ராமகிருஷ்ணன் (செயற்பாட்டாளர்)
| சி. ராமகிருஷ்ணன் | |
|---|---|
 2012 பிப்ரவரி 18 இல் மரு. மேரி வர்கீஸ் விருதினைப் பெறுகிறார். | |
| பிறப்பு | 6 மே 1954 சேலம், இந்தியா |
| தேசியம் | இந்தியர் |
| மற்ற பெயர்கள் | அமர் சேவா ராமகிருஷ்ணன் |
| அறியப்படுவது | அமர் சேவா சங்கம் |
| சொந்த ஊர் | ஆய்க்குடி |
| பெற்றோர் | சிவசுப்ரமணியன், சரஸ்வதி |
| வாழ்க்கைத் துணை | சித்ரா |
| விருதுகள் | பத்மஸ்ரீ |
ராமகிருஷ்ணன் அல்லது அமர் சேவா ராமகிருஷ்ணன் (ஆங்கில மொழி: Ramakrishnan) ( பிறப்பு: 6 மே 1954) என்பவர் தமிழ் நாட்டைச் சேர்ந்த மாற்றுத் திறனாளிகள் சார்ந்த சமூக செயற்பாட்டாளாராவார். தமிழ்நாட்டு ஆய்க்குடியில் அமர் சேவா சங்கம் என்ற அமைப்பின் நிறுவனராவார்..[1] மாற்றுத்திறனாளிக்கான மருத்துவம் மற்றும் மறுவாழ்விற்கான இவரின் பங்களிப்பிற்கு 2020 இல் பத்மஸ்ரீ விருதினைப் பெற்றார்.[2]
இளமைக் காலம்[தொகு]
சேலத்தில் 1954 இல் சிவசுப்ரமணியன் சரஸ்வதி தம்பதியினருக்கு மகனாகப் பிறந்தார். இவருக்கு மூன்று சகோதரர்களும் ஒரு சகோதரியும் உள்ளனர். தஞ்சாவூரில் பள்ளிக்கல்வியைப் பயின்று, ஆய்க்குடிக்குப் பின்னர் வந்தடைந்தார்.[3] 1970களில் அரசினர் தொழில்நுட்பக் கல்லூரியில் எந்திரப் பொறியியல் பட்டம் பெற்றவர். 1975 ஜனவரி 10 இல் நான்காமாண்டு பொறியியல் படித்துக் கொண்டிருக்கும் போது பெங்களூரில் நடந்த கடற்படை அதிகாரி நேர்முகத் தேர்வில் கலந்து கொண்டார்.[4] அப்போது நடந்த உடல் தகுதிச் சோதனையின் போது ஏற்பட்ட விபத்தில் கழுத்திற்குக் கீழ்ப் பகுதிகள் செயலிழந்துவிட்டன.
குடும்பம்[தொகு]
1994 இல் சித்ரா என்பவரைத் திருமணம் செய்தார். ஆய்க்குடியில் வசிக்கிறார்.[4]
மேற்கோள்கள்[தொகு]
- ↑ "Official website of Amar Seva Sangam". பார்க்கப்பட்ட நாள் 28 October 2012.
- ↑ "பத்ம விருதுகள் அறிவிப்பு: தமிழகத்தின் மாற்றுத்திறனாளி சமூக சேவகர் எஸ்.ராமகிருஷ்ணனுக்கு விருது". தினமணி. https://www.dinamani.com/latest-news/2020/jan/25/govt-announces-names-of-padma-shri-awardees-on-republic-day-3340245.html. பார்த்த நாள்: 26 January 2020.
- ↑ "A Life Reinvented". பார்க்கப்பட்ட நாள் 28 October 2012.[தொடர்பிழந்த இணைப்பு]
- ↑ 4.0 4.1 "The Real Hero". The Hindu. 19 April 2012. http://www.thehindu.com/life-and-style/metroplus/article3332072.ece. பார்த்த நாள்: 4 November 2012.