இசுப்புட்னிக் 4
| இயக்குபவர் | சோவியத் ஒன்றியம் |
|---|---|
| முதன்மை ஒப்பந்தக்காரர் | OKB-1 |
| திட்ட வகை | புவியியல் அறிவியல் |
| செயற்கைக்கோள் | பூமி |
| சுற்றுப்பாதைகள் | ~13,000 |
| ஏவப்பட்ட நாள் | மே 15, 1960 at 00:00:00 UTC |
| திட்டக் காலம் | 2 ஆண்டுகள் 113 நாட்கள் |
| தே.வி.அ.த.மை எண் | 1960-005A |
| நிறை | 1,477 கிகி (1,120 இறா.) |
| சுற்றுப்பாதை உறுப்புகள் | |
| சாய்வு | 65.02° |
| சுற்றுக்காலம் | 92.25 நிமிடங்கள் |
இசுப்புட்னிக் 4 என்பது சோவியத் ஒன்றியத்தின் விண்வெளித் திட்டத்தின் கீழ் ஏவப்பட்ட ஒரு செய்மதி ஆகும். ஸ்புட்னிக் திட்டத்தின் ஒரு பகுதியான இது, பின்னர் வஸ்தோக் திட்டத்தின் கீழ் உத்தேசிக்கப்பட்டிருந்த மனித வெண்வெளிப் பறப்புக்கு ஒரு சோதனைப் பறப்பாக அமைந்தது. 1960 ஆம் ஆண்டு மே மாதம் 15 ஆம் நாள் இச் செய்மதி ஏவப்பட்டது. இதன் வழிகாட்டு முறைமையில் ஏற்பட்ட ஒரு கோளாறு செய்மதியை பிழையான திசையில் வழிகாட்டியது. இதனால், வளிமண்டலத்துள் இறங்குவதற்குப் பதிலாக இது இன்னும் உயரச் சென்று பூமியைச் சுற்றியது. பின்னர் 1962 ஆம் ஆண்டு செப்டெம்பர் 5 ஆம் நாள் புவியின் வளிமண்டலத்துக்குள் வந்தது.[1][2][3]
மனிதரை ஏற்றிய விண்வெளிப் பறப்புக்களை நிகழ்த்துவதற்கான வழிமுறைகளை ஆராய்வதற்காக அனுப்பப்பட்ட தொடர் விண்கலங்களுள் இதுவே முதலாவதாகும். இது பல அறிவியற் கருவிகள், ஒரு தொலைக்காட்சித் தொகுதி, ஒரு பொம்மை மனிதனைக் கொண்ட உயிர் வாழ்வுக்கான வசதிகளைக் கொண்ட ஒரு சிற்றறை என்பவற்றைக் கொண்டிருந்தது. உயிர் வாழ்வதற்கான வசதிகளை வழங்கும் முறைமைகளின் இயக்கம் மற்றும் பறப்பில் ஏற்படக்கூடிய நிலைமைகளையும் ஆராயும் நோக்குடனேயே இக்கலம் வடிவமைக்கப்பட்டது. விண்கலம் ஏராளமான தொலை அளவீட்டுத் தகவல்களையும், முன்னரே பதிவு செய்யப்பட்ட குரலையும் வானலை மூலம் அனுப்பியது. நான்பு நாள் பறப்புக்குப் பின்னர், மீள்கலம், சேவைக் கலத்தில் இருந்து பிரிக்கப்பட்டு, புவிக்குத் திரும்புவதற்கான ராக்கெட்டுகள் இயக்கப்பட்டன. இக்கட்டத்திலேயே வழிகாட்டு முறைமை சரியாக இயங்காமல் திட்டமிட்டபடி கலம் பூமியை நோக்கித் திரும்பவில்லை.
மேற்கோள்கள்
[தொகு]- ↑ McDowell, Jonathan. "Launch Log". Jonathan's Space Page. பார்க்கப்பட்ட நாள் 27 July 2010.
- ↑ "Sputnik 4 - NSSDC ID: 1960-005A". NASA.
- ↑ "1960-005A (ε1) - Kosmičeskij korabl' 1". Space 40 encyclopedia.