ஐஓஎஸ் 7

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ஐஓஎஸ் 7
Apple iOS 7 Logo.svg
IOS 7 home screen.png
ஐபோன் 5இல் இயங்கும் ஐஓஎஸ் 7
விருத்தியாளர்ஆப்பிள் நிறுவனம்
குடும்பம்ஐஓஎஸ்
மூலநிரல்Closed, with open-source components
உற்பத்தி வெளியீடுசெப்டம்பர் 18, 2013
மென்பொருள்
வெளியீட்டு வட்டம்
7.0.4 (11B554a) / நவம்பர் 14, 2013; 6 ஆண்டுகள் முன்னர் (2013-11-14)[1]
மென்பொருள்
வெளியீட்டு வட்டம்
7.1 (11D5099e) / நவம்பர் 18, 2013; 6 ஆண்டுகள் முன்னர் (2013-11-18)
ஆதரவு நிலைiPhone 4 onwards, iPod Touch (5th generation), iPad 2 onwards, iPad Mini (1st generation) onwards [2]
கருனி வகைHybrid (XNU)
அனுமதிProprietary EULA, except for open-source components
முன்னையதுஐஓஎஸ் 6
உத்தியோகபூர்வ
வலைத்தளம்
அதிகாரப்பூர்வ இணையதளம்

ஐஓஎஸ் 7 எனப்படுவது ஆப்பிள் நிறுவனத்தினால் ஐஓஎஸ் 6 இன் தொடர்ச்சியாக வெளியிடப்பட்ட ஒரு அலைபேசி இயங்குதளப் பதிப்பாகும். ஜூன் 10, 2013 அன்று இந்த இயங்குதளப் பதிப்பு அறிமுகம் செய்யப்பட்டதுடன், செப்டம்பர் 18, 2013 அன்று பொதுப் பாவனைக்காக வெளியடப்பட்டது. பல செயற்பாடு மாற்றங்களைக் கொண்டிருப்பதுடன், பயனர் இடைத்தளம் ஐஓஎஸ் 6இல் இருந்து பெருமளவில் மாறுபட்டுள்ளது.

வரலாறு[தொகு]

ஜூன் 10, 2013 அன்று ஆப்பிள் நிறுவனத்தின் ஒரு மாநாட்டில் ஐஓஸ் 7 பீட்டா பதிப்பின் முதல் பதிப்பு அறிமுகம் செய்யப்பட்டது. அந்த மாநாட்டின் போது இந்த இயங்குதளம் ஆப்பிள் ஐபோன் 4 மற்றும் ஐபாட் தொடுதிரை (5ம் தலைமுறை) ஆகிய கருவிகளுக்கு ஆதரவு வழங்கும் என்றும அறிவிக்கப்பட்டது. ஜூன் 24 அன்று பீட்டா பதிப்பின் இரண்டாம் பதிப்பு அறிமுகம் செய்யபட்டதுடன், இந்தப் பதிப்பு ஐபாட் 2 மற்றும் ஐபாட் மினி ஆகிய கருவிகளில் இயங்கும் என்றும் ஆப்பிளினால் அறிவுரை வழங்கப்பட்டது. ஜூலை 8, 2013 அன்று ஐஓஸ் 7 பீட்டா பதிப்பு மூன்று வெளியிடப்பட்டது.

செப்டம்பர் 10 இல் நடந்த புதிய ஐபோன் சீ, ஐபோன் 5எஸ் ஆகிய கருவிகளை அறிமுகப்படுத்த நிகழ்ந்த மாநாட்டில் ஆப்பிள், ஐஓஸ் 7 பொது மக்கள் பயன்பாட்டிற்காக செப்டம்பர் 28ம் தேதி வழங்கப்படும் என அறிக்கை விடுத்தது.

