கரோலின் அந்தோனிப்பிள்ளை

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

கரோலின் அந்தோனிப்பிள்ளை(Caroline Anthonypillai, அக்டோபர் 8, 1908 – ஜூலை 7, 2009); இலங்கையின் இடதுசாரித் தலைவர் ஆவார். இவருடைய கணவர், இலங்கைத் தொழிற்சங்க அமைப்பாளரும் இந்திய அரசியல்வாதியுமான எஸ். சி. சி. அந்தோனிப்பிள்ளை ஆவார். கரோலின், இடதுசாரி இயக்கத்தின் முன்னணி ஒளி என சில நேரங்களில் அழைக்கப்படுகிறார்.[1]

இளமை[தொகு]

டோனா கரோலின் ரூபசிங்க குணவர்தனே என்பது கரோலினின் இயற்பெயர் ஆகும். இவர், அக்டோபர் 8, 1908, இலங்கையின் அவிசாவளை எனுமிடத்தில் பிறந்தார் இவது தந்தை ஜாக்கோலிஸ் ரூபசிஙக் குணவர்தனே கிராமத்தலைவராகவும், பிரித்தானிய முகவராகவும் இருந்தர். கரோலினின் உடன் பிறந்தவர்கள் எட்டுபேர். இவருடை சகோதரர் புகபெற்ற இலங்கையின் தேசியத் தலைவரான பிலிப் குணவர்தனே ஆவார். ஓர் இனவதப் பிரச்சனையில் அவரது தந்தை பிரித்தானியர்களால் கைது செய்யப்பட்டார். எனவே கரோலின் ஒரு பௌத்த பெண்கள் பள்ளியில் சேர்க்கப்பட்டர். அங்கு இவர் தேசியவாதக் கருத்துகளை அறியும் வாய்ப்பு கிடைத்தது. படிப்பு முடிந்ததும் தனது கிராமத்திற்குத் திரும்பி புத்தப் பள்ளியில் கற்பித்தல் பணியில் ஈடுபட்டார்.[2]

தொழிலாளர் இயக்கத்தில் சேர விரும்பிய அந்தோனிப்பிள்ளை சிங்களம் கற்க விரும்பினார். அதற்காக கரோலினை நாடினார். அந்தோனிப்பிள்ளை தமிழ் கிறித்துவர்; கரோலின் சிங்கள பௌத்தர்;அந்தோனிப்பிள்ளையை விட கரோலின் ஆறுவயது மூத்தவர்; ஆயினும் இருவரும் 1939 இல் திருமணம் செய்துகொண்டனர். இவர்களுக்கு நான்கு குழந்தைகள் உள்ளனர்.

போருக்கு முந்தைய செயல்பாடுகள்[தொகு]

கரோலின் 1931 இல், அரசியல் பிரச்சாரங்களில் ஈடுபடத் தொடங்கினார். அவரது சகோதரருக்கு நெருக்கமான தேர்தலில் போட்டியிட உதவியாகவும் இருந்தார். இது சமூக நீதிக்கான அவரது உறுதிப்பாட்டை ஆழப்படுத்தியது. காலனித்துவ அரசாங்கத்தால் புறக்கணிக்கப்பட்ட இரண்டாம் உலகப் போரின் இலங்கை சிப்பாய்களுக்கு சமமான உரிமைகளை பெறுவதற்காக அவர் பல எதிர்ப்புப் பேரணிகளில் பங்கு பெற்றார். 1935 ஆம் ஆண்டில், இவருடைய சகோதரர்கள் ஹாரி, பிலிப், இராபர்ட் ஆகியோருடன் இணைந்து[3][4], இலங்கையின் முதல் அரசியல் கட்சியான லங்கா சமசமாஜக் கட்சி நிறுவப்பட உதவியாக இருந்தார்.[5] அந்தோனிப்பிள்ளையுடன் திருமணம் செய்தபின்பு இருவரும் இலங்கையின் மலையகத்திற்குச் சென்று அங்குள்ள மலையகத் தமிழர்களின் தொழிலாளர் குழுக்களை ஒழுங்கமைத்தனர்.[2]

மேற்கோள்கள்[தொகு]