பெரியபாளையம் பவானி அம்மன் கோயில்
பெரியபாளையம் பவானி அம்மன் கோயில் அல்லது பாளயத்தம்மன் கோயில் சென்னையில் இருந்து சுமார் 45 கி.மீ. தொலைவில், திருவள்ளூர் மாவட்டத்தில், குண்டூர் செல்லும் வழியில், பெரியபாளையம் என்ற ஊரில் ஆரணி ஆற்றங்கரையில் அமைந்துள்ளது.
அம்மனின் திருக்கோலம்[தொகு]
பவானி அம்மன் தனது முன்புற வலது கையில் சக்தி ஆயுதம். பின் புறக்கரத்தில் சக்கராயுதம். இடது பின் கையில் சங்கு முன்புறக் கையில் கபாலம் ஏந்தியுள்ளது. இந்தக் கபாலத்தில் கலையரசி, அலையரசி, மலையரசி மூவரும் இருப்பதாக ஐதீகம்.
பிரார்த்தனைகள்[தொகு]
- உடல் நலம் பெறவும், நீண்ட ஆயுளை ஆரோக்கியத்துடன் அடையவும் பெரிய பாளையத்து அம்மனை நினைத்தப்படி வருபவர்கள் அதிகம்.
- பெண்கள், கணவன் நோய்வாய்பட்டிருந்தால், தங்கள் மாங்கல்யம் நிலைத்து நிற்க அம்மனை வேண்டி கொள்கிறார்கள். பின்னர் தங்கள் தாலியை அம்மனுக்கு காணிக்கையாக செலுத்துகிறார்கள்.
- அம்மனுக்கு உகந்த வேப்பிலைகளை உடலில் கட்டிக்கொண்டு கோயிலைச் சுற்றி வந்து தங்கள் பிரார்த்தனையை நிறைவேற்றுகிறார்கள்.
[1].
வசதிகள்[தொகு]
- பொங்கல் படையலிட 200 அடுப்புகளுடன் மண்டபத்தில் வசதிகள் உள்ளது.
- முடிகாணிக்கை செலுத்த தனி மண்டபம் கட்டப்பட்டுள்ளது.
- வேப்பஞ்சேலை பிரார்த்தனை செய்ய வரும் பக்தர்கள் உடைகளை களைந்து வேப்பஞ்சேலை கட்டுவதற்கு வசதியாக ஆண்களுக்கு தனியாகவும், பெண்களுக்கு தனியாகவும் தனி தனி அறைகள் கட்டப்பட்டுள்ளன.
- பக்தர்கள் கட்டணமின்றி தங்கி ஓய்வு எடுப்பதற்காக இரண்டடுக்கு மண்டபம் கட்டி வருகிறார்கள். ஆண்கள், பெண்களுக்கு தனி தனியாக நவீன கழிவறைகள், குளியல் அறைகள் கட்டப்பட்டுள்ளன.
பேருந்து வழித்தடங்கள்[தொகு]
- கோயம்பேடு பேருந்து நிலையத்திலிருந்து --> 514, 514x,
- வள்ளலார் நகர் (வி. நகர்) பேருந்து நிலையத்திலிருந்து --> 592, 547, 532.
- பிராட்வே பேருந்து நிலையத்திலிருந்து--> 593.
- ஆவடி பேருந்து நிலையத்திலைருந்து--> 580x.
- அம்பத்தூர் பேருந்து நிலையத்திலிருந்து --> 563, 562.
- திருவள்ளூர் பேருந்து நிலையத்திலிருந்து --> 171,172,505A, சுந்தரம், சந்திரா, வசந்தா
- செங்குன்றம் பேருந்து நிலையத்திலிருந்து -->532,547,562,593,592A,505A[2]
மேற்கோள்கள்[தொகு]
- ↑ "காப்பகப்படுத்தப்பட்ட நகல்". Archived from the original on 2016-03-12. பார்க்கப்பட்ட நாள் 2015-01-16.
- ↑ http://yellowpages.sulekha.com/red-hills_to_periyapalayam-temple_city_bus-routes_chennai