ஐஓஸ் 7 பதிப்பின் மூலம் ஐபோன் 5எஸ் மற்றும் ஐபோன் 5சீ ஆகிய தொலைபேசிகளில் பாரம்பரியமாகப் பயன்படுத்தபட்டு வந்த நுழைவுக் கடவுச்சொல்லிற்குப் பதிலாக, கைரேகையைப் பயன்படுத்தி தொலைபேசியினுள் புகும் வசதியை ஆப்பிள் ஏற்படுத்திக் கொடுத்தது.

அக்டோபர் 28ம் திகதி ஐஓஸ் 7 பதிப்பின் புதிய ஒரு பதிப்பை ஆப்பிள் நிறுவனம் வழங்கியது. இந்த பதிப்பின் மூலம் சிலர் ஐஓஸ் 7 ஐப் பயன்படுத்தும் போது தமக்கு ஏற்பட்டதாக் குறிப்பிட்ட அசைத்து இயக்கம் பயன்பாட்டில் சிக்கலிற்கு (motion sickness)தீர்வு வழங்கப்பட்டு இருந்தது.

வடிவமைப்பு[தொகு]

ஐஓஎஸ் 7இன் பயனர் இடைத்தளம் பெரும் மாற்றத்திற்கு உள்ளாகியிருந்தது. இந்த மாற்றம் ஐஓஎஸ் முதன் முறையாக அறிமுகம் செய்யப்பட்ட காலத்தில் இருந்து பார்க்கும் போது இடம்பெற்ற மிகப்பெரிய மாற்றமாக கணிக்கப்படுகின்றது.

ஐஓஎஸ் 7 இன் செயலிளிற்கான சின்னத்தினை ஆப்பிளின் சந்தைப்படுத்தல் பிரிவு அமைத்ததுடன் அவற்றை அமைப்பதற்காக நிறத்தெரிவுகளும் அவர்களுக்கு வழங்கப்பட்டிருந்தது. இந்த நடவடிக்கை மூலம் ஐஓஎஸ் 6இன் சின்னத்தில் இருந்து இந்த இயங்கு தளத்திற்கான சின்னங்கள் பெருமளவில் மாறுபட்டிருந்தன.

கட்டுப்பாட்டு மையம்[தொகு]

ஐஓஎஸ் 7, புதிய கட்டுப்பாட்டு மையத்தை அறிமுகப்படுத்தி, திரையில் கீழே இருந்து ஸ்வைப் செய்வதன் மூலம் பயனர்களை அணுகுவதற்கான ஒரு மெனுவை அறிமுகப்படுத்தியது, விமானப் பயன்முறை(ஏரோபிளான்), வை-பை , ப்ளூடூத், தொந்தரவு செய்யாமல் இருக்கும் பயன்முறை (Do Not Disturb ) மற்றும் சுழற்றும் பூட்டு போன்ற அடிக்கடி பயன்படுத்தப்படும் அமைப்புகளுக்கு வழி வழங்குகிறது. திரை பிரகாசம் சரிசெய்ய , இசை பின்னணி கட்டுப்பாடுகள் செய்ய, ஒலி அளவு மாற்ற ஒரு ஸ்லைடர் உள்ளது. நிழற்படக் கருவியை விரைவாக அணுகுவதற்கான ஒரு சின்னம் பிரகாச மின்கல விளக்குடன் இருக்கின்றது

அறிவிப்பு மையம்[தொகு]

ஐஓஎஸ்7 ல் காட்சி மற்றும் செயல்பாட்டு மையத்தில் சில சீரமைப்புகளை செய்து புதிய வடிவ அறிவிப்பு மையத்தை வெளியிட்டுள்ளது. அதில் மூன்று முக்கிய தாவல்கள்(Tabs) இன்று (Today), அனைத்து (All), மற்றும் தவறிய(Missed) என்று உள்ளன. அறிவிப்புகள் இப்போது மொபைலின் பூட்டு திரையில்(Lock Screen) தெரியும், மற்றும் அறிவிப்புகளை சாதனங்கள் முழுவதும் ஒத்திசைக்கப்படுகின்றன(Synchronize).

