வானவர் கீதம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

வானவர் கீதம் அல்லது வானவர் புகழ் கீதம் என்பது கத்தோலிக்க திருச்சபையில் திருநாட்களின் திருப்பலியில் பாடப்படும் அல்லது செபமாக செபிக்கப்படும் புகப்பா ஆகும். இப்பாடலானது இது பெரிய புகப்பா (Greater Doxology) என்றும் திரித்துவப் புகழ் சிறிய புகப்பா (Minor Doxology) எனவும் அழைக்கப்படுகின்றது. விவிலியத்தின்படி இடையர்கள் குழந்தை இயேசுவைக் காணும்படி அவர்களுக்கு வானதூதர் அளித்த அறிவிப்பின் இருதியில் அவர்கள் பாடிய பாடல் இப்படலில் துவக்க வரிகளாய் அமைந்துள்ளதால் இது வானவர் கீதம் எனப்பெயர் பெற்றது.

மரபுப்படி தவக்காலம் மற்றும் திருவருகைக்கால ஞாயிற்றுக்கிழமைகள் மற்றும் நீத்தார் இறுதி திருப்பலி ஆகியவற்றில் இப்பாடல் பாடப்படாது. விழாக்கள், பெருவிழாக்கள் மற்றும் ஞாயிற்றுக்கிழமை திருப்பலிகளில் இப்பாடல் பாடப்படும். இது மன்னிப்பு வழிபாட்டுக்கு பின் சபை மன்றாட்டுக்கு முன் பாடப்படும்.

இவ்வகைப்பாடல்கள் விவிலியத்தின் திருப்பாடல்களின் நடையில் இருப்பதால் இவை தனிநபர் திருப்பாடல்கள் (private psalms) வகையினைச்சேர்தவை ஆகும். தே தேயும் இவ்வகைப்பாடலுக்கு மற்றொரு எடுத்துக்காட்டாகும்.[1]

திருப்பலியில் பயன்படுத்தப்படும் வடிவம்[தொகு]

உன்னதங்களிலே இறைவனுக்கு மாட்சிமை உண்டாகுக. உலகினிலே அமைதியும் உண்டாகுக என்னும் பதாகையினை தாங்கிய வானதூதர். இவ்வகை சித்தரிப்புகள் கிறித்தவ ஆலயங்களிலும் குடிலிலும் அதிகமாக காணலாம்

இப்பாடலின் பல வடிவங்கள் வழக்கில் உள்ளன. பொதுவான வடிவம் கீழே கொடுக்கப்பட்டுள்ளது.

உன்னதங்களிலே இறைவனுக்கே மாட்சிமை உண்டாகுக.
உலகினிலே நன் மனத்தவர்க்கு அமைதியும் உண்டாகுக.
புகழ்கின்றோம் யாம் உம்மையே வாழ்த்துகின்றோம் இறைவனே.
உமக்கு ஆராதனை புரிந்து உம்மை மகிமைப் படுத்துகின்றோம் யாம்.
உமது மேலாம் மாட்சிமைக்காக உமக்கு நன்றி நவில்கின்றோம்.
ஆண்டவராம் எம் இறைவனே இணையில்லாத விண்ணரசே.
ஆற்றல் அனைத்தும் கொண்டு இலங்கும் தேவ தந்தை இறைவனே.
ஏகமகனாகச் செனித்த ஆண்டவர் இயேசு கிறிஸ்து இறைவனே.
ஆண்டவராம் எம் இறைவனே இறைவனின் திருச் செம்மறியே.
தந்தையினின்று நித்தியமாகச் செனித்த இறைவன் மகனே நீர்.
உலகின் பாவம் போக்குபவரே நீர் எம்மீது இரங்குவீர்.
உலகின் பாவம் போக்குபவரே எம் மன்றாட்டை ஏற்றருள்வீர்.
தந்தையின் வலத்தில் வீற்றிருப்பவரே நீர் எம்மீது இரங்குவீர்.
ஏனெனில் இயேசு கிறிஸ்துவே நீர் ஒருவரே தூயவர்.
நீர் ஒருவரே ஆண்டவர் நீர் ஒருவரே ஆண்டவர்.
நீர் ஒருவரே ஆண்டவர் நீர் ஒருவரே உன்னதர்
பரிசுத்த ஆவியுடன் தந்தை இறைவனின்
மாட்சியில் உள்ளவர் நீரே -ஆமென்.

மேற்கோள்கள்[தொகு]

  1. "Catholic Encyclopedia: ''Gloria in Excelsis Deo''". Newadvent.org (1909-09-01). பார்த்த நாள் 2012-03-11.


"http://ta.wikipedia.org/w/index.php?title=வானவர்_கீதம்&oldid=1699328" இருந்து மீள்விக்கப்பட்டது