பினும், பின்னர் 1996ரில் நடந்த கேரள சட்டமன்றத் தேர்தலில், இவர் கட்சியால் இரண்டாவது முறையாகவும், பாலக்காடு மாவட்டத்தில் உள்ள ஸ்ரீகிருஷ்ணபுரம் தொகுதியிலிருந்தும் இந்த முறை மீண்டும் பரிந்துரைக்கப்பட்டார்.

இவர் இந்திய தேசிய காங்கிரஸ் கட்சி சார்பில் இரண்டு முறை பதவியில் இருந்த பி.பாலனுக்கு எதிராக, 48.78% வாக்குகளைப் பெற்று வெற்றி பெற்றார். பாலனுக்கு ஆதரவாக 45.23% வாக்குகள் கிடைத்தது. 2001 கேரள சட்டமன்றத் தேர்தலில், இவர் இந்திய தேசிய காங்கிரஸின் முன்னாள் நாடாளுமன்ற உறுப்பினரான, வி. எஸ். விஜயராகவனுக்கு எதிராக மீண்டும் பரிந்துரைக்கப்பட்டார். விஜயராகவனுக்கு ஆதரவாக பதிவான 47.25% வாக்குகளுக்கு எதிராக, தனக்கு ஆதரவாக பதிவான வாக்குகளில் 47.26% வாக்குகளைப் பெற்று, 21 வாக்குகள் வித்தியாசத்தில் இரண்டாவது முறையாக வெற்றி பெற்ற வேட்பாளரானார். 2018 ஆம் ஆண்டில், கேரளாவில் உள்ள இந்திய கம்யூனிஸ்ட் கட்சியின் (மார்க்சிஸ்ட்) மாநிலக் குழுவிற்கு தேர்ந்தெடுக்கப்பட்டார்.