தமிழாதரவு[தொகு]

ஐஓஎஸ்இல் ஏற்கனவே தமிழ் ஆதரவு இருப்பினும் இயங்குதளம் முழுவதும் பயன்படுத்தக் கூடிய விசைப்பலகை இருக்கவில்லை. இதனால் தமிழில் தட்டச்சிட செல்லினம் போன்ற மூன்றாம் நபர் செயலிகளை நாட வேண்டியிருந்தது. ஆயினும் ஐஓஎஸ் 7 பதிப்பின் பின்னர் உள்ளமைந்த தமிழ் விசைப்பலகை வழங்கப்படுகின்றது.[3]

வரவேற்பு[தொகு]

ஐஓஎஸ் 7 பயனர்கள் மத்தியில் பெரும் வரவேற்பைப் பெற்றது. ஐஓஎஸ் 7 வெளியிட்டு முதல் நாளிலேயே சுமார் 35 வீதமான பயனர்கள் தமது ஐஓஎஸ் பதிப்பைத் ஐஓஎஸ் 7க்குத் தரமுயர்த்திக் கொண்டனர். செப்டம்பர் 22, 2013 அன்று சுமார் 200 மில்லியன் கருவிகளில் ஐஒஎஸ் 7 இயங்கிக்கொண்டு இருந்தமை குறிப்பிடத்தக்க அம்சமாகும். ஆப்பிள் இந்த நிகழ்வானது ஐஒஎஸ் வரலாற்றில் மிக வேகமாக இடம்பெற்ற இயங்குதள தரமுயர்த்தல் என்று அறிவித்தது. ஐஒஎஸ் 7 வெளியிடப்பட்ட சில தினங்களிலேயே முன் திரையில் காட்டப்படும் கடவுச் சொல் பொறிமுறையை உடைத்து உள்ளே செல்லும் செயற்பாடுகளை சில மென்பொருள் வல்லுனர்கள் அறிந்து கொண்டனர். ஆயினும் அந்த வழு பின்னர் வெளியிடப்பட்ட ஐஒஸ் பதிப்புகளில் சீர் திருத்தப்பட்டது.

ஐபோன் 4 போன்ற பழைய கருவிகளைப் பாவித்தோர் தமது கருவிகள் ஐஒஎஸ் 7 இல் மிக மெதுவாக இயங்குவதாகக் குறைபட்டுக் கொண்டனர். ஆயினும் இவற்றைச் சீர் செய்ய ஆப்பிளின் மன்றங்களில் தீர்வுகள் வைக்கப்பட்டன.

ஐஓஎஸ் 7 பெருமெடுப்பில் வெற்றி பெற்றாலும் பலர் ஐஓஎஸ் 7 சாளரம் 8(வின்டோஸ் 8) மற்றும் ஆண்ட்ராய்டு அலைபேசி இயங்குதளங்களில் இருந்து பல பயனர் இடைமுக வடிவமைப்புகளைப் பிரதிசெய்துள்ளதாகக் குற்றம் சாட்டினர்.

உசாத்துணை[தொகு]

  1. http://support.apple.com/kb/DL1701
  2. பிழை காட்டு: செல்லாத <ref> குறிச்சொல்; keynote என்னும் பெயரில் உள்ள ref குறிச்சொல்லுக்கு உரையேதும் வழங்கப்படவில்லை
  3. ஐஓஎஸ் 7இல் தமிழ் விசைப்பலகை



ஐஓஎஸ் இயங்குதளங்கள் ஏனைய மோதிரங்களை ஆளும் மாய மோதிரம்
ஐபோன் ஓஎஸ் 1 | ஐபோன் ஓஎஸ் 2 |ஐபோன் ஓஎஸ் 3 | ஐஓஎஸ் 4 | ஐஓஎஸ் 5 |ஐஓஎஸ் 6 |ஐஓஎஸ் 7 |ஐஓஎஸ் 8 |ஐஓஎஸ் 9
"https://ta.wikipedia.org/w/index.php?title=ஐஓஎஸ்_7&oldid=2753681" இருந்து மீள்விக்கப்பட்டது