கம்பகா தொடருந்து நிலையம்

கம்பகா தொடருந்து நிலையம்
பொது தகவல்கள்
அமைவிடம்	கம்பகா இலங்கை
ஆள்கூறுகள்	07°05′36.8″N 79°59′37.3″E
உரிமம்	இலங்கை தொடருந்து போக்குவரத்து
தடங்கள்	முதன்மை வழித்தடம்
மற்ற தகவல்கள்
நிலையக் குறியீடு	GPH
வரலாறு
மின்சாரமயம்	இல்லை

கம்பகா தொடருந்து நிலையம் என்பது இலங்கையின் மேற்கு நகரமான கம்பகாவில் உள்ள ஒரு தொடருந்து நிலையம் ஆகும். இந்த நிலையம் இலங்கை தொடருந்து போக்குவரத்து சேவையால் பராமரிக்கப்படுகிறது, இது அரசால் நடத்தப்படும் தொடருந்து நிலையம் ஆகும்.

அமைவிடம்

கம்பகா தொடருந்து நிலையம் கம்பகாவின் மையத்தில் அமைந்துள்ளது. இது ஹெனரத்கொட தாவரவியல் பூங்காவிற்கு அருகில் அமைந்துள்ளது. பண்டாரநாயக்க பன்னாட்டு வானூர்தி நிலையம் மற்றும் கொழும்பு கோட்டை தொடருந்து நிலையம் ஆகியவை கம்பகா தொடருந்து நிலையத்திலிருந்து முறையே 15 மற்றும் 28 கிலோமீட்டர் தொலைவில் உள்ளன. இது சராசரி கடல் மட்டத்திலிருந்து 10.97 மீ உயரத்தில் கொழும்பு கோட்டை ரயில் நிலையத்திலிருந்து பிரதான பாதையில் 15 ஆவது நிலையமாகும்.

இந்தத் தொடருந்து நிலையத்தில் மூன்று நடைமேடைகள் உள்ளன. ஒரு பக்க வழியும் இரண்டு ஊடறு வளைவுப் பாதைகளும் உள்ளன. இது பயணிகள் தொடருந்து முனையமாக வடிவமைக்கப்பட்டுள்ளது.

வரலாறு

ஹெனரத்கொட பழைய தொடருந்து நிலையம்

1864 ஆம் ஆண்டில், பிரித்தானிய குடியேற்றவாசிகள் மலைநாட்டிலிருந்து கொழும்புக்கு தேநீர் மற்றும் காப்பி கொண்டு செல்வதற்கு வசதியாக ஹெனரத்கொட ரயில் நிலையமாக இந்த நிலையத்தை நிர்மாணித்தனர். 1926 இல், இந்த நிலையம் இரட்டைத் தொடருந்துப் பாதையுடன் மேம்படுத்தப்பட்டு நாட்டின் முக்கிய தொடருந்து நிலையமாக மாறியது.

பின்னர், பழைய நிலையம் கைவிடப்பட்டு கம்பகா தொடருந்து நிலையம் என்ற பெயருடன் தற்போதைய இடத்திற்கு மாற்றப்பட்டது. ஆனால் தற்போதைய நிலையத்திலிருந்து சுமார் 100 மீ தொலைவில் உள்ள பாதையில் பழைய ஹெனரத்கொட நிலையம் இன்னும் காணப்படுகிறது. தற்போது இந்த பழைய ஹெனரத்கொட தொடருந்து நிலையக் கட்டடம் தொல்பொருள் திணைக்களத்தின் கம்பகா பிராந்திய காரியாலயமாக செயற்பட்டு வருகின்றது.

மேலும் பார்க்க

• இலங்கையில் உள்ள தொடருந்து நிலையங்களின் பட்டியல்
• வழித்தடம் வாரியாக இலங்கையில் உள்ள தொடருந்து நிலையங்களின் பட்டியல்
• இலங்கை தொடருந்து போக்குவரத்து