அரசு மேல்நிலைப் பள்ளி, ஆலவயல்
அரசு மேல்நிலைப் பள்ளி, ஆலவயல் (Government Higher Secondary School, Alavayal) தமிழகத்தின் புதுக்கோட்டை மாவட்டம் பொன்னமராவதி ஊராட்சி ஒன்றியம் (தாலுகா) ஆலவயல் ஊராட்சியில் செயல்பட்டு வரும் அரசு மேல்நிலைப் பள்ளி ஆகும்.[1]
தோற்றம்
[தொகு]இப்பள்ளி 1989 ஆம் ஆண்டு சூலை மாதம் 19 ஆம் நாள் தோற்றுவிக்கப்பட்டது. முதலில் மணிவண்ணன் என்பவர் தலைமையாசிரியராக பணியாற்றினார்.
நிர்வாகம்
[தொகு]புதுக்கோட்டை மாவட்ட முதன்மை கல்வி அலுவலர் மற்றும் மாவட்ட கல்வி அலுவலர் நிர்வாகத்தின் கீழ் தலைமை ஆசிரியர் மற்றும் 27 ஆசிரியர்கள் உட்பட உடற்கல்வி ஆசிரியர், சிறப்பு ஆசிரியர்கள் பணியாற்றி வருகின்றனர்.
மாணவர்கள் மற்றும் பிரிவுகள்
[தொகு]2017 ஆம் ஆண்டில் இப்பள்ளியில் 750 மாணாக்கர்கள் 6 முதல் 12 ஆம் வகுப்பு வரையிலான வகுப்புகளில் பயின்றனர். மேல்நிலை வகுப்பில் கணினி அறிவியல் மற்றும் உயிரியல் பிரிவு பாடங்கள் நடத்தப்படுகின்றன.
வசதிகள்
[தொகு]இப்பள்ளிக்கு ரூபாய் 1 கோடி செலவில்[2] புதிய கட்டிடம் ஒன்று கட்டப்பட்டுள்ளது. குடிநீர் வசதி, கழிப்பிட வசதிகளும் செய்யப்பட்டுள்ளன. கல்வி கற்பித்தல் தவிர ஆலவயல் அரசு மேல்நிலைப்பள்ளியில் டெங்கு ஒழிப்பு தினம் மற்றும் டெங்கு ஒழிப்பு உறுதிமொழியேற்பு நிகழ்ச்சி போன்ற பல்வேறு சமூக விழிப்புணர்வு நிகழ்ச்சிகளும் அவ்வப்போது நடத்தப்படுகின்றன.[3]
மேற்கோள்கள்
[தொகு]- ↑ "ஆலவயல் அரசுப் பள்ளியில்". தினமணி. https://www.dinamani.com/all-editions/edition-trichy/2010/aug/26/%E0%AE%86%E0%AE%B2%E0%AE%B5%E0%AE%AF%E0%AE%B2%E0%AF%8D-%E0%AE%85%E0%AE%B0%E0%AE%9A%E0%AF%81%E0%AE%AA%E0%AF%8D-%E0%AE%AA%E0%AE%B3%E0%AF%8D%E0%AE%B3%E0%AE%BF%E0%AE%AF%E0%AE%BF%E0%AE%B2%E0%AF%8D-232303.html. பார்த்த நாள்: 15 April 2023.
- ↑ http://www.dinakaran.com/District_Detail.asp?cat=504&Nid=720031[தொடர்பிழந்த இணைப்பு]
- ↑ "ஆலவயல் அரசு மேல்நிலை பள்ளியில் டெங்கு ஒழிப்பு உறுதிமொழி ஏற்பு". மாலை மலர். https://www.maalaimalar.com/news/district/2017/10/10200728/1122380/Dengue-eradication-pledge-in-the-Higher-Secondary.vpf. பார்த்த நாள்: 15 April 2